Philippians 2:26 - De Beebaa Dabu

²⁶ Go hiidinga ia gu kona mmao dono buliaamoou i goodou alodahi, ma dono daemaha i hiidinga ia gu iloo bolo goodou gu langona bolo ia nogo magi.

Philippians 2:26 Referans Kwoze

Philippians 1:8

Gai go de Maadua dogu dangada tala hagadonu, i dagu tala adu bolo au e buliaamou mmao i goodou alodahi bei de aloha o Klisdo Iesu.

Ephesians 3:13

Deenei ai, au e dangidangi adu goodou gi dee baageaa oodou lodo i ogu hagaduasala lagolago i oodou hiidinga; mee nei go doodou mahamaha.

Romans 12:15

Malangilangi madali gilaadeu e malangilangi, gai tangi madali gilaadeu e tangi.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Proverbs 12:25

Tangada e manavasaa laa ono lodo e lodo baubau, aagai muna danuaa e hagamaamaane ono lodo.

Philippians 4:1

Deenei ai, ogu daina hagamogomogo ma dogu buliaamoou ai, goodou go dogu malangilangi ma dogu hau mahamaha, denga soa hagamogomogo — goodou tuu gi makaga i lodo o Tagi Maolunga.

Romans 9:2

bolo au e kona mmao de daemaha ma tee baba ogu lodo.

Matthew 26:37

Gai ia ne kave Peter ma luu dama daane a Zebedee madali ia, gai ia gu daemaha mmao ma tee baba ono lodo.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Psalm 69:20

Au gu kona mmao de mmae ogu lodo i dogu hagadogaa ina, gai au gu dee baba ogu lodo. Au ne ssala dahi gi lodo aloha mai gi de au, aagai au tee gidee dahi dangada daudahi; au ne ssala dahi dangada gi hagaaneane ina ogu lodo, gai au tee gidee dahi dangada daudahi.

2 Samuel 13:39

Gai de hodooligi gu buliaamoou mmao i Absalom, i hiidinga gu ui dono buliaamoou i de magau o Amnon.

1 Peter 1:6

Goodou llodo danuaa i hiidinga o mee nei, e dee galemu donu goodou e hagaduasala iainei, i denga hagadaagangaa hagatale i dahi masavaa bodobodo.

Philippians 1:3

Au e hagaahe ange de abodonu gi dogu Maadua i masavaa alodahi aagu e maanadu ai goodou.

Galatians 6:2

Goodou gi hagadau hagauda ina oodou daemaha; noo goodou e hai de mee nei, gai goodou gu daudali i de hainga a Klisdo.

2 Corinthians 9:14

Gai gilaadeu gu aaloha hogi i goodou ma de dalodalo i goodou, i hiidinga de abodonu laumalie o de Maadua adu gi goodou.

1 Corinthians 12:26

Noo dahi diba o de angaanga gu duasala, gai de angaanga alodahi gu duasala; noo dahi diba o de angaanga gu hagadubulia, gai diba alodahi gu malangilangi.

Romans 1:11

Go hiidinga au e lodo mmao e tilo goodou, gai au ga gaavadu ai gi goodou hanu mee ngadi gaavange i de baasi gi de hagasaalunga e hagammahi ai oodou lodo,

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

De Beebaa go Job 9:27

Noo au e hagadaba, ‘Au ga hagangalo dogu nanu, au e dee lodo baubau gai e malangilangi,’

2 Samuel 24:17

Gai David ne basa ange gi Tagi Maolunga i de masavaa aana ne gidee ai tangada de langi e daia laa dangada, ga hai ange, “Tilo, au gu haisala, gai go au donu tee heohi. Aagai de gau nei e bei dagodo o denga ssiibi, ni aha alaadeu ne hai? Au e dangidangi adu, hagaduasala ina ngau ma dogu huaabodu.”

Philippians 2:25

Au e maanadu bolo e danuaa dagu hai gi ahe adu taadeu daina go Epaphroditus, ia se daane hai hegau madali au ma de hebagi madali au, go tangada oodou ne hai gi humai gi balea mai au i de masavaa oogu ne duasala ai.

Philippians 2:27

Ni muna abodonu ia nogo magi donu ga dai magau. Aagai de Maadua ne abodonu ange gi de ia, gai e dee ange donu huu gi de ia, gai mai hogi gi de au, ga hagaieiangi ia kana gona odi de daemaha dagu mee e hagauda.