Philippians 2:30 - De Beebaa Dabu

³⁰ go hiidinga ia ne dai magau donu i dana hai hegau a Klisdo; ia ne hagangadi mee dono mouli gi maua ai e ia i de hagalava mee alodahi oodou tee maua i de hai e bale mai ai au.

Philippians 2:30 Referans Kwoze

1 Corinthians 16:17

Gai au ne malangilangi i de tae mai o Stephanas ma Fortunatus, aama Achaicus, i hiidinga gilaadeu gu sui goodou ma gu hai ai mee oodou e dee maua i de hai;

Philippians 4:10

Au gu malangilangi mmao i lodo o Tagi Maolunga, i hiidinga goodou gu maua ange hogi i de hagaago mai doodou llodo e bale mai au. Au e iloo bolo goodou gu llodo huu e bale mai au i mua, aagai tigi maua.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

2 Corinthians 12:15

Gai au e malangilangi donu i de gaavange au ma agu mee alodahi i hiidinga o oodou hagasaalunga. Noo au e kii ange dogu aloha i goodou, gai e hai naa ga kii mai ange oodou aaloha i de au?

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Philemon 1:13

Gai au ne lodo donu e dugu ia gi noho i ogu daha, gai ia ga sui ai goe ga bale mai au i de masavaa oogu e noho ai i lo te hale pono i hiidinga dagu tala de longo danuaa.

Philippians 2:27

Ni muna abodonu ia nogo magi donu ga dai magau. Aagai de Maadua ne abodonu ange gi de ia, gai e dee ange donu huu gi de ia, gai mai hogi gi de au, ga hagaieiangi ia kana gona odi de daemaha dagu mee e hagauda.

Philippians 2:17

Aagai noo dogu mouli e hai gi bei ssigidaumaha o mee unu e llingi ange laa gi honga ssigidaumaha o oodou kai, gai au e malangilangi donu ma de lodo danuaa madali goodou alodahi.

1 Corinthians 16:10

Gai de masavaa naa huu o Timothy e dae adu ai gi oodou daha, gai goodou diiloo abodonu ange gi de ia, i hiidinga ia se daane hogi e haia hegau a Tagi Maolunga bei ogu dagodo.

1 Corinthians 15:53

Go hiidinga angaanga e pobo nei e hai naa ga ni angaanga e dee pobo, gai de angaanga nei e sui naa ga se angaanga e dee magau.

Romans 16:4

Gilaau ne hagahai ngadaa olaau mouli i ogu hiidinga. Gai e dee go au donu huu, gai denga nohoanga dabu alodahi o denga Gentile e hagaahe ange hogi de abodonu i olaau hiidinga.

2 Corinthians 4:12

Deenei ai, de magau e hai hegau i omaadeu daha, aagai e hai gi maua e goodou de mouli.