Numbers 34:8 - De Beebaa Dabu

⁸ mai i de mounga go Hor ga dae gi Lebo Hamath, gai dono ngaadonga go Zedad;

Numbers 34:8 Referans Kwoze

Numbers 13:21

Gai gilaadeu ne hulo ga mulidagi de henua laa, mai i de vao o Zin ga dae ai gi Rehob, i de baasi ange gi Lebo Hamath.

2 Kings 14:25

Gai ia ne hagaahe mai goinga o Israel mai i Lebo Hamath ga dae ai gi Tai o Arabah, bei muna a Tagi Maolunga, de Maadua o Israel gu tala laa i daho dono dangada hai hegau go Jonah, tama daane a Amittai, de pelaabisi mai i Gath Hepher.

Jeremiah 39:5

Aagai denga daane hebagi o Babylon ga doolohi gilaadeu ga dae adu Zedekiah i lo te duu malaelae o Jericho, gai gilaadeu ga poo ia ga gaamai gi Nebuchadnezzar, de hodooligi o Babylon, i Riblah i de henua go Hamath, gai ia ne hagamodu mee e hai ange gi de ia.

2 Samuel 8:9

De masavaa huu a Tou, de hodooligi o Hamath, ne langona ai bolo David gu hagadee kii de hagabuulinga hebagi alodahi o Hadadezer,

Numbers 34:9

gai e hano hogi ga dae gi Ziphron, gai dono ngaadonga go Hazar Enan; deenei de ngaadonga o doodou henua mai i ngaiho.

1 Kings 8:65

De masavaa laa gai Solomon ma de gau Israel alodahi ne hai taonga; gai dangada soa mai i Lebo Hamath ga dae ai gi Ssaalingaa Vai o Egypt ne loomai hogi. Gai gilaadeu ne hai taonga i mada luu mada o Tagi Maolunga, demaadeu Maadua i e hidu laangi, gai gilaadeu ne duudagi hogi de hai i e hidu ange laa, gai se madaangahulu ma haa laangi alodahi.

Isaiah 10:9

Calno tee bei laa dagodo o Carchemish? Hamath tee bei laa dagodo o Arpad? Gai Samaria tee bei laa dagodo o Damascus?

Amos 6:14

“De gau Israel, tilo, au e hai naa gi humai dahi huaahenua gi hebagi adu gi goodou, go Tagi Maolunga, de Maadua o denga hagabuulinga hebagi e hagadaba; gai gilaadeu e hagaduasala naa goodou mai i Lebo Hamath ga hano ai gi de geelonga o Arabah.”

1 Chronicles 1:16

ma de gau Arvad, ma de gau Zemar, aama de gau Hamath.

1 Chronicles 13:5

Gai David ne hagabuni de gau Israel alodahi, mai i ssaalingaa vai go Shihor i Egypt ga dae ai gi Lebo Hamath, bolo gilaadeu ga hulo e gaamai de ngavesi a de Maadua i Kiriath Jearim.