Philippians 2:8 - De Beebaa Dabu

⁸ gai ia ne hagamaolalo ga dugu ange donu ia e daa gi magau, ga daudau i honga de laagau lui.

Philippians 2:8 Referans Kwoze

John 10:18

E dee se dangada gee donu ne gaavee dogu mouli, aagai go au donu ne dugua ange dogu mouli. Gai e dahi donu ogu ssauaa e gaavange ai dogu mouli, aama de hagaahe mai ange ai. Aanei muna a dogu Damana ne tala mai gi de au.”

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Romans 5:19

Go hiidinga tee hagallongo i muna o dahi dangada daudahi ne hai dangada soa ga haisala, gai e bei ai hogi, de hagallongo i muna o dahi dangada daudahi ne hai ga heohi dangada soa.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

Matthew 26:39

Gai ia ne damaa hanadu ange ga hagabaguu gi lalo ga hagabaa luoono mada gi honga de gelegele ga dalodalo, ga hai ange, “Dogu Damana, noo e maua, gai gaavee gee de ubu nei mai i ogu daha; aagai e dee go ogu lodo e hai, gai go oo lodo.”

Acts 8:33

Ia ne hagangadi mee ina, gai tee hagamodu ono muna i de heohi. Gai goai e maua i de tala dagodo o dono aamuli? Go hiidinga dono mouli gu kave gee mai i henua i lalo.”

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

John 14:31

aagai de gau i henua i lalo gi iloo bolo au e aloha i Tamana, gai au e hai donu gi bei mee a dogu Damana gu tala mai gi de au. Goodou hiihidi age, gidaadeu ga hulo.

Proverbs 15:33

De madagu i Tagi Maolunga e agoago ange tangada i de heiangi, gai de lodo maolalo e humai i mua de hagadubu.

John 15:10

Noo goodou e daudali i agu muna, gai goodou e nnoho donu i lalo dogu aloha, bei dagu hai ne daudali ai laa i muna a dogu Damana, ma de noho i lalo dono aloha.

Matthew 26:42

Gai ia ne ahe ange hogi ga dalodalo i de lua hanonga, ga hai ange, “Dogu Damana, noo e dee maua i de kave gee de ubu nei gai au e unu ai donu, gai haia gi bei oo lodo.”

Psalm 22:16

Denga gaaduu gu duuli luoogu baasi; de hagabuulinga o de gau baubau gu duuli au, gilaadeu gu hagalagolagohia luoogu lima ma luoogu vae.

Deuteronomy 21:23

gai goodou gi dee dugua dono angaanga gi daudau i de manu laa i de boo laa alodahi. Aagai danumia dono angaanga i de laangi laa donu huu, go hiidinga tangada e daudau i de manu somo gu hagamalaia i daho de Maadua. Deelaa ai, goodou gi dee haia gi hakino gee de henua a Tagi Maolunga doodou Maadua e gaavadu gi goodou gi henua ai.

Matthew 17:2

Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama.

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

Luke 9:29

Gai de masavaa oona e dalodalo ai, gai luoono mada gu hagadagodo gee, gai ono malo gu malamalama ma de tea mmao.

Hebrews 12:4

Goodou ne hai baasi ange ai gi de haisala, gai goodou tee hai baasi ange ga dae ai gi de ssali oodou dodo.