Obadiah 1:17 - De Beebaa Dabu

¹⁷ Aagai dangada e ola naa i honga de mounga go Zion, gai de mounga laa e dabu naa; gai dangada o Jacob e kave naa delaadeu henua ga henua ai.

Obadiah 1:17 Referans Kwoze

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

Amos 9:8

Tilo, de Ia Aamua go Iahweh e dagitilo donu de nohoanga hodooligi e haisalasala laa. Au e oha naa ga aau gee mai i honga henua i lalo; aagai au e dee daa naa gi odi i de maakau dangada o Jacob, go Tagi Maolunga e hagadaba.

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Joel 3:17

“Gai goodou e iloo naa, bolo go au donu go Iahweh doodou Maadua, e noho laa i Zion, dogu mounga dabu. Jerusalem e hai naa gi dabu; gai de gau henua gee e dee aahe ange donu e kage mai gi honga de henua.

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Isaiah 1:27

Zion e hagaola naa i de hagamodu heohi, gai dangada e daahuli olaadeu lodo, e hagaola naa i de heohi.

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Jeremiah 44:28

Dangada e dee maakau laa i de gadilaasa ga aahe mai i Egypt gi de henua o Judah, e sogoisi naa donu. Gai dangada o Judah e doe ne hulo laa ga nnoho i de henua go Egypt, e iloo naa be go agu muna aabe go alaadeu muna e hagassula.

Jeremiah 44:14

Gai e deai ai naa donu dangada o Judah ne hulo laa e nnoho i Egypt, e ola ga aahe mai gi de henua o Judah, go de mommee olaadeu e llodo mmao laa e aahe mai e nnoho ai; e deai naa se gilaadeu e aahe mai, gai e sogoisi naa donu huu e ola ga aahe mai.”

Ezekiel 7:16

Gai dangada e ola laa e saavini naa ga hulo gi denga mounga, gilaadeu e tangi naa bei denga manu kono i lodo geelonga, dahi ma dahi e dangi naa i hiidinga o ono baubau.

Psalm 69:35

Go hiidinga de Maadua e hagaola naa Zion ma de ahe ange ga hagatuu age denga aduhale o Judah, gai gilaadeu e nnoho naa i kilaa ga henua ai.

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Zechariah 8:12

Gilaadeu e doo naa denga golee i de masavaa o de nnoho paba. De grapevine e hua naa, gai de gelegele e lagolago naa huamanu e maua ai, gai de maluulu o taiao e hano iho naa i de langi ga hagamaluulu de gelegele. Au e gaavange naa gi dangada e doe mee nei alodahi.

Isaiah 65:9

Au e hai naa gi hanu hagadiilinga o Jacob, ma hagadiilinga o Judah gi henua i ogu mounga; gai dangada aagu e hili e henua naa i de mommee laa, gai ogu dangada hai hegau e nnoho naa i kilaa.

Jeremiah 31:23

Gai e hagadaba Tagi o denga hagabuulinga hebagi, de Maadua o Israel: “De masavaa naa huu aagu e hagaahe ange ai delaadeu manuuia, gai dangada i de henua o Judah ma ono aduhale e aahe ange naa ga tala muna nei: ‘De mommee nei, Tagi Maolunga e hagamanuuia goe, de mommee nnoho iai de heohi, ma tuuduu dabu!’

Ezekiel 36:12

Au e hai naa ogu dangada, go de gau Israel, gi seesee i oodou elunga. Gilaadeu e henua naa i goodou, gai goodou e bolo ange naa gi gilaadeu. Gai goodou e dee ahe ange naa donu e hai gi deai alaadeu gauligi.

Daniel 7:18

Aagai de gau dabu o de Ia Maolunga Mmao laa e kave naa de nohoanga hodooligi ga hodooligi ai, ga hano ai e dee ngado mai.’

Joel 3:5

Go hiidinga goodou ne kave agu selevaa ma agu goolo, ma de mmoli ogu goloa hagamogomogo gi lodo oodou temple.