Philippians 2:29 - De Beebaa Dabu

²⁹ Deenei ai, goodou abodonu ange gi de ia i lodo o Tagi Maolunga i de malangilangi laumalie, ma de hagadubu denga daane bei ia,

Philippians 2:29 Referans Kwoze

1 Timothy 5:17

Denga dagi e kana ange laa i alaadeu hegau, gi laumalie ange delaadeu hagadubu, gai go gilaadeu donu e daalaa ma de agoagona muna a de Maadua e kii ange delaadeu hagadubu.

1 Thessalonians 5:12

Denga daina, gimaadeu e dangidangi adu goodou gi hagadubulia gilaadeu e hagaduu ngae ma e hai hegau i oodou magavaa, ma de dagi goodou i lodo o Tagi Maolunga aama de agoago adu goodou.

1 Corinthians 16:18

gai gilaadeu gu hai ma gu paba odaadeu lodo alodahi. Deelaa ai, goodou hagadubulia de gau bee nei.

Romans 16:2

Goodou balea ange ia i de ingoo o Tagi Maolunga, bei dagodo hegau e heohi i de hai i daho dangada o de Maadua, gai goodou bale ange ia i mee alodahi oona e duasala ai, go hiidinga gu soa dangada aana ne bale ange, gai ia ne bale mai hogi au.

2 Corinthians 10:18

Go hiidinga e dee go tangada e duuhia laa donu huu ia e hagaheohi, aagai go tangada a Tagi Maolunga e tuhi laa.

1 Corinthians 16:10

Gai de masavaa naa huu o Timothy e dae adu ai gi oodou daha, gai goodou diiloo abodonu ange gi de ia, i hiidinga ia se daane hogi e haia hegau a Tagi Maolunga bei ogu dagodo.

3 John 1:10

Aagai noo au gu dae adu, gai au ga tala adu ai gi iloo e goodou dagodo o ana hegau e hai, aama dana tala hanu ngadi muna e hagabaubau ai gimaadeu. Gai e dee aanaa donu huu ana mee ne hai, gai ia tee lodo donu e abodonu ange gi denga daina, ma de buibui dangada e llodo laa e balea ange gilaadeu, ga aau gee mai gilaadeu i de nohoanga dabu.

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

Colossians 4:10

Aristarchus se daane e noho i lo te hale pono madali au e gaavadu dana hagaboo gi goodou, ma Mark tangada o Barnabas. (Goodou gu lava i de iloo dagu hai gu tala adu ai ono dagodo; gai noo ia gu dae adu gi oodou daha, goodou abodonu ange gi de ia.)

2 Corinthians 7:2

Goodou huugea mai oodou lodo gi gimaadeu; gimaadeu tigi haisala ange donu gi dahi dangada, gimaadeu tee hagasenga dahi goodou, aabe ne gaiaa oodou mee.

Romans 10:15

Gai dee hee de hai a dangada e agoago ai, noo teai ne hagasauaa ina gilaadeu gi hulo? Gai gu sisi e hai ange, “Ga dae laa de mahamaha vae o dangada e agoago ina de longo danuaa!”

Acts 28:10

Gai dangada o de modu laa ne ngadi gaamai hanu mee lagolago gi gimaadeu. Gai de masavaa omaadeu ne maalanga ai e hulo gee i kilaa, gai gilaadeu ga hhao demaadeu vaga i mee alodahi omaadeu e hagadanuaa ai.

Acts 8:8

Deelaa ai, dangada i de aduhale laa gu malangilangi mmao.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

John 13:20

Ni muna abodonu, ni muna abodonu aagu e hai adu nei gi goodou, be goai e abodonu ange gi tangada aagu e hai gi humai e abodonu mai donu gi de au; gai be goai e abodonu mai gi de au e abodonu ange donu gi de ia ne haia ngau gi humai.”

Luke 9:5

Gai be goai naa huu e dee abodonu adu gi goodou, gai de masavaa naa huu oodou e hulo gee ai i de aduhale laa, gai goodou ga luuluu gelegele i oodou vae e hagakana ange ai gilaadeu.”

Isaiah 52:7

Ga dae laa de mahamaha i honga denga mounga vae o dangada e gaamai de longo danuaa, go de ia e daalaa dagodo o de nnoho paba, ma de gaamai denga longo danuaa ma de tala dagodo o de hagaola, ma de hai ange gi Zion, “Go doo Maadua e hodooligi!”

Philippians 2:28

Gai au gu kii ange donu dogu lodo e hai ia gi hanadu gi oodou daha, gi malangilangi ai goodou i doodou gidee ia, gai gi dee kona ai dogu manavasaa i goodou.