Philippians 2:13 - De Beebaa Dabu

¹³ i hiidinga go de Maadua donu e hai hegau i oodou lodo, ga hai ai goodou gi llodo ma de maua i de hai ono mee e malangilangi ai.

Philippians 2:13 Referans Kwoze

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

2 Corinthians 3:5

Gai e deai donu se hiidinga e maua ai e gimaadeu i de hagataba bolo dahi mee ne humai i omaadeu daha, gai go de Maadua ne haia ga maua mee nei.

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

Romans 9:16

Deelaa ai, e dee go lodo o tangada be go ana hegau e maua ai mee nei, aagai go de abodonu o de Maadua.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

John 3:27

Gai a John ne basa ange ga hai ange, “E deai donu se mee a tangada e maua i de kave, noo e dee gaavange gi de ia mai i de langi.

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

1 Corinthians 12:6

e lagolago donu hagadaagangaa duuhanga hegau, aagai e dahi donu huu Maadua, e hagahai hegau ina mee nei alodahi i daho dahi ma dahi.

2 Thessalonians 1:11

Deenei ai, gimaadeu e dalodalo i goodou i masavaa alodahi, gai de Maadua ga hai ai gi heohi ange goodou gi de kave dana hagahi, ma de hagammahi goodou gi haia tanuaa aama hegau alodahi o de gai i dono sauaa,

Ephesians 1:5

Gai ia gu hagatau i mua e hai gidaadeu gi ni dama niiana, i dono aloha i gidaadeu, i hiidinga hegau a Iesu Klisdo, bei dagodo o dono malangilangi ma dono lodo —

Ephesians 2:8

Go hiidinga o dono abodonu oodou ne hagamouli i de gai. Gai e dee go hiidinga o oodou hegau, aagai se mee ngadi gaamai nii de Maadua,

1 Kings 8:58

Gai ia gi hagadaahuli ina mai odaadeu lodo gi de ia, gai gidaadeu ga seesee ai i ono haiava alodahi, ma de daohi ana hainga, ma ana muna gu hagasauaa, ma ana hagamodu gu gaavange gi odaadeu dubuna madagidagi.

Psalm 119:36

Hagahulia ange ogu lodo gi au muna, e dee go de nnoo hagamau mee.

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

John 6:65

Gai ia ga hai ange, “Aanei hiidinga aagu gu tala adu ai laa bolo e deai donu se dangada e maua i de humai gi de au noo Tamana e dee hai ia gi humai.”

Jeremiah 32:38

Gai gilaadeu e hai naa go ogu dangada, gai au go delaadeu Maadua.

Romans 9:11

gai i mua de haanau o luu dama daane laa, tigi haia hogi e gilaau tanuaa aabe go de baubau — gai gi hagassula ai de hagatau a de Maadua i dana hilihili e dee maua laa i de sui, gai e dee go hiidinga hegau a dahi, aagai go hiidinga o dana hagahi —

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Proverbs 21:1

Lodo o de hodooligi e bei ssaalingaa vai i lo te lima o Tagi Maolunga; gai ia e hai gi hano be go hee aana e lodo e hai gi hano aagena.

Ezra 1:1

Gai tahi ngadau huu o Cyrus ne hodooligi ai i Persia, gai Tagi Maolunga ne hagassula ana muna gu tala i daho Jeremiah. Ia ne hagangalue lodo o Cyrus de hodooligi o Persia, gai ia ga hagailoo i mommee alodahi i dono nohoanga hodooligi ma de sisi muna nei ga daohi:

Ezra 7:27

Duuhia Tagi Maolunga, de Maadua o odaadeu dubuna madagidagi, i dana gaavange gi lodo o de hodooligi gi haia gi mahamaha de hale o Tagi Maolunga i Jerusalem;

Ezra 1:5

Gai denga dagi o de aamuli o Judah, ma de aamuli o Benjamin, ma de gau haimeedabu, ma de aamuli o Levi, aama dangada alodahi a de Maadua gu hagangaalue laa olaadeu lodo, ga hagadabena e hulo e hagaahe age de hale o Tagi Maolunga i Jerusalem.

2 Chronicles 30:12

Gai de Maadua ne bale ange hogi dangada e nnoho i Judah, ga hai gilaadeu gi buni i de hai mee alodahi a Tagi Maolunga gu tala i daho de hodooligi ma denga dagi o de henua.

John 6:45

Gu sisi i lodo beebaa a denga pelaabisi, ‘Gilaadeu alodahi e agoago naa i daho de Maadua.’ Gai be goai gu langona ma de agoago i daho Tamana e humai gi de au.

Isaiah 26:12

Tagi Maolunga, koe gu hai gi nnoho paba gimaadeu; gai go koe gu hagassula mee alodahi amaadeu gu hai.

Psalm 141:4

Koe gi dee dugua mai au gi lodo e hai de mee dee heohi, ma de hai de baubau madali gilaadeu e haia de baubau; gai au gi dee gaina alaadeu gai mammami.

Nehemiah 2:4

Gai de hodooligi ne ssili mai gi de au, “Se aha aau e lodo e dangidangi mai ai gi de au?” Gai au ga dalodalo ange gi de Maadua o de langi.

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

Acts 11:21

Gai ssauaa o Tagi Maolunga ne hano madali gilaadeu, gai gu soa dangada ne hagadonusia ga daahuli mai gi Tagi Maolunga.

Psalm 110:3

Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

De Beebaa go Job 33:29

Tilo, de Maadua e hai ange mee alodahi gi tangada, i e lua aabe dolu hanonga,

Luke 2:14

“Duuhia de Maadua i de mommee maolunga mmao, gai de baba gi dagodo i henua i lalo, i daho dangada oona e malangilangi ai!”

Romans 12:3

Gai au e hai adu gi goodou alodahi, i hiidinga de abodonu o de Maadua mai gi de au, dahi ma dahi gi dee gona odi dana hagadubudubu donu huu ia; aagai ia gi maua i de maanadu gi heohi, bei de hai a de Maadua gu gaavange ai gi dahi ma dahi dono duuhanga i de gai.