Philippians 3:8 - De Beebaa Dabu

⁸ Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

Philippians 3:8 Referans Kwoze

Romans 8:18

Gai au e hagadaba bolo denga hagaduasala o de mouli nei e dee maua donu i de hagahedae ange gi de mahamaha gu hagadabena mai laa gi gidaadeu.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Philippians 3:7

Aagai mee alodahi aagu ne mau i dagu hai i mee nei, gai au e hagabinga bolo ni ngadi mee donu i hiidinga o Klisdo.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

Philippians 3:10

gi maua ai e au i de iloo Klisdo, ma ssauaa ne hagamouli ina age laa ia, ma de hagauda denga hagaduasala madali ia, ma de magau bei ono dagodo,

2 Peter 1:3

Ssauaa o de Maadua gu gaamai gi gidaadeu mee alodahi odaadeu e mouli ai i lodo o de Maadua, i taadeu iloo de ia ne hagahia gidaadeu gi gaavee dono mahamaha ma dono danuaa mmao,

1 Corinthians 2:2

Go hiidinga au ne hagababa i ogu lodo bolo au e dee iloo ange dahi mee i dogu masavaa e noho ai i oodou daha, gai go de agoago donu huu i dagodo o Iesu Klisdo ma dono daudau i de laagau lui.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.

John 14:20

De laangi laa gai goodou e tonu ange naa bolo au i lodo o dogu Damana, gai goodou i ogu lodo, gai au i oodou lodo.

Hebrews 3:14

Go hiidinga gidaadeu e dau madali Klisdo, noo gidaadeu e daohi gi makaga taadeu llodo mmahi mai i taamada ga dae ai gi de hagaodi.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

John 14:7

Noo goodou gu iloo au, gai goodou gu iloo donu hogi dogu Damana. Dua iainei gai goodou gu iloo donu ma de gidee ia.”

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Ephesians 4:13

ga dae ai gi taadeu maua alodahi gi buni i de gai, ma de iloo mee o Tama Daane a de Maadua, gai gu maatua abodonu i de gai, bei dagodo de honu abodonu o Klisdo;

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

2 Timothy 4:6

Gai au gu baba ange donu e llingi bei dagodo o ssigidaumaha o mee unu, gai gu dae mai dogu masavaa e hano gee ai i de mouli nei.

John 20:28

Thomas ne hai ange gi de ia, “Dogu Dagi Maolunga, gai go dogu Maadua!”

John 16:3

Gai gilaadeu e hai mee nei i hiidinga gilaadeu e dee iloo dogu Damana, gilaadeu e dee iloo hogi au.

Psalm 126:6

Tangada e sao ga hano i de dangi ma de saabai ana golee e doo ga hano ai, e aahe mai naa donu i de malangilangi, ga saabai mai ana noodangaa grain madali ia.

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.

1 Peter 2:7

Deenei ai, de hadu nei e hagamogomogo adu gi goodou e hagadonusia, aagai ange gi gilaadeu e dee hagadonusia, “De hadu a de gau hagatuu hale ne hagangadi mee laa gu hai go de hadu i tege,”

Galatians 1:16

ne malangilangi ai i de hagaago mai dana Dama Daane gi de au, gi maua ai e au i de agoago ange ia gi denga Gentile, gai au tee hano donu e kave de bale mai i daho dahi dangada daudahi.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

1 Corinthians 9:10

Aabe ia ne tala muna laa i odaadeu hiidinga? Uaa, mai donu gi gidaadeu. Gai gu sisi bolo tangada e hagabalabala ina, ma tangada e hagihagia, e hai hegau ngaadahi ma de tali e kave olaau duuhanga.

John 20:13

Gai gilaau ne ssili ange gi de hine laa, “De hine, gu aha gu dangi ai naa goe?” Ia ne hai ange gi gilaau, “Go hiidinga gilaadeu gu kave gee dogu Dagi Maolunga, gai au e dee iloo be go hee alaadeu ne kave ga dugu ai.”

Luke 11:20

Gai noo au e hai gi hulo gee denga hagasaalunga baubau i ssauaa o de Maadua, gai de nohoanga hodooligi o de Maadua gu dae mai donu gi oodou daha.

Numbers 14:30

E deai naa donu se goodou e dae gi de henua aagu gu hagatoo donu e gaavadu e nnoho ai goodou, go Caleb donu huu tama daane a Jephunneh ma Joshua tama daane a Nun e tae.

Luke 1:43

Gai gu aha gu maua ai nei e au de manuuia laumalie nei, go de humai o tinana o dogu Dagi Maolunga gi ogu daha?

Malachi 2:3

Tilo, au e hagaduasala naa oodou hagadiilinga, ma de hulu oodou mada i denga duudae o denga manu e hai ai laa oodou sigidaumaha, gai goodou e gaavee gee naa madali mee nei,

De Beebaa go Job 20:7

gai ia e magau naa donu ga hano ai, bei ono duudae; dangada ne gidee laa ia e ssili ange naa, ‘I hee ia?’

2 Kings 9:37

Gai de angaanga o Jezebel e bei naa denga duudae e daakodo saele laa i tua de aduhale go Jezreel, gai e deai naa donu se dangada e madea ia, ga hagadaba, ‘Deenei Jezebel.’ ”

1 Kings 14:10

Go hiidinga o de mee nei, au e hai naa gi humai dahi hai ngadaa gi de huaabodu o Jeroboam. Au e daa naa gi maakau denga daane alodahi i Israel, e dee hilihili be se dangada hai hegau aabe se dangada ilaage. Au e dudu naa de hale o Jeroboam bei de hai a tangada e dudu ai laa denga duudae, ga dae ai gi teai donu.

Psalm 73:25

E deai ange donu sogu bale i de langi, go koe donu huu! Gai e deai ange donu se mee oogu e lodo ai i henua i lalo, go koe donu huu!

Romans 8:39

be go dahi mommee maolunga, be go dahi mommee gelo, aabe go dahi mee daudahi ne hai i taamada age, i de vvae gee gidaadeu i de aloha o de Maadua i lodo o Klisdo Iesu taadeu Dagi Maolunga.

Philippians 1:1

Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.

Philippians 3:12

Au e dee tala adu bolo au gu maua donu de mee nei, aabe gu heohi abodonu ogu dagodo, aagai au e hagaduu ngae e hai gi maua e au i de kave de mee a Klisdo ne hai ai laa ngau gi niiana.

2 Peter 1:2

Gi laumalie de abodonu ma de baba i oodou daha, i doodou iloo de Maadua ma Iesu taadeu Dagi Maolunga.

2 Peter 1:8

Gai noo mee nei gu hai hegau i oodou daha ma de hagadagadaga age, gai goodou gu dee ni ngadi dangada gai gu hanu donu oodou haigamaiana, i doodou iloo taadeu Dagi Maolunga go Iesu Klisdo.