Philippians 2:28 - De Beebaa Dabu

²⁸ Gai au gu kii ange donu dogu lodo e hai ia gi hanadu gi oodou daha, gi malangilangi ai goodou i doodou gidee ia, gai gi dee kona ai dogu manavasaa i goodou.

Philippians 2:28 Referans Kwoze

John 16:22

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi.

2 Timothy 1:4

Au gu lodo mmao e tilo goe, i dagu noho ga manadua oo loimada, gai gi honu abodonu ai hogi dogu malangilangi.

2 Corinthians 2:3

Au ne sisi adu agu muna i mua, gi dee daemaha ai ogu lodo i goodou, de masavaa oogu e dae adu ai, gai go goodou donu e hagamalangilangi ina ogu lodo. Gai au e dahi donu agu tali adu gi goodou alodahi, bolo au e malangilangi naa donu madali goodou.

Acts 20:38

Gilaadeu gu kona mmao de hinangalosaa i hiidinga dana tala ange gi gilaadeu bolo gilaadeu e dee gidee ange naa donu ia. Gai gilaadeu ne hulo ga kave ia gi de vaga.

Genesis 48:11

Gai Israel ga hai ange gi Joseph, “Au tee maanadu donu bolo au e gidee ange naa goe, gai tilo, de Maadua gu dugu mai hogi au gi gidee luaau dama.”

Philippians 2:29

Deenei ai, goodou abodonu ange gi de ia i lodo o Tagi Maolunga i de malangilangi laumalie, ma de hagadubu denga daane bei ia,