Philippians 3:19 - De Beebaa Dabu

¹⁹ Gai de hagaodi o de gau bee nei go de hagaduasala, delaadeu maadua go olaadeu dinae, gai gilaadeu e hagassoenga i denga mee hagadookaa, gai e maanadu donu huu mee o henua i lalo nei.

Philippians 3:19 Referans Kwoze

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

Colossians 3:2

Goodou hagasaelea mee i lunga, e dee go mee o henua i lalo.

2 Peter 2:1

Gai gu hanu donu pelaabisi hadu muna ne ssula age i magavaa o dangada, gai e hanu naa hogi dangada agoago hadu muna e loomai gi oodou magavaa. Gilaadeu e hagammuni naa delaadeu gaamai denga agoago hadu muna ma de hagamanavasaa, ga hagangadi mee ai de Ia Aamua ne hagao ina gilaadeu; gai gilaadeu e hai naa donu ga moolau delaadeu hagaduasala.

2 Corinthians 11:15

Deelaa ai, e dee se mee hagalele mouli donu noo ono dangada hai hegau e hagadulagi ange gi dangada hai hegau o de heohi. Gai delaadeu hagaduasala e hai naa donu gi bei alaadeu hegau.

2 Corinthians 11:12

Gai au e duudagi naa donu huu de hai agu mee e hai nei, e hai ai gi dee maua e gilaadeu e llodo naa e tala bolo alaadeu hegau e bei donu amaadeu hegau e hai nei.

Hosea 4:7

Gu kii ange de soa de gau haimeedabu, gai gu kii ange hogi delaadeu haisala mai gi de au; au e hai naa delaadeu mahamaha gi se dookaa.

2 Peter 2:13

Gilaadeu e kave naa de hagaoanga o alaadeu hegau baubau gu hai. Gilaadeu e maanadu bolo de malangilangi abodonu go de hai daonga ga hagalongaa ai i de laangi. Gilaadeu e bei dagodo o denga duulangaa mee gelegele ma mee baubau, i delaadeu hai denga daonga ga hai ai denga dahulinga hakino gee olaadeu e malangilangi ai laa, gai e loomai hogi ma e daonga madali goodou.

Galatians 6:13

Gai go dangada donu gu tuu dagaholiage laa e dee daohia de hainga, aagai gilaadeu e llodo hogi goodou gi tuu dagaholiage, gai gilaadeu ga tuhi ai delaadeu hai goodou ga tuu dagaholiage.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

1 Corinthians 3:3

go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada?

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Jude 1:16

De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

2 Timothy 3:4

gilaadeu e hagabaubau dangada, e moolau olaadeu lodo, e hagamaolunga, gai e kii ange de llodo e hai olaadeu mee e malangilangi ai, i delaadeu aaloha i de Maadua;

1 Timothy 6:5

ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.

2 Thessalonians 2:12

gai e hagaduasala naa gilaadeu alodahi e dee hagadonusia de mee abodonu, aagai ne malangilangi i de baubau.

Philippians 2:21

De gau ange laa alodahi e ssala donu huu olaadeu mee e llodo ai, e dee go mee o Iesu Klisdo e lodo ai laa.

1 Corinthians 5:6

E dee danuaa doodou tuhi donu huu goodou. Goodou e dee iloo bolo hanu momo mee hagahua e hai ga hua de laabungaa pelaoaa alodahi?

1 Corinthians 5:2

Gai goodou e hagamaolunga! Gai de mee e heohi doodou hai go de daemaha oodou lodo ma aau gee tangada gu haia de hegau nei mai i oodou magavaa!

Malachi 1:12

Aagai goodou e hagangadi mee dogu mommee o ssigidaumaha i doodou hagataba bolo teebele a de Ia Aamua e dee gilimalali, gai denga gai iai e maua gi hagangadi mee ina.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

James 4:16

Aagai goodou e pasa hagassoenga i doodou hagamaolunga. Denga pasa hagassoenga bee nei alodahi e baubau.

2 Thessalonians 2:8

De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.

