Numbers 22:38 - De Beebaa Dabu

³⁸ Gai Balaam ga hai ange gi Balak, “Deenei au gu humai nei ma gu dae mai gi oo daha. Aagai au e deai donu sogu sauaa e tala ai dahi muna daudahi; au e tala donu huu muna a de Maadua e gaamai au gi daalaa.”

Numbers 22:38 Referans Kwoze

Proverbs 19:21

E lagolago hagatau i lodo o tangada, aagai go hagatau donu huu a Tagi Maolunga e ssula.

Numbers 22:18

Aagai Balaam ne basa ange, ga hai ange gi denga daane hai hegau o Balak, “Ga gaamai naa donu e Balak dono hale e honu laa i selevaa ma goolo, gai au e dee maua donu i tee daudali i muna a Tagi Maolunga, dogu Maadua.

Numbers 23:26

Gai Balaam ga hai ange gi Balak, “E aha, tee daalaa adu e au, bolo au e hai naa donu gi bei muna alodahi a Tagi Maolunga e tala mai gi de au?”

Numbers 23:16

Gai Tagi Maolunga ne hedae ange gi Balaam ga tala ange ana muna, ga hai ange, “Ahe gi daho Balak, gai aanei au muna e tala ange gi de ia.”

Isaiah 47:12

Duudagi ina de haia au helau ma au huuhuaa mee lagolago, go mee aau gu hai hegau mai loo i doo gauligi. Agu made koe e hagadagadaga age naa, agu made koe e hai naa ga maatagu dangada.

Isaiah 46:10

Mai i taamada age gai au ne tala gi iloo mee e hai i de hagaodi, gai madagidagi loo, gai au ne tala mee tigi tae mai. Au e hagadaba, “Agu hagatau e dee haisala donu, gai au e hagassula naa donu mee alodahi oogu e lodo ai.”

Isaiah 44:25

Gai go au e haia gi dee ssula hagailonga a denga pelaabisi hadu muna, ma de hai de gau e daalaa mee loomai gi bei de gau llodo ssenga, ma de hai gi dee ssula muna a de gau heiangi, aama de hai olaadeu iloo mee gi deai haigamaiana;

Psalm 76:10

Ni muna abodonu, de llili o dangada e hidi mai ai doo tuhi, gai dangada e ola mai i de lili e dau adu naa gi de goe.

Psalm 33:10

Tagi Maolunga e hai gi dee ssula hagatau a denga huaahenua, ma de hai gi dee haigamaiana hagatau a dangada.

2 Chronicles 18:13

Aagai Micaiah ga hai ange, “Au e hagatoo donu i de mouli o Tagi Maolunga, bolo be aahee naa huu muna a dogu Maadua e tala mai gi de au, gai aalaa hogi agu muna e tala.”

1 Kings 22:14

Aagai Micaiah ga hai ange, “Au e hagatoo donu i de mouli o Tagi Maolunga, bolo be aahee naa huu muna a Tagi Maolunga e tala mai gi de au, gai aalaa hogi agu muna e tala.”

Numbers 24:13

‘Ga gaamai naa donu e Balak gi de au, dono hale e honu laa i selevaa ma goolo, aagai au e dee maua donu i de hai ogu mee e lodo ai, e dee hilihili be se mee danuaa aabe se mee baubau. Au e dee maua donu i tee daudali i muna a Tagi Maolunga, gai au e tala donu huu muna a Tagi Maolunga e tala mai’?

Numbers 22:37

Gai Balak ne hai ange gi Balaam, “Au ne aalu adu goe gi humai gi moolau! Gai gu aha koe tee humai ai laa? Koe e maanadu bolo au e dee maua i de hagadubu goe?”

Numbers 22:39

Gai Balaam ga kave Balak madali ia, gai gilaau ne hulo gi Kiriath Huzoth.

Numbers 22:8

Gai Balaam ga hai ange gi gilaadeu, “Goodou nnoho i kinei aaboo nei, gai boo taiao, gai au ga tala adu be aahee muna a Tagi Maolunga ne tala mai.” Gai denga dagi o Moab ne nnoho i daho Balaam i de boo laa.

1 Kings 22:16

Aagai de hodooligi ga hai ange gi de ia, “Gu hia naa hanonga aagu ne hai adu ai koe gi daalaa mai donu huu gi de au de muna abodonu i de ingoo o Tagi Maolunga?”