Numbers 16:32 - De Beebaa Dabu

³² gai de henua gu mahuge ga holo denga daane laa, madali olaadeu huaabodu ma dangada alodahi ne daudali ange i Korah, aama olaadeu goloa alodahi.

Numbers 16:32 Referans Kwoze

Numbers 26:11

Aagai denga dama daane a Korah tee odi i de maakau.

Revelation 12:16

Aagai de gelegele ga bale ange de hine laa; de gelegele ne mahuge age ga holo vai a de dragon ne busi mai laa i lo tono ngudu.

Psalm 106:17

gai de gelegele gu mahuge age ga holo Dathan, ma de haoli dangada alodahi madali Abiram.

Isaiah 5:14

Deelaa ai, de mommee o de gau maakau gu hhanga dono ngudu ma gu laumalie, e holo ai de gau maolunga o Jerusalem ma ono hagabuulinga soa, aama alodahi e daonga ma de hagalongaa i kilaa.

1 Chronicles 6:22

Hagadiilinga o Kohath: dana dama go Amminadab, dana dama go Korah, dana dama go Assir,

Psalm 88:1

Tagi Maolunga, dogu Maadua, go koe dogu hagaola; au e hagahi adu i de laangi ma de boo.

Psalm 85:1

Tagi Maolunga, koe gu abodonu ange gi doo henua; koe gu hagaahe ange de manuuia o Jacob.

Psalm 84:1

Tagi o denga hagabuulinga hebagi, ga dae laa de mahamaha o doo mommee noho!

1 Chronicles 6:37

tama daane a Tahath, tama daane a Assir, tama daane a Ebiasaph, tama daane a Korah,

Deuteronomy 11:6

ma dana hai ne hai ai Dathan ma Abiram luu dama daane a Eliab, tama daane a Reuben, i de masavaa ne mahanga lua de gelegele i magavaa o de gau Israel alodahi, ga holo gilaau ma olaau huaabodu, ma olaadeu hale malo, aama alaadeu manu alodahi.

Numbers 27:3

“Demaadeu damana ne magau i de vao; gai ia e dee se dangada madali dangada ne daudali ange laa i Korah, ga hai baasi ange ai gi Tagi Maolunga, aagai ia ne magau donu huu i hiidinga ono haisala; gai teai donu ana dama daane.

Numbers 16:30

Aagai noo Tagi Maolunga e hai dahi mee hagalele mouli hoou, gai de henua e mahanga lua ga holo gilaadeu, madali olaadeu goloa alodahi, ma de tili ange gilaadeu gi de mommee o de gau maakau, i de masavaa olaadeu goi mouli ai, gai goodou gu iloo bolo denga daane nei gu hagangadi mee donu Tagi Maolunga.”

Numbers 16:17

Gai dahi ma dahi gi gaavee dana gumedi e dudu ai laa denga mee maanongi, gai ia gi dugua ange hanu mee maanongi gi ono lodo, gai goodou denga daane e 250 ga gaamai oodou mee dudu mee maanongi gi mada luu mada o Tagi Maolunga; goodou alodahi ma Aaron gi gaamai oodou mee dudu mee maanongi.”

Genesis 4:11

Deenei ai, koe gu hagamalaia ma gu dee maua gi hhua au manu e doo i de gelegele, go de gelegele ne holomia laa dodo o doo daina daane aau ne daa laa ga magau.

Numbers 16:31

Gai de masavaa aana ne tala ai ga lava ana muna nei, gai de gelegele i olaadeu lalo gu mahanga lua;

Numbers 16:33

Gai gilaadeu ma olaadeu goloa alodahi gu tili iho gi de mommee o de gau maakau; gai de gelegele gu ahe ange ga buni, gai gilaadeu alodahi gu maakau, ga dee nnoho i magavaa o hagabuulingaa dangada.

Numbers 16:49

Gai ne 14,700 ange dangada ne maakau i dua o dangada ne maakau laa madali Korah.

Numbers 26:10

gai de gelegele ne mahanga lua ga holo gilaadeu madali Korah, de ahi ne daa ga maakau e 250 daane. Gai de gau laa ne hai ga se mee e hagakana ange ai gilaadeu.

Psalm 141:7

Omaadeu ivi gu maoha saele i gaogao denga daanunga, bei de gelegele a dahi gu geli age laa.

Isaiah 24:19

Henua i lalo gu odi i de maoha, henua i lalo gu mahanga lua; henua i lalo gu kona donu de ngalungalue.

Numbers 4:18

“Gooluu diiloo gi dee llilo denga hagadiilinga o Kohath, mai i magavaa o dangada i de aamuli o Levi.