Numbers 21:25 - De Beebaa Dabu

²⁵ Gai de gau Israel ne kave denga aduhale alodahi o de gau Amor, ga nnoho ai. Gilaadeu ne kave hogi Heshbon ma ono aduhale vaaligiligi alodahi.

Numbers 21:25 Referans Kwoze

Amos 2:10

Au ne hagassao mai goodou i de henua go Egypt, ga dagi mai goodou laa lodo henua i e madahaa ngadau, gai au ga gaavadu ai gi goodou de henua o de gau Amor.

Ezekiel 16:53

Aagai au e hagaahe ange naa de manuuia o Sodom ma ana damaa hine, ma de manuuia o Samaria ma ana damaa hine, gai au e hagaahe adu naa hogi doo manuuia madali gilaadeu,

Ezekiel 16:49

Tilo, deenei de mee o doo daina hahine go Sodom ne haisala ai: gilaadeu ma ana damaa hine ne llodo maolunga, ne lagolago alaadeu gai ma de ilaage; gai tee bale ange hogi de gau hagaau aloha ma gilaadeu e duasala.

Ezekiel 16:46

Doo daina hahine madua go Samaria, ia e noho madali ana damaa hine i oo baasi ngaiho; gai doo daina hahine gauligi go Sodom, ia e noho i oo baasi i ngaage madali ana damaa hine.

Jeremiah 48:45

Gilaadeu e silivaahea saele ma teai olaadeu mahi, gu nnoho i lalo de malu o Heshbon, go hiidinga dahi ahi gu sao mai i Heshbon, se ahi ula mai i de hale o Sihon; gai gu dudu de lae o Moab, ma dumuagi o de gau pasa hagassoenga.

Jeremiah 48:34

Leo o delaadeu tangi gu langona mai i Heshbon ga dae ai gi Elealeh, ma Jahaz, ma mai i Zoar ga dae ai gi Horonaim aama Eglath Shelishiyah, gai Nimrim gu deai vai iai.

Jeremiah 48:2

Dangada e dee aahe ange naa ga tuhi Moab. Dangada e hagasaele naa de hai gi hai ngadaa Heshbon: ‘Loomai, gidaadeu ga hai gi deai se huaahenua nei!’ De aduhale go Madmen e hai naa ga dee mmuu; gai de gadilaasa e doolohi naa goodou.

Isaiah 15:4

Dangada o Heshbon ma Elealeh gu tangi, gai olaadeu leo gu tae loo gi Jahaz. Deelaa ai, denga daane hebagi o Moab gu tangi, gai gu manavasaa olaadeu lodo.

Song of Songs 7:4

Doo ua e bei de hale dagitilo maolunga e hai i ivory. Luoo ganomada e bei denga mommee gaugau i Heshbon, i gaogao de haitoga o de buibui o Bath Rabbim. Doo usu e bei de hale dagitilo maolunga o Lebanon, e huli ange laa gi Damascus.

Deuteronomy 2:12

I mua, gai go de gau Hor nogo nnoho i Seir, gai de aamuli o Esau ne hagadee kii gilaadeu ga daa gilaadeu gu maakau, ga kave delaadeu mommee ga nnoho ai, bei de hai a de gau Israel ne hai ai laa dangada i de henua a Tagi Maolunga ne gaavange gi gilaadeu.)

Numbers 21:31

Gai de gau Israel ne nnoho i de henua o de gau Amor.

Numbers 21:26

Heshbon go de aduhale o Sihon, de hodooligi o de gau Amor, go taane ne hebagi ange laa gi de hodooligi o Moab i mua, ga kave gee dono henua alodahi mai i ono daha, ga hano ai ga dae gi ssaalingaa vai go Arnon.

Judges 11:26

Gai ne dolulau ngadau o de gau Israel ne nnoho ai i Heshbon ma ono aduhale vaaligiligi, ma Aroer ma ono aduhale vaaligiligi, aama denga aduhale alodahi i gaogao Arnon. Gu aha goodou tee kave ai laa aduhale laa i de masavaa laa?

Numbers 32:3

“Ataroth, ma Dibon, ma Jazer, ma Nimrah, ma Heshbon, ma Elealeh, ma Sebam, ma Nebo, aama Beon —

Joshua 24:8

Muli mai gai au ne gaamai goodou gi de henua o de gau Amor e nnoho laa i de baasi laa o Jordan. Gai gilaadeu ne hebagi adu gi goodou, gai au ne dugu adu goodou gi hagadee kii ina gilaadeu, ma de kave delaadeu henua ga henua, ai aama de hai gilaadeu gi hulo gee mai i oodou daha.