Obadiah 1:9 - De Beebaa Dabu

⁹ Teman, oo daane dau i de hebagi e kona naa donu de maatagu, gai daane alodahi i honga mounga o Esau e odi naa i de daa ga maakau.

Obadiah 1:9 Referans Kwoze

Amos 1:12

Au e hai naa gi humai de ahi gi duungia Teman, gai e dudu naa donu gi deai mommee buibui makaga o Bozrah.”

Ezekiel 25:13

deenei ai, e hagadaba de Ia Aamua go Iahweh: Au e hagaabo naa dogu lima e hagaduasala ai de gau Edom, ma de daa gi maakau ono dangada ma ana manu. Au e hai naa Edom gi se mommee e ngadi dagodo; gai ono dangada e daa naa ga maakau i de gadilaasa, mai i Teman ga dae ai gi Dedan.

Jeremiah 49:22

Tilo, dahi igele gemo e lele mai naa ga hagatili iho, ga doha luoono bakau ga hai baasi ange ai gi Bozrah. Gai lodo o denga daane hebagi mmahi o Edom e bei naa lodo o de hine gu hai ono hagalangona.”

Genesis 36:11

Dama daane a Eliphaz: go Teman, ma Omar, ma Zepho, ma Gatam aama Kenaz.

Jeremiah 49:20

Deenei ai, goodou hagalaangona de hagatau a Tagi Maolunga e hai baasi ange ai gi Edom, ma ana mee gu hagadabena e hebagi ange ai gi gilaadeu e nnoho i Teman: dama a dana hagabuulingaa ssiibi e gaavee gee naa; ia e oha naa olaadeu mommee iai helii i olaadeu hiidinga.

Jeremiah 49:7

E hagadaba Tagi o denga hagabuulinga hebagi i dagodo o Edom: “E aha, gu deai nei donu se heiangi i Teman? Gai gu deai nei donu hagasaele heohi a de gau maanetonu? Gai gu llilo nei donu olaadeu heiangi?

De Beebaa go Job 2:11

Gai soa dogodolu o Job, go Eliphaz taane Teman, ma Bildad taane Shuah, aama Zophar taane Naamah, gu langona e gilaadeu dagodo o denga hai ngadaa alodahi gu hai ange gi de ia, gai gilaadeu ne hagabuni ga loomai gi ono daha, mai i olaadeu mommee, e hagamaamaane ma de hagaaneane ono lodo.

Obadiah 1:21

De gau hagaola e loage naa gi de mounga go Zion ga dagi ai i denga mounga o Esau. Gai de nohoanga hodooligi e hai naa ga niio Tagi Maolunga.

Amos 2:16

Gai taane lo taane i magavaa o denga daane mmahi e savini naa ga hano ma de gilisau i de laangi laa,” go Tagi Maolunga e hagadaba.

1 Chronicles 1:45

Gai ga magau huu Jobab, gai Husham, taane mai i de henua go Teman ga sui ia ga hodooligi ai.

Nahum 3:13

Galo ange diiloo doo hagabuulinga hebagi — gilaadeu alodahi ni haahine! Denga haitoga o doo henua gu maahuge ange gi oo hagadaumee; gai de ahi gu dudu oo laagau hagamakaga.

Deuteronomy 2:5

Gai goodou e dee hai gi loomai gilaadeu gi hebagi adu gi goodou, go hiidinga au e dee dugu adu donu dahi mommee i delaadeu henua gi goodou, e dee hilihili donu be se damaa mommee donu huu bei tuulanga o de vae, go hiidinga au gu dugu ange de mommee iai mounga go Seir gi Esau.

Obadiah 1:5

Noo de gau gaiaa gu loomai, noo de gau daa dangada gu loomai i de boo — gai se hai ngadaa laumalie e duu i de goe! — e aha, gilaadeu e dee gaiaa naa donu huu alaadeu mee e llodo ai? Noo de gau hagihagi grape gu loomai, e aha, gilaadeu e dee dugu naa hanu momo grape?

Habakkuk 3:3

De Maadua ne humai i Teman, de Ia Dabu laa ne humai i de mounga go Paran. Selah Dono mahamaha e haoli de langi, gai dono tuhi e hagahonu henua i lalo alodahi.