Numbers 28:3 - De Beebaa Dabu

³ Gai koe daalaa ange gi gilaadeu, hai ange, ‘Aanei mee oodou e hai ai ssigidaumaha dudu ange gi Tagi Maolunga i laangi alodahi: e lua ssiibi daane gu dagidahi olaau ngadau, gai e deai mee baubau i olaau angaanga.

Numbers 28:3 Referans Kwoze

Leviticus 6:9

“Basa ange gi Aaron ma ana dama daane, hai ange: ‘Aanei hainga o ssigidaumaha dudu: ssigidaumaha dudu e dugu i honga de mommee o ssigidaumaha i de boo laa alodahi ga dae ai gi taiao age, gai de ahi i honga de mommee o ssigidaumaha e hai donu gi ula.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Daniel 12:11

Gai taelodo o laangi, mai i de masavaa ne tuu ai de hai denga sigidaumaha dudu i de laa tubua, ma de duu age o de mee hakino gee e haia laa ga ngadi dagodo o de mommee laa, se 1,290 laangi.

Daniel 11:31

Gai ono hagabuulinga hebagi e hai naa ga dee gilimalali de mommee buibui makaga go de temple, ma de tuu de hai denga sigidaumaha, e hai laa i de laa tubua. Gai gilaadeu e hagaduu age naa de mee hakino gee, e haia laa ga ngadi dagodo de mommee laa.

Daniel 8:13

Gai au ne langona dahi dangada de langi dabu e basa laa, gai dahi dangada de langi dabu ange laa ne ssili ange gi de ia, “Dee hee maa de masavaa e hagasula ai de midi o denga sigidaumaha dudu i de laa tubua, ma de haisala e haia laa ga ngadi dagodo de mommee dabu laa, aama de dagadagahia o de hagabuulinga hebagi laa?”

Hebrews 9:6

Deenei de hai ne hagatau ai de mommee laa; gai de gau haimeedabu e ulu gi lo te aabi e mua gi daha i masavaa alodahi ga hai ai alaadeu hegau i de laa tubua.

Leviticus 3:5

Gai denga dama daane a Aaron gi duungia mee nei i honga de mommee o ssigidaumaha madali ssigidaumaha dudu i honga denga lahhie o de ahi; de mee nei se sigidaumaha nnamu kala e hai i de ahi ange gi Tagi Maolunga.

Numbers 28:4

Dahi ssiibi e hai ai ssigidaumaha i taiao, gai dahi e hai ai ssigidaumaha i de ahiahi,

Numbers 28:10

Deenei ssigidaumaha dudu e hai i denga Sabbath alodahi, madali ssigidaumaha dudu ma ssigidaumaha o mee unu e hai i de laa tubua.

Numbers 28:15

Gai gaamai madali ssigidaumaha dudu ma ssigidaumaha o mee unu dahi guudi daane, e hai ai ssigidaumaha o haisala ange gi Tagi Maolunga.

Numbers 28:23

Gai haia denga sigidaumaha nei madali ssigidaumaha dudu i taiao, e hai laa i de laa tubua.

Numbers 28:24

Deenei doodou hai e hai ai ssigidaumaha o denga gai, e hai i de ahi, i denga laangi e hidu e hai ai laa taonga, se mee nnamu kala ange gi Tagi Maolunga; ssigidaumaha nei e hai madali ssigidaumaha dudu ma ono mee unu e hai laa i de laa tubua.

Numbers 28:31

Gai goodou haia sigidaumaha nei madali ssigidaumaha o mee unu, ma ssigidaumaha dudu ma ssigidaumaha o grain, e hai laa i de laa tubua. Gai diiloo gi deai mee baubau i angaanga o denga manu.

Numbers 29:6

Denga sigidaumaha nei e hai madali ssigidaumaha dudu e hai laa i de masavaa e duu ai de maasina i dai, ma ssigidaumaha dudu i de laa tubua, madali ssigidaumaha o grain, ma ssigidaumaha o mee unu, bei de hainga ange gi mee nei. Gai se sigidaumaha nnamu kala e hai laa i de ahi ange gi Tagi Maolunga.

Numbers 29:11

Gaamai hogi dahi guudi daane e hai ai ssigidaumaha o haisala, madali ssigidaumaha e tala ai haisala, ma ssigidaumaha dudu ma ssigidaumaha o grain ma ssigidaumaha o mee unu e hai laa i de laa tubua.

Numbers 29:16

Gaamai hogi e dahi guudi daane e hai ai ssigidaumaha o haisala, madali ssigidaumaha dudu ma ssigidaumaha o grain ma ssigidaumaha o mee unu e hai laa i de laa tubua.

1 Chronicles 16:40

gai gilaadeu ne hai denga sigidaumaha dudu ange gi Tagi Maolunga, i honga de mommee o ssigidaumaha dudu i de laa tubua, i taiao ma de ahiahi, bei de hai gu sisi ai laa i lodo hainga a Tagi Maolunga ne gaavange laa gi de gau Israel.

2 Chronicles 8:13

gai ia ne hai denga sigidaumaha i dahi laangi, bei de hai a Moses gu hagamodu ange ai laa gi denga laangi Sabbath, ma taonga o de duu de maasina i dai, aama ange gi denga daonga e dolu i lo te ngadau — go Taonga o Pelaoaa Dee Hagahua, ma Taonga o denga Uvigi, aama Taonga o denga Baasi Hale.

Ezra 3:5

Dua mee laa, gai gilaadeu ne hai denga sigidaumaha dudu, ma sigidaumaha o de duu de maasina i dai, aama denga daonga dabu alodahi a Tagi Maolunga gu lava i de hagailonga, aama mee a dangada alodahi e ngadi gaavange gi Tagi Maolunga.

Amos 4:4

Goodou hulo gi Bethel ma gi haisala ai; gai hulo gi Gilgal ga duudagi ai doodou haisala. Gaamai oodou sigidaumaha i daiao alodahi, ma oodou sigidaumaha o tahi diba i diba e madaangahulu e gaamai laa i denga dolu ngadau alodahi.

Daniel 8:11

Gai de hanga laa ne hai ia gi maolunga bei Tagi o denga hagabuulinga hebagi; de hanga laa ne hai gi dee hai denga sigidaumaha i de laa tubua e hai ange laa gi de ia, ma de oha dono mommee dabu.