Luke 18:4

Gai ia tee bale ange de hine laa i dahi masavaa daulooloa, aagai muli mai huu gai ia ga hagadaba, ‘Au e dee madagu i de Maadua aabe e hagadubu dahi dangada daudahi,

Luke 16:19

“E dahi daane lava, e gahu i malo purple ma linen danuaa aama de hai daonga i laangi alodahi.

Luke 12:19

Gai au ga basa iho donu huu gi de au, ga hai mai, “Gu lagolago mee ne doange e mouli ai goe i ngadau lagolago e loomai; koe gi noho baba, gaimee ma de unu ma de malangilangi.” ’

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Matthew 16:23

Iesu ne huli dua ga hai ange gi Peter, “Satan, hannoo gi ogu dua! Koe se dangada e buibuia ngau. Go hiidinga au maanadu e dee bei lodo o de Maadua, aagai e bei lodo o dangada.”

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Micah 3:5

E hagadaba Tagi Maolunga: “Dagodo o denga pelaabisi e hagasengalia laa ogu dangada, noo dangada e haangai ange gilaadeu, gai gilaadeu ga hagataba, ‘De baba gi dagodo i oo daha;’ noo tangada e dee haangai ange gilaadeu, gai gilaadeu ga hagadabena e hebagi ange gi de ia.

Ezekiel 34:3

Goodou e gai denga kiliisi, ma de kahu i huluhulu o denga ssiibi, gai e daa denga ssiibi gu haangai ma gu pedi, aagai goodou e dee hagaloosi ange donu denga ssiibi.

Psalm 52:1

Taane mmahi, gu aha gu basa hagasoenga ai naa goe i de baubau? De lodo aloha o de Maadua e dagodo ga hano ai.

Revelation 18:7

Hagaduasala ina ia ma de hagadaemaha ina ia gi bei de hagamahamaha ma de mouli danuaa aana ne kave. Ia ne hagadaba i ono lodo, ‘Au se hine hodooligi e noho i honga dogu nohoanga hodooligi. Au e dee se hine gu magau dogu bodu, au e dee haihai naa donu ga hinangalosaa.’

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.

Romans 6:21

Aagai ni aha oodou ne mau laa i de masavaa laa, mai i mee oodou gu dookaa ai naa iainei? De hagaodi o mee laa go de magau donu.

Ezekiel 13:19

Goodou ne hagangadi mee au i magavaa o dogu huaadangada i hiidinga o hanu momo barley ma hanu amuamu pelaoaa. Goodou ne daa dangada e dee heohi de daa gi maakau, aagai ne hagaola dangada e dee heohi de dugu gi mouli, i doodou hadu muna ange gi ogu dangada e hagalaangona oodou muna hhadu.

1 Samuel 2:29

Gai gu aha goe gu hagangadi mee ai naa dagu sigidaumaha, ma dagu mee ngadi gaavange? Gai gu aha goe gu hai ai naa gi kii ange luaau dama daane dau hagadubu i de au, ma de hai gi pedi goodou i mee danuaa hugadoo, mai i sigidaumaha alodahi a ogu dangada, go de gau Israel?’

Jeremiah 44:17

Aagai gimaadeu e hagassula donu amaadeu mee gu lava i de hagatoo donu ai. Gimaadeu e dudu ange naa mee maanongi gi de hine hodooligi o de langi, ma de ssigidaumaha ange mee unu gi de ia, bei hegau amaadeu ma omaadeu dubuna madagidagi, ma omaadeu hodooligi ma omaadeu dagi ne hai i aduhale o Judah ma honga haiava o Jerusalem. De masavaa laa gai gimaadeu e lagolago amaadeu gai ma de duadonu, gai gimaadeu tee hai ngadaa donu.

2 Thessalonians 1:9

Gai gilaadeu e hagaduasala donu i de hagaduasala e dee ngado mai, ma de tili gee mai i mada luu mada o Tagi Maolunga ma de mahamaha o dono sauaa mmahi,

Jude 1:10

Aagai de gau naa e pasa hagangadi mee i alaadeu mee e dee tonu ange aagena, gilaadeu e bei dagodo o denga manu e deai laa hagasaele, gai e hai donu huu maanadu e loage i olaadeu lodo, gai aalaa donu mee e daia gilaadeu ga maakau.