Philippians 3:20 - De Beebaa Dabu

²⁰ Aagai gidaadeu, taadeu henua go de langi, go kilaa iai Iesu Klisdo Tagi Maolunga, gai gidaadeu e hagaduu ngae e tali dono ahe mai.

Philippians 3:20 Referans Kwoze

Ephesians 2:19

Deenei ai, goodou gu dee ni dangada tua de mee aabe ni dangada henua gee, aagai gu ni dangada donu de henua madali dangada o de Maadua, goodou gu ni dangada donu dono huaabodu.

2 Corinthians 4:18

go hiidinga gimaadeu e dee kalo ange e tilo mee e gidee, gai e tilo mee e dee gidee laa. Mee e gidee laa e odi donu, aagai mee e dee gidee laa e daakodo donu ga hano ai.

Hebrews 12:22

Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Ephesians 2:6

Gai de Maadua ne hagamouli age gidaadeu madali Klisdo ga hai gidaadeu gi nnoho madali ia i denga mommee i de langi i lodo o Klisdo Iesu,

2 Corinthians 5:8

Gimaadeu e llodo mmahi ma de malangilangi i de dugu de hale go odaadeu angaanga nei, gai ga hulo e nnoho madali Tagi Maolunga.

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

Galatians 4:26

Aagai Jerusalem i de langi laa e ilaage, deenei tinana odaadeu alodahi.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

1 Corinthians 1:7

gai gu deai donu se duuhanga oodou tigi kave i de baasi gi de hagasaalunga, i doodou tali de ahe mai o Iesu Klisdo taadeu Dagi Maolunga.

Acts 1:11

ga hai ange, “Denga daane Galilee, gu aha gu tuu ai naa goodou e kalo age gi lo te langi? Iesu oodou e gidee naa gu gaavage mai i oodou daha gi de langi, e ahe mai naa bei doodou hai gu gidee ai naa ia e hano gi de langi.”

Matthew 19:21

Iesu ne hai ange gi de ia, “Noo koe e lodo gi heohi abodonu goe, gai koe hannoo hagao ina gi daha oo goloa alodahi, ga gaavange gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

1 Thessalonians 4:16

Gai Tagi Maolunga e hano iho naa donu i de langi ma de oo i de leo mmahi, madali de leo o tangada de langi maolunga aama de ili o de trumpet a de Maadua. Gai de gau maakau ne hagadonusia laa e mouli age naa i mua.

Luke 14:14

gi manuuia ai goe, go hiidinga gilaadeu e dee maua i de hagao adu goe. Gai koe e kave naa doo hagaoanga i de masavaa e mouli age gilaadeu e heohi.”

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

Proverbs 15:24

De haiava o tangada heiangi e duu ange gi de mouli, gai e daohi ia gi dee hano iho gi mommee o de gau maakau.

Philippians 1:10

gi maua ai e goodou i de buni ange gi de mee heohi, gai goodou gu gilimalali ma teai oodou baubau i de laangi o Klisdo e ahe mai ai.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Luke 12:21

E bei ai hogi dagodo o tangada e hagabudu ina laa ga doange goloa lagolago, gai e dee lava i mee o de Maadua.”

1 Corinthians 15:48

Dangada ne hai i gelegele, e bei hogi dagodo o de gau henua i lalo; gai dangada mai i de langi e bei hogi dagodo o dangada mai i de langi.

Philippians 1:27

Gai goodou mouli gi bei dagodo muna o de longo danuaa o Klisdo, e dee hilihili be au e hanadu ga hedae adu gi goodou, aabe au e dee maleva, gai au e langona bolo goodou e tuu ma e makaga i de lodo daudahi, ma de hagadau bale i de hebagi i doodou hagadonu de longo danuaa.