Philippians 2:11 - De Beebaa Dabu

¹¹ gai dangada alodahi e tala hagadonu naa bolo Iesu Klisdo go Tagi Maolunga, ga hagamahamaha ai de Maadua Tamana.

Philippians 2:11 Referans Kwoze

1 John 4:15

Tangada e daalaa bolo Iesu go Tama Daane a de Maadua, gai de Maadua e noho i ono lodo, gai ia e noho i lodo o de Maadua.

Romans 14:11

Go hiidinga gu sisi e hai ange, “E hagadaba Tagi Maolunga: au e hagatoo donu i dogu mouli, dangada alodahi e duuduli naa ga ino mai gi de au; dangada alodahi e hagataba naa bolo go au donu de Maadua.”

John 13:13

Goodou e hagahi mai Tangada Agoago ma Tagi Maolunga gi de au, gai e heohi donu oodou muna, go au donu.

1 John 4:2

Gai deenei doodou hai e madea ai de Hagasaalunga o de Maadua: denga hagasaalunga alodahi e daalaa hagadonu bolo Iesu Klisdo ne hai ga se dangada, se hagasaalunga mai i daho de Maadua;

Romans 14:9

Deenei de hiidinga o Klisdo ne magau ai laa ma de mouli age ange, gai ia ga hai ai go Tagi Maolunga olaadeu e maakau aama gilaadeu e mouli.

1 Corinthians 12:3

Deenei ai, au e lodo goodou gi tonu ange bolo e deai donu se dangada e basa i ssauaa o de Hagasaalunga o de Maadua e hagadaba, “Iesu gu hagamalaia!”, gai e deai hogi se dangada e hagadaba, “Iesu go Tagi Maolunga,” noo ia e dee dagi i daho de Hagasaalunga Dabu.

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

1 Corinthians 8:6

aagai e dahi donu huu Maadua abodonu, go Tamana ne daamada mai ai laa mee alodahi, gai go ia e daohia odaadeu mouli. Gai e dahi donu huu Dagi Maolunga, go Iesu Klisdo, go de ia ne haia mee alodahi gai go ia hogi e gaamai gi gidaadeu de mouli.

Revelation 3:5

Be goai e kii, gai ia e hakahu ange naa i malo tea bei dagodo o de gau nei, gai au e dee ssolo naa donu dono ingoo i de Beebaa o de Mouli. Gai au e tala hagadonu naa ono dagodo i mada luu mada o dogu Damana aama ono dangada de langi.

Matthew 10:32

“Be goai e daalaa bolo ia se dangada niiogu i madamada o dangada, gai au e tala naa hogi bolo ia se dangada niiogu i mada luu mada o dogu Damana i de langi.

Acts 10:36

Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi;

Acts 2:36

Deenei ai, de gau Israel alodahi gi tonu ange gi de mee nei: de Maadua gu hai Iesu go Tagi Maolunga ma de Klisdo, deenei donu Iesu oodou ne daudau laa i de laagau lui.”

John 9:22

Luoono maadua ne tala muna nei i hiidinga gilaau gu maatagu i dagi o de gau Ssuu; de gau Ssuu gu lava i de hagamodu bolo be goai naa huu e daalaa bolo Iesu go de Klisdo gu dee alaange i de ulu i lo te synagogue.

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

2 John 1:7

Go hiidinga gu soa gilaadeu e daahangadia dangada gu hulo saele i henua i lalo, gilaadeu e dee llodo e tala bolo Iesu Klisdo gu humai ma gu hai gi se dangada. Tangada bee nei se dangada e daahangadia dangada gai se hagadaumee niio Klisdo.

1 Corinthians 15:47

Tahi dangada ne hai i gelegele o henua i lalo; gai togolua dangada ne humai i de langi.

Romans 15:9

gai denga Gentile ga hagamahamaha ai de Maadua i hiidinga dono abodonu, bei de hai gu sisi ai laa, “Deenei ai, au e tuhi goe i magavaa o denga Gentile, au e daahili ma de tuhi doo ingoo.”

John 20:28

Thomas ne hai ange gi de ia, “Dogu Dagi Maolunga, gai go dogu Maadua!”

John 17:1

Gai ga lava huu i de tala a Iesu muna nei, gai ia ga galo age gi de langi ga hagadaba, “Tamana, gu dae mai de aoaa; hagamahamaha ina dau Dama Daane, gai ia ga hagamahamaha ai goe.

John 12:42

Aagai ne soa i magavaa o denga dagi ne hagadonusia Iesu, aagai gilaadeu tee tala i hiidinga o denga Pharisee, kana alualumia gilaadeu gi dee ulu i de synagogue;

Luke 2:11

Anailaa nei gai gu haanau i de aduhale o David doodou Dangada Hagaola, go Klisdo Tagi Maolunga.

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Psalm 18:49

Deenei ai, Tagi Maolunga, au e tuhi goe i magavaa o denga huaahenua; au e daahili ma de tuhi doo ingoo.

John 14:23

Iesu ne basa ange, ga hai ange gi de ia, “Tangada e aloha i de au e daudali i agu muna. Gai dogu Damana e aloha i de ia, gai gimaau e loomai naa ga nnoho madali ia.

John 13:14

Noo au, doodou Dagi Maolunga ma doodou Dangada Agoago, gu hhui oodou vae, gai goodou hagadau huuia hogi oodou vae.