Numbers 32:9 - De Beebaa Dabu

⁹ Gilaadeu ne loage gi de geelonga o Eshcol ga tilo ai de henua, gai gilaadeu ne hai ga llodo baageaa de gau Israel, gi dee hulo ai gilaadeu gi de henua a Tagi Maolunga gu gaavange gi gilaadeu.

Numbers 32:9 Referans Kwoze

Numbers 13:23

Gai gilaadeu ne hulo ga tae gi de geelonga o Eshcol, ga tuu iho dahi laa iai de gau looloa grape, ga nnoa ange gi dahi laagau, gai e dogolua daane ga saabai ga hulo ai gilaadeu. Gai gilaadeu ne kave hogi hanu hua pomegranate aama hanu hua fig.

Numbers 13:24

Gai de mommee laa ne hagaingoo ange go de geelonga o Eshcol, i hiidinga o de gau looloa grape a denga daane o Israel ne tuu iho laa i kilaa.

Numbers 13:26

Gai gilaadeu ne aahe mai gi daho Moses ma Aaron aama de hagabuulingaa dangada o Israel i Kadesh, i de vao o Paran. Gai gilaadeu ga tala ange mee alodahi gi de hagabuulingaa dangada o Israel, ma de hagaago ange gi gilaadeu denga huamanu mai i de henua laa.