Numbers 28:2 - De Beebaa Dabu

² “Daalaa ange gi de gau Israel, hai ange, ‘Goodou diiloo sigidaumaha ina mai gi de au denga gai e hai laa i de ahi, i de masavaa gu hagailonga, e hai ai ssigidaumaha nnamu kala mai gi de au.’

Numbers 28:2 Referans Kwoze

Leviticus 3:11

Gai tangada haimeedabu gi gaavee mee nei gi duungia i honga de mommee o ssigidaumaha, ni gai e hai ai ssigidaumaha dudu ange gi Tagi Maolunga.

Genesis 8:21

Gai Tagi Maolunga gu dungua de kala o ssigidaumaha laa, gai Tagi Maolunga ga hagadaba i ono lodo: “Au gu dee ahe ange naa donu e hagamalaia de gelegele i hiidinga o dangada, e dee galemu donu maanadu i lodo o tangada, e baubau donu mai i dono gauligi. Au gu dee ahe ange naa donu e daa gi maakau mee alodahi e mouli, bei dagu hai ne hai ai nei i de haonga nei.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

2 Corinthians 2:15

Gai gidaadeu go de nnamu kala o Klisdo ange gi de Maadua, i magavaa o dangada e hagamouli aama gilaadeu e maakau;

Malachi 1:12

Aagai goodou e hagangadi mee dogu mommee o ssigidaumaha i doodou hagataba bolo teebele a de Ia Aamua e dee gilimalali, gai denga gai iai e maua gi hagangadi mee ina.

Malachi 1:7

Goodou ne hai ssigidaumaha i gai dee gilimalali i honga dogu mommee o ssigidaumaha. Aagai goodou e hagataba, ‘Dee hee demaadeu hai ne hai ai ga dee gilimalali doo mommee o ssigidaumaha?’ Go doodou maanadu bolo goodou e hagangadi mee teebele o Tagi Maolunga.

Ezekiel 20:41

Gai au e malangilangi naa i goodou bei dogu malangilangi i ssigidaumaha nnamu kala, i dagu masavaa e hagaahe mai ai goodou i daho dangada ma henua oodou gu mavaevae saele laa aagena, gai au e hai naa gi iloo e denga huaahenua bolo au e dabu i oodou hiidinga.

Ezekiel 16:19

Gai pelaoaa danuaa ma lolo, aama hooni aagu ne gaavadu e gaimee ai goe, koe ne hai ai ssigidaumaha kala o mee maanongi ange gi gilaadeu. Aanei au mee ne hai, go de Ia Aamua go Iahweh e hagadaba.

Psalm 81:3

Ilihia de hanga manu i taonga o de duu de maasina i dai, ma de honu de maasina, ma de laangi o taadeu daonga.

Numbers 15:24

gai noo koe e dee se hagabau ga hagahaisala ai mee nei, gai de hagabuulingaa dangada o Israel tee iloo hogi, gai de huaadangada alodahi gi daia dahi kaau gauligi e hai ai ssigidaumaha dudu, go ssigidaumaha nnamu kala ange gi Tagi Maolunga, madali ssigidaumaha o grain ma ssigidaumaha o mee unu, bei de hai gu tala ai laa i de hainga, aama dahi guudi daane e hai ai ssigidaumaha o haisala.

Numbers 15:7

ma dahi diba i diba e dolu o dahi hin uvaini, e hai ai ssigidaumaha o mee unu. De mee nei se sigidaumaha nnamu kala ange gi Tagi Maolunga.

Numbers 15:3

gai goodou ga hai dahi sigidaumaha dudu ange gi Tagi Maolunga, i oodou kaau be go oodou ssiibi, be se sigidaumaha niiodou gu hagatoo donu ai, be se sigidaumaha e hai i de malangilangi o tangada, aabe se sigidaumaha e hai i de masavaa o denga daonga gu hagailonga, go ssigidaumaha nnamu kala ange gi Tagi Maolunga,

Numbers 9:13

Aagai tangada naa huu e gilimalali laa, gai tigi hano hogi gi dahi henua mmao, gai ia tee dao Taonga Hagasili, gai ia e vvae gee donu mai i daho ono dangada, i hiidinga ia tee gaavange gi Tagi Maolunga ssigidaumaha i de masavaa gu baba laa; gai ia e hagaduasala donu i ono haisala.

Numbers 9:7

gai denga daane laa ne hai ange gi de ia, “Gimaadeu gu dee gilimalali i demaadeu hagapaa ange gi tangada magau; gai gu aha gu buibui ai gimaadeu gi dee maua i de hai amaadeu sigidaumaha madali de gau Israel ange gi Tagi Maolunga i de masavaa gu baba laa?”

Leviticus 21:8

Gai koe vaaea gee ia ma gi haia gi dabu, i hiidinga go ia e haia ssigidaumaha o pelaoaa a doodou Maadua. Gai vaaea gee ia ma gi haia gi dabu; go hiidinga go au go Iahweh, au e dabu, go de ia ne vaaea gee goodou ga hai gi dabu.

Leviticus 21:6

Gilaadeu gi dabu ange gi delaadeu Maadua, gai gi dee hagangadi mee ina de ingoo o delaadeu Maadua. Gilaadeu e haia denga sigidaumaha a Tagi Maolunga e hai i de ahi, go gai a delaadeu Maadua; deelaa ai, gilaadeu gi dabu.

