Numbers 22:3 - De Beebaa Dabu

³ gai Moab gu madagu mmao i huaadangada laa, i hiidinga o de hagabuulingaa dangada soa; de gau Moab gu kona donu de maatagu i de gau Israel.

Numbers 22:3 Referans Kwoze

Exodus 15:15

Denga dagi o Edom e puni ange naa olaadeu lodo, denga daane mmahi o Moab gu bolebole i delaadeu maatagu, dangada alodahi i Canaan e llilo naa;

Isaiah 23:5

De masavaa e dae ai de longo gi Egypt gai dangada e manavasaa naa i hiidinga longo o Tyre.

Psalm 53:5

Gai olaadeu dagodo, de mommee e deai ai se mee hagamaatagu gai gilaadeu e kona mmao de maatagu. Gai de Maadua e hagassii saele naa ivi o dangada e hebagi adu gi de goe. Koe gu hagadookaa gilaadeu, go hiidinga de Maadua gu tili gilaadeu.

Joshua 9:24

Gai denga daane laa ne pasa ange gi Joshua, ga hai ange, “Gimaadeu, oo dangada hai hegau, ne langona donu bolo Tagi Maolunga doo Maadua gu tala ange gi Moses, dono dangada hai hegau, bolo ia e gaavadu naa gi goodou de henua nei alodahi, ma de daa gi maakau dangada alodahi e nnoho ai. Gai gimaadeu gu manavasaa mmao i omaadeu mouli i oodou hiidinga, aanei hiidinga amaadeu ne hai ai de hegau nei.

Joshua 2:24

Gilaau ne hai ange gi Joshua, “Ni muna abodonu, Tagi Maolunga gu dugu mai donu de henua nei alodahi gi gidaadeu. Dangada alodahi i de henua gu kona donu de maatagu i gidaadeu.”

Deuteronomy 2:25

Ailaa nei gai au e hai naa gi bolebole ma de maatagu denga huaahenua alodahi i lalo de langi i goodou. Gilaadeu e bolebole naa ma de manavasaa olaadeu lodo i oodou hiidinga i delaadeu langona oodou longo.”

Nehemiah 13:2

go hiidinga gilaadeu tee loomai e hedae ange gi de gau Israel ma de gaamai gai ma vai gi gilaadeu, aagai gilaadeu ne hagao ange Balaam gi hagamalaia ina de gau Israel. (Gai taadeu Maadua ne sui de malaia laa gi se manuuia.)

Exodus 1:12

Aagai ga kii ange huu de vaivai hai a de gau Egypt gilaadeu, gai de gau Israel gu kii ange hogi de hagadili ga soa i honga de henua laa. Gai de gau Egypt gu maatagu i gilaadeu,

Exodus 23:27

Au e hai naa gi maatagu ma de manavasaa lodo o dangada e nnoho i de mommee oodou ga hulo naa aagena, ma de hai oodou hagadaumee gi maatagu gi saavini gi hulo gee mai i goodou.