Philippians 2:14 - De Beebaa Dabu

¹⁴ Goodou haia mee alodahi i tee nnanu aabe go de hagadaumee,

Philippians 2:14 Referans Kwoze

1 Peter 4:9

Goodou hagadau abodonu ange gi dangada i oodou hale, gai gi dee nnanu.

1 Corinthians 10:10

Aude nanu, bei dagodo o hanu gilaadeu, gai gilaadeu ne daia ga maakau e tangada de langi o de magau.

Philippians 2:3

Goodou gi dee haia donu huu oodou mee e llodo ai aabe go de llodo maolunga, aagai goodou gi lodo maolalo ma de tala bolo de gau ange laa e danuaa ange i goodou.

James 5:9

Denga daina, goodou gi dee nnanu i dahi dangada gee, gi dee hagamodu ai oodou muna. Tilo, tangada hagamodu muna gu duu donu i ma te haitoga.

Romans 12:18

Gai noo se mee e maua e goodou i de hai, gai goodou gi nnoho i de baba madali dangada alodahi.

1 Thessalonians 5:15

Goodou dagidiiloo gi dee suuia ange e goodou de baubau i de baubau, aagai gi dee helui doodou hagadau hai tanuaa i oodou magavaa, aama ange hogi gi dangada alodahi.

James 1:20

go hiidinga de lili o tangada e dee hagahai hegau de heohi o de Maadua.

Galatians 5:26

Gidaadeu gi dee pasa hagassoenga, ga hagadau hagallili ai goodou, aama de hagadau llodo gaiaa i oodou magavaa.

Galatians 5:15

Aagai noo goodou e hagadau hebagi ma de hagadau vaivai hai goodou, gai goodou kana ange gi dee hagadau daia donu huu goodou gi maakau.

James 3:14

Aagai noo goodou e llodo gaiaa ma de ssala donu huu oodou mee e llodo ai, gai goodou gi dee pasa hagasoenga, aabe gi hagahadu muna ina de mee abodonu.

Romans 14:1

Goodou abodonu ange gi tangada e baageaa i de gai, aagai gi dee hagadaumee i mee e dagodo geegee ai maanadu a dangada.

Psalm 106:25

Gai gilaadeu ne nnanu i lodo olaadeu hale malo, gai tee hagallongo ange gi muna a Tagi Maolunga.

Jude 1:16

De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

1 Peter 3:11

Ia gi hano gee i de baubau gai gi haia tanuaa; gai ia gi hagaduu ngae gi saalaa de nnoho paba.

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

Acts 15:2

Gai gu kona de hagadaumee ange o Paul ma Barnabas gi denga daane laa. Deelaa ai, gilaadeu ne hili a Paul ma Barnabas aama hanu dangada i kilaa gi hulo gi Jerusalem, i daho de gau tala ma denga dagi gi siilia ai dagodo o de mee laa.

Acts 6:1

Gai de masavaa huu ne kii ange ai de soa dangada gu hagadonusia, gai denga daina e pasa Greek laa ne nnanu i denga daina e pasa Hebrew laa, i hiidinga gilaadeu e dee tilo danuaa ange alaadeu haahine gu maakau olaadeu bodu i de masavaa e duha ai gai i laangi alodahi.

1 Thessalonians 5:13

Gai gi kii ange doodou hagadubu gilaadeu ma de aaloha i gilaadeu, i hiidinga o alaadeu hegau. Gai goodou gi nnoho hagabuni i de baba.

Numbers 14:27

“Dee hee maa taulooloa de nnanu o de hagabuulingaa dangada baubau nei i de au? Au gu langona de nnanu o de gau Israel ma delaadeu hai baasi mai gi de au.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

Acts 15:39

Gai gu kona delaau dee heloongoi, deelaa ai, gilaau gu mavaevae. Barnabas ga kave a Mark madali ia ga hulo gi Cyprus,

Acts 15:7

Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.

Mark 14:5

De vai nei ne maua donu i de hagao gi daha gi maua ai e dolulau denarius e gaavange gi de gau hagaau aloha!” Gai gilaadeu ga hagasee ia.

Matthew 20:11

Gai de masavaa huu ne kave ai olaadeu hagaoanga, gai gilaadeu ga nnanu i taane aamua laa.

Proverbs 13:10

De hagamaolunga e hidi mai ai de hagadaumee, aagai de heiangi e gidee i daho dangada e gaavee muna bale.

Mark 9:14

Gai de masavaa huu olaadeu ne aahe mai ai gi daho denga dangada agoago ange laa, gai gilaadeu gu gidee dangada soa gu hagabuni mai gi kilaa. Gai de gau sisi e hagadaumee ange gi denga dangada agoago.

Luke 5:30

Gai denga Pharisee ma de gau sisi ga nnanu ga hai ange gi ana dangada agoago, “Gu aha goodou gu gaimee ai naa ma de unu madali dangada e hagabudulia taagisese ma de gau baubau?”