Philippians 2:2 - De Beebaa Dabu

² gai goodou haia gi honu abodonu dogu malangilangi, i de buni i oodou lodo, ma de buni i de aloha, ma de buni i de lodo ma de maanadu daudahi.

Philippians 2:2 Referans Kwoze

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

3 John 1:4

Gai e deai ange donu se mee e kii ange dogu hagamalangilangi, bei dagu langona bolo agu dama e seesee i de mee abodonu.

Philippians 2:16

i doodou hagammahi ga daohi muna o de mouli, gi maua ai e au i de tala tuhi i de laangi o Klisdo e humai ai, bolo au tee ngadi savini aabe teai haigamaiana o agu hegau.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

2 John 1:4

Au gu malangilangi mmao i dagu gidee bolo hanu au dama e daudali i de muna abodonu, bei de hai a Tamana gu tala mai ai gi gidaadeu.

2 Thessalonians 2:13

Gimaadeu e hagaahe ange de abodonu gi de Maadua i masavaa alodahi i oodou hiidinga, denga daina o Tagi Maolunga e aloha ai laa, go hiidinga mai i taamada age gai de Maadua ne hili goodou gi hagamouli ga vvae gee goodou i ssauaa o de Hagasaalunga ⌊Dabu⌋, aama doodou hagadonu de mee abodonu.

Colossians 2:5

Gai ga dee noho naa donu au i oodou daha iainei i de angaanga, gai au e noho donu i oodou daha i de hagasaalunga, ma de malangilangi i dagu gide doodou lodo mmahi aama doodou tuu ga makaga i oodou kai ange gi Klisdo.

Philippians 4:2

Au e dangidangi ange gi Euodia ma Syntyche, gilaau gi hagadanuaa ina olaau magavaa i lodo o Tagi Maolunga.

Philippians 2:20

Gai e deai ange donu se dangada e bei dagodo o Timothy, i dono lodo mmahi i de hai de mee e danuaa adu gi goodou.

2 Corinthians 7:7

gai e dee go hiidinga donu huu dono dae adu, aagai go hiidinga hogi doodou hagamaamaane ono lodo. Ia gu tala mai dagodo o doodou llodo au gi dae adu gi oodou daha, ma de daemaha oodou lodo, aama doodou llodo gaiaa i ogu hiidinga, deenei ai, au gu kii ange donu dogu malangilangi.

2 Corinthians 2:3

Au ne sisi adu agu muna i mua, gi dee daemaha ai ogu lodo i goodou, de masavaa oogu e dae adu ai, gai go goodou donu e hagamalangilangi ina ogu lodo. Gai au e dahi donu agu tali adu gi goodou alodahi, bolo au e malangilangi naa donu madali goodou.

Acts 5:12

Gai ne lagolago hagailonga ma mee hagalele mouli a de gau tala ne hai i magavaa o dangada. Gai gilaadeu alodahi ne hagabuni i de lodo daudahi ga nnoho i de mommee iai laa de Velanda o Solomon.

Acts 1:14

Gilaadeu nei alodahi ne hagabuni i de lodo daudahi ga dalodalo, madali hanu haahine ma Mary tinana o Iesu, aama denga daina daane o Iesu.

Philippians 1:4

Masavaa alodahi oogu e dalodalo ai i goodou, gai au e dalodalo ma de malangilangi,

John 3:29

Taane niiona de bodu go taane gu dai hagahai bodu. Gai ssoa o taane gu dai hagahai bodu e duu ma e tali e hagallongo ana muna, gai ia e malangilangi mmao i dana langona de leo o taane gu dai hagahai bodu. Deenei ai, dogu malangilangi gu honu danuaa.

2 Timothy 1:4

Au gu lodo mmao e tilo goe, i dagu noho ga manadua oo loimada, gai gi honu abodonu ai hogi dogu malangilangi.

Acts 2:1

De masavaa huu ne dae mai ai de laangi o de Pentecost, gai gilaadeu alodahi ga hagabuni i dahi mommee.

Philemon 1:20

Deenei ai, e taina, haia gi hanu haigamaiana o agu hegau adu gi de goe i lodo o Tagi Maolunga. Haia gi baba ogu lodo i lodo o Klisdo.

Psalm 122:8

Au e hagadaba, “De baba gi dagodo i oo daha,” i hiidinga o ogu daina ma ogu soa.