Philippians 2:27 - De Beebaa Dabu

²⁷ Ni muna abodonu ia nogo magi donu ga dai magau. Aagai de Maadua ne abodonu ange gi de ia, gai e dee ange donu huu gi de ia, gai mai hogi gi de au, ga hagaieiangi ia kana gona odi de daemaha dagu mee e hagauda.

Philippians 2:27 Referans Kwoze

Psalm 34:19

Ga lagolago naa donu hai ngadaa o tangada heohi, aagai Tagi Maolunga e hagaola mai ia i mee nei hugadoo.

Philippians 2:30

go hiidinga ia ne dai magau donu i dana hai hegau a Klisdo; ia ne hagangadi mee dono mouli gi maua ai e ia i de hagalava mee alodahi oodou tee maua i de hai e bale mai ai au.

2 Corinthians 2:7

deenei ai, goodou degi ange gi de ia ma de hagaaneane ina ono lodo, gi dee kona ai dono daemaha.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

Acts 9:37

Ia ne magi ga magau i laangi laa, gai dangada ga hakaugau ia ga hagadagodo i de aabi i lunga.

De Beebaa go Job 5:19

Ia e hagaola goe mai i de hai ngadaa i e ono hanonga, gai de hidu hai ngadaa e dee maua naa donu gi baa i de goe.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Habakkuk 3:2

Tagi Maolunga, au gu langona oo longo, Tagi Maolunga, gai au gu lele ogu mouli i au hegau. Ahe ange haia au hegau i demaadeu masavaa, haia gi iloo e gimaadeu dagodo o au hegau; gai koe manadua de lodo aloha i doo bole.

Jeremiah 10:24

Tagi Maolunga, koe gi hagaheohi ina mai au, gai haelea donu i de heohi; gai e dee haelea au i doo lili, kana haia e goe au ga se ngadi mee.

Jeremiah 8:18

Dogu hinangalosaa gu dee maua gi ui, gai ogu lodo gu baageaa.

Isaiah 38:17

Tilo, ne hanu donu haigamaiana de kona dogu hagaduasala i de mee nei. Koe ne aloha i de au ga daohi dogu mouli mai i de mommee o de gau maakau; koe gu huli ange doo dua gi ogu haisala alodahi.

Isaiah 27:8

Koe se hagabau donu dau alualu gilaadeu gi hulo gi dahi henua gee — ia ne busi gilaadeu gi hulo gee i de madangi o dono ngudu, bei de laangi e ssau mai ai de madangi i dua.

2 Kings 20:1

De masavaa laa gai Hezekiah ne magi ga dai magau. Gai de pelaabisi go Isaiah, tama daane a Amoz ne humai gi ono daha, ga hai ange, “E hagadaba Tagi Maolunga: Hagadabena ina mee i doo hale, go hiidinga koe e dee ieiangi naa donu gai e magau.”

Jeremiah 45:3

Koe ne hagadaba, ‘Gu vakaa loo au! Tagi Maolunga gu hai gi kona dogu daemaha ma de mmae; au gu dalea i de gonogono gai gu dee maua i de hagamabu.’ ”

Philippians 2:26

Go hiidinga ia gu kona mmao dono buliaamoou i goodou alodahi, ma dono daemaha i hiidinga ia gu iloo bolo goodou gu langona bolo ia nogo magi.

Philippians 2:28

Gai au gu kii ange donu dogu lodo e hai ia gi hanadu gi oodou daha, gi malangilangi ai goodou i doodou gidee ia, gai gi dee kona ai dogu manavasaa i goodou.