Numbers 23:4 - De Beebaa Dabu

⁴ Gai de Maadua ne hedae ange gi Balaam i kilaa, gai Balaam ga hai ange, “Au gu hagadabena e hidu mommee o ssigidaumaha, gai au gu hai ssigidaumaha i e dagidahi kaau ma e dagidahi ssiibi i honga denga mommee o ssigidaumaha e hidu laa.”

Numbers 23:4 Referans Kwoze

Numbers 23:16

Gai Tagi Maolunga ne hedae ange gi Balaam ga tala ange ana muna, ga hai ange, “Ahe gi daho Balak, gai aanei au muna e tala ange gi de ia.”

Ephesians 2:9

e dee go hiidinga o oodou hegau, gi deai ai se dangada e maua i de tala tuhi donu huu ia.

Luke 18:12

Au e hagahiigai i e lua hanonga i denga uvigi alodahi, au e gaavadu gi de goe dahi diba i diba e madaangahulu o agu mee alodahi.’

Romans 3:27

Gai e maua ai naa e gidaadeu i de tuhi donu huu gidaadeu? E dee maua donu! Gai dee hee ai naa de hainga odaadeu e daudali ai? Go de hainga o denga hegau? E deai, go de hainga o de gai.

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

Matthew 20:12

Gilaadeu ne hai ange, ‘De gau ne loomai nei i muli ne hai hegau donu huu i e dahi aoaa, gai koe e hagahedae ange gimaadeu gi gilaadeu, gai gimaadeu ne hai hegau kona laa i de masavaa hagavvela!’

Numbers 23:1

Gai Balaam ga hai ange gi Balak, “Hagatuulia e hidu mommee o ssigidaumaha i kinei, ma de gaamai e hidu kaau daane ma e hidu ssiibi daane.”

Numbers 22:20

De boo laa gai de Maadua ne humai gi daho Balaam, ga hai ange, “Go hiidinga denga daane nei gu loomai e aalu mai goe, hannoo madali gilaadeu, aagai koe haia donu agu muna e tala adu gi de koe.”

Numbers 22:9

Gai de Maadua ne humai ga hai ange gi Balaam, “Goai denga daane e nnoho naa i oo daha?”

Numbers 23:3

Gai Balaam ga hai ange gi Balak, “Humai duu i gaogao dau sigidaumaha dudu, gai au ga hano. Agu made Tagi Maolunga e humai naa ga hedae mai gi de au, gai aahee naa huu ana muna e tala mai gi de au, gai au ga tala adu.” Gai Balaam ne hano gi ulu dahi mounga e deai manu ssomo iai.

Numbers 23:5

Gai Tagi Maolunga ga tala ange ana muna gi Balaam, ga hai ange, “Ahe gi daho Balak, daalaa ange muna nei gi de ia.”