Philippians 1:20 - De Beebaa Dabu

²⁰ Gai dagu tali ma dagu tali hagalodolodo bolo au e dee dogaa naa donu i dahi mee daudahi, aagai au e lo taane iainei aama masavaa alodahi i de hagamahamaha Klisdo i dogu angaanga nei, e dee hilihili be au e mouli aabe e magau.

Philippians 1:20 Referans Kwoze

1 Peter 4:16

Gai noo dahi dangada gu hagaduasala i hiidinga dana hagadonusia de ingoo o Klisdo, gai ia gi dee dogaa, aagai ia gi duuhia de Maadua i hiidinga ia e hagauda de ingoo laa.

1 Corinthians 6:20

goodou ne hagao ina i dahi hagaoanga laumalie. Deenei ai, goodou hagamahamaha ina de Maadua i oodou angaanga.

Isaiah 54:4

Koe gi dee madagu; koe e dee hagadogaa ina naa donu. Koe gi dee manavasaa i doo hagangadi mee ina; koe e dee hagamaolalo ina. Gai koe e ngalo naa doo hagadogaa ina i de masavaa oou e gauligi ai, gai koe e dee manadua naa donu doo hagadogaa ina i teai soo bodu.

1 Thessalonians 5:23

De Maadua o de baba gi haia gi dabu abodonu goodou. Gai oodou hagasaalunga ma oodou lodo aama oodou angaanga alodahi gi gilimalali, i de masavaa o taadeu Dagi Maolunga go Iesu Klisdo e humai ai.

1 John 2:28

Agu dama, goodou gi duudagi ina de nnoho i ono lodo, gi llodo mmahi ai goodou ma tee dookaa, i ono mada i mua i dono masavaa e hagasula mai ai.

Philippians 2:17

Aagai noo dogu mouli e hai gi bei ssigidaumaha o mee unu e llingi ange laa gi honga ssigidaumaha o oodou kai, gai au e malangilangi donu ma de lodo danuaa madali goodou alodahi.

Romans 8:19

Denga mee gu hagadau e tali ma de llodo mmao gi dae mai de masavaa e hagaago mai ai dama a de Maadua.

2 Corinthians 10:8

Gai gu kii ange donu dagu tala tuhi mmahi a Tagi Maolunga gu gaamai e hai ai gi hagadagadaga age goodou, e dee se mee e oha ai goodou, gai au e dee dogaa donu.

2 Corinthians 4:10

masavaa alodahi gai gimaadeu e hagauda saele de magau o Tagi Maolunga go Iesu, e hagaago danuaa mai ai hogi de mouli o Iesu i lodo omaadeu angaanga.

1 Corinthians 7:34

ma de lodo lagolago. Gai de hine e dee hai bodu aabe go de bua moe e maanadu donu huu hegau a Tagi Maolunga, i dana hai e hagadabu ange ai dono angaanga ma ono lodo gi de ia. Aagai de hine dau bodu e maanadu mee o de mouli nei, ma dana hai e hagamalangilangi ai dono bodu.

Isaiah 50:7

De Ia Aamua go Iahweh ne bale mai au, deelaa ai, au e dee hagangadi mee ina naa donu; deenei ai, au gu soe donu dagu maanadu, gai au e iloo bolo au e dee dogaa naa donu.

Psalm 119:116

Daohia gi dee baguu au bei dagodo dau hagatoo donu, gi mouli ai au, gai gi dee se ngadi mee ai dagu tali hagalodolodo!

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

Isaiah 45:17

Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

Romans 12:1

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Philippians 1:14

Gai de baasi soa o denga daina gu lo taane ai hogi i lodo o Tagi Maolunga, i hiidinga dogu hhao gi lo te hale pono, ma de kii ange tee maatagu i de tala de longo danuaa.

2 Corinthians 7:14

Gai au tee dogaa donu i mee alodahi aagu ne tuhi ange ai goodou gi de ia. Gai mee alodahi amaadeu gu tala adu gi goodou ni muna abodonu, gai e bei ai hogi, amaadeu muna ne tuhi ange ai goodou gi Titus gu hagaago mai bolo ni muna abodonu.

2 Corinthians 5:15

Gai ia ne magau i hiidinga o dangada alodahi, deelaa ai, dangada alodahi e mouli gi dee hagamalangilangi ina donu huu gilaadeu, gai gi mouli e hagamalangilangi ai de ia ne magau ma de mouli age i olaadeu hiidinga.

1 Corinthians 15:31

Denga daina, au e tala adu de muna abodonu, go hiidinga o dogu malangilangi i goodou i lodo o Klisdo Iesu taadeu Dagi Maolunga: au e duu ange gi de magau i laangi alodahi.

Romans 9:33

bei de hai gu sisi ai laa, “Tilo, au e hagaduu dahi hadu i Zion e hagalaavea vae o dangada, se hadu e haia ga baakuu gilaadeu; gai be goai e hagadonusia e dee hagadogaa ina donu.”

Romans 6:19

Au e basa adu gi goodou i mee e hai i de laa tubua, i hiidinga doodou dee tonu. Gai e bei doodou hai ne dugu ange ai laa oodou angaanga gi denga hegau hakino gee, ma de baubau alodahi, aagai iainei goodou dugua ange oodou angaanga, gi hai hegau ange gi de heohi, e maua laa i de hai goodou gi dabu.

Romans 6:13

Goodou aude dugua ange oodou angaanga gi ni goloa hai hegau niio de baubau, aagai gi dugua ange oodou angaanga gi de Maadua, bei dagodo o dangada gu maakau laa ma gu mouli age ange, gai gaavange oodou angaanga alodahi gi de Maadua e hai ai de mee heohi.

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

John 21:19

(Iesu ne tala muna nei e hagaago mai ai de hai o Peter e magau ai, gai ia ga hagamahamaha ai de Maadua.) Dua de mee nei gai Iesu ga hai ange gi Peter, “Daudali mai i de au.”

Proverbs 23:18

Ni muna abodonu, e dahi donu au tali ange gi de masavaa e humai, gai dau tali e dee helui naa donu.

Proverbs 10:28

De tali hagalodolodo a dangada e haia de mee heohi e hidi mai ai de malangilangi, aagai de tali a de gau baubau e lilo naa donu.

Psalm 119:80

Au gi dee haisala ange gi au muna gu hagasauaa, gi dee dogaa ai au.

Psalm 62:5

Dogu hagasaalunga, go de Maadua donu huu aagu e tali, gai go ia dagu tali hagalodolodo.

Psalm 25:2

Dogu Maadua, au e hagadonu goe; koe gi dee hagadogaa ina loo au, aabe gi dugua ange ogu hagadaumee gi tae olaadeu lodo i ogu hiidinga.

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

2 Corinthians 3:12

Go hiidinga e dahi amaadeu tali hagalodolodo, gimaadeu e lo taane mmao,

2 Corinthians 7:4

Au e basa hagasoe adu donu gi goodou; au e kona hogi dagu tuhi goodou. Au gu kona mmao de lo taane ogu lodo. E dee galemu demaadeu hai ngadaa, gai au gu kona donu dogu malangilangi.