Numbers 14:18 - De Beebaa Dabu

¹⁸ ‘Tagi Maolunga e dee moolau de lili ma de abodonu, gai e laumalie dono abodonu, ia e degi ange gi baubau ma haisala, aagai ia e dee degi ange donu gi hegau baubau, gai e hagaduasala denga dama i hiidinga haisala olaadeu maadua, ga dae ai loo gi tolu ma de haa atangada.’

Numbers 14:18 Referans Kwoze

Psalm 145:8

Tagi Maolunga e degi ma de lodo aloha, gai e dee moolau de lili gai e honu i de abodonu.

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

Exodus 20:5

Aude daumaha ange gi gilaadeu, aabe gi hai hegau ange gi gilaadeu; i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada o dangada e kino i de au,

Psalm 103:8

Tagi Maolunga e lodo aloha ma de degi, ia e dee moolau dono lili, gai e abodonu mmao.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Deuteronomy 5:9

Aude daumaha ange gi gilaadeu, aabe gi hai hegau ange gi gilaadeu, i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada, o dangada e kino i de au,

Jeremiah 23:2

Gai e hagadaba Tagi Maolunga de Maadua o Israel, i dagodo o de gau hagaloosi e diiloo ange ogu dangada: “Go hiidinga goodou gu dugu agu ssiibi gi hulo, tee tilo ange gilaadeu, au e hagaduasala naa goodou i hiidinga oodou hegau baubau, go Tagi Maolunga e hagadaba.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Exodus 20:6

aagai au e abodonu ange gi atangada soa o dangada e aaloha i de au, ma de daohi agu hainga.

Numbers 14:17

Dogu Ia Aamua, iainei gai au e dangidangi adu, hagaagona mai de laumalie o doo sauaa, bei dau hai gu hagatoo donu ai, ma gu hagadaba,

Numbers 23:21

Ia tee gidee bolo Jacob e dahi ono hai ngadaa, aabe e gidee bolo Israel e duasala. Tagi Maolunga delaadeu Maadua e noho i olaadeu daha, gai gilaadeu e tuhi de hodooligi i olaadeu magavaa.

Deuteronomy 5:10

aagai au e abodonu ange gi atangada soa o dangada e aaloha i de au, ma de daohi agu hainga.

Deuteronomy 7:9

Deenei ai, goodou gi iloo bolo Tagi Maolunga doodou Maadua go de Maadua donu; ia e hai hegau i de muna abodonu, gai e daohi dana hagatoo donu hagaheloongoi ma de aloha ange gi gilaadeu e aaloha i de ia, ma de daudali i ana muna, ga dae ai loo gi de mano atangada.

Deuteronomy 7:10

Aagai e moolau naa donu dana sui ange hegau a dangada e kino i de ia, ga daa gilaadeu gi maakau.

Nehemiah 9:17

Gilaadeu tee llodo e hagallongo adu, gai tee hagamaanadu i denga hegau hagalele mouli aau ne hai i olaadeu daha, aagai ne hagamakaga olaadeu lodo ga hili dahi dagi e aahe ai gi de mommee olaadeu ne hagahai hegau ina ai i Egypt. Aagai koe se Maadua e degi, ma de abodonu aama de lodo aloha mmao, e dee moolau de lili gai e honu i de aloha; koe tee tili donu gilaadeu.

Psalm 78:38

Aagai ia ne lodo aloha, ga degi ange gi olaadeu baubau, tee daa gilaadeu gi maakau. Ia tee modu donu de golomagi ono lodo i gilaadeu, tee hagahai hegau dono bole.

Psalm 108:4

Go hiidinga doo abodonu e maolunga ange i de langi; doo hai hegau i de mee abodonu e dae gi lo te langi i lunga.

Psalm 109:14

Tagi Maolunga gi dee ngalo donu baubau o ono maadua, gai gi dee sooloa donu haisala o dono dinana.

De Beebaa go Job 21:19

⌊Koe gu hagadaba,⌋ ‘De Maadua gu dugu ange olaadeu haisala gi alaadeu dama.’ Ia gi hagao ina ange ia, gi iloo ai e ia.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Jeremiah 32:18

Koe e lodo aloha ange gi dangada soa, aagai koe e hagao ange baubau o denga damana, gi alaadeu dama e loomai i olaadeu dua. Go koe de Maadua maolunga ma de mmahi, gai doo ingoo go Iahweh o denga hagabuulinga hebagi;

Lamentations 5:7

Omaadeu dubuna ne haisala, gilaadeu gu dee mouli iainei; gai gimaadeu gu hagaduasala i hiidinga o olaadeu baubau.