Leviticus 1:17

ga lava gai ia gi boogia luu bakau gi daangia gi mahanga lua ai de angaanga o de manu laa, gai e dee hai gi too dagidahi. Gai tangada haimeedabu ga dudu de manu lele laa alodahi i honga denga lahhie i honga de mommee o ssigidaumaha; se sigidaumaha dudu, e nnamu kala e hai i de ahi ange gi Tagi Maolunga.

Leviticus 1:13

Gai ia gi huuia denga dae ma denga vae i vai. Gai tangada haimeedabu gi duungia de manu laa alodahi i honga de mommee o ssigidaumaha; se ssigidaumaha dudu, e nnamu kala e hai i de ahi ange gi Tagi Maolunga.

Leviticus 1:9

Gai ia gi huuia denga dae ma denga vae i vai. Gai tangada haimeedabu gi duungia de manu laa alodahi i honga de mommee o ssigidaumaha; se sigidaumaha dudu, e nnamu kala e hai i de ahi ange gi Tagi Maolunga.

Exodus 29:18

Gai koe ga dudu ssiibi daane laa alodahi i honga de mommee o ssigidaumaha; deenei ssigidaumaha dudu ange gi Tagi Maolunga; gai se sigidaumaha nnamu kala e hai i de ahi ange gi Tagi Maolunga.

Exodus 23:15

Koe haia Taonga o Pelaoaa Dee Hagahua, bei dagu hai gu tala adu ai gi goodou, gai koe ga gai pelaoaa dee hagahua i de masavaa gu hagailonga i e hidu laangi i de malama go Abib, go hiidinga deenei de malama oodou ne ssao mai ai i Egypt. Gai e deai donu se goodou e ngadi humai gi ogu mada i mua.

Numbers 28:1

Gai Tagi Maolunga ga hai ange gi Moses,

Ezra 3:3

Gai e dee galemu donu delaadeu maatagu i dangada i kilaa, gai gilaadeu ne bae age de mommee o ssigidaumaha i dono duulanga, ga hai ai denga sigidaumaha dudu ange gi Tagi Maolunga i taiao ma de ahiahi.

Numbers 29:39

Aanei oodou mee e sigidaumaha ange gi Tagi Maolunga i laangi o oodou daonga gu hagailonga laa, madali oodou sigidaumaha gu hagatoo donu ai, ma oodou sigidaumaha mai i de lodo: oodou sigidaumaha dudu, ma oodou sigidaumaha o grain, ma oodou sigidaumaha o mee unu, aama oodou sigidaumaha hagadanuaa magavaa.’ ”

1 Chronicles 23:31

ma masavaa alodahi e hai ai denga sigidaumaha dudu a Tagi Maolunga i denga Sabbath, ma de masavaa e duu ai de maasina i dai, aama denga laangi daonga gu lava i de hagailonga. Gilaadeu e hai donu gi odi ange taelodo gu hagamodu ange gi gilaadeu ga hano ai, i mada luu mada o Tagi Maolunga.

2 Chronicles 23:18

Gai Jehoiada ga dugu ange de gau dagitilo gi de gau haimeedabu mai i de aamuli o Levi, go gilaadeu a David ne hili gi diiloo ange de hale o Tagi Maolunga, gai gilaadeu ga hai ai denga sigidaumaha dudu a Tagi Maolunga, bei de hai gu sisi ai laa i lodo hainga a Moses, gai gilaadeu ga malangilangi ai ma de daahili, bei de hai a David gu lava laa i de hagatau.

2 Chronicles 31:3

Gai de hodooligi ne gaavange hanu ana mee donu e hai ai sigidaumaha dudu i taiao ma de ahiahi, ma sigidaumaha dudu i de laangi o Sabbath, ma de masavaa e duu ai de maasina i dai, aama denga daonga gu lava i de hagailonga, bei de hai gu sisi ai laa i de hainga a Tagi Maolunga.

Ezra 3:2

Gai Jeshua, tama daane a Jozadak, ma de gau haimeedabu ange laa, ma Zerubbabel, tama daane a Shealtiel ma ono dangada, ne hagaahe age de mommee o ssigidaumaha o de Maadua o Israel e hai ai ssigidaumaha dudu, bei de hai gu sisi ai laa i lodo hainga a Moses, taane o de Maadua.

Nehemiah 10:34

Gai gimaadeu de gau haimeedabu, ma de aamuli o Levi, aama dangada ne hai tada e hili ai denga huaabodu e gaamai lahhie gi de hale o demaadeu Maadua, i de masavaa gu hagailonga i ngadau alodahi, e dudu i honga de mommee o ssigidaumaha a Tagi Maolunga taadeu Maadua, bei de hai gu sisi ai i de hainga.

Ezekiel 45:17

Gai go tagi o de henua e haia mee e hai ai ssigidaumaha dudu, ma ssigidaumaha o denga grain, ma ssigidaumaha o mee unu i denga daonga, go taonga o de duu de maasina i dai, ma denga Sabbath, ma denga daonga alodahi gu hagamodu ange laa gi de gau Israel. Gai ia gi haia mee e hai ai denga sigidaumaha o haisala, ma sigidaumaha o grain, ma sigidaumaha dudu, ma sigidaumaha hagadanuaa magavaa, e tala ai haisala o de gau Israel.