Nehemiah 9:38 - De Beebaa Dabu

³⁸ “Gai go hiidinga o mee nei alodahi, gimaadeu e hai dahi hagatoo donu, ga sisi ga daohi, gai omaadeu dagi, ma dangada de aamuli o Levi, aama omaadeu dangada haimeedabu ga hagasauaa i olaadeu hagailonga.”

Nehemiah 9:38 Referans Kwoze

Nehemiah 10:1

Aanei dangada ne hagasauaa ina ma de ssaini olaadeu ingoo: de goobena go Nehemiah, tama daane a Hacaliah, ma Zedekiah,

Nehemiah 10:29

gilaadeu nei alodahi ne hagabuni madali olaadeu dangada aamua ga hai dahi hagamalaia ma de hagatoo donu bolo gilaadeu ga daudali i hainga a de Maadua gu gaavange laa gi gilaadeu mai i daho Moses, tangada hai hegau o de Maadua, gai gilaadeu gi daohia ga hai hegau i hainga alodahi a Tagi Maolunga taadeu Ia Aamua, ma ana hagamodu, aama ana mee gu hagasauaa:

Ezra 10:3

Deenei ai, gidaadeu ga hai dahi hagatoo donu hagaheloongoi madali taadeu Maadua; gidaadeu ga dugu gi hulo denga haahine ma alaadeu dama, bei dagodo o au muna, demaadeu dangada aamua, aama muna a dangada e maatagu i muna a taadeu Maadua. Gidaadeu ga hai gi bei muna o de hainga.

2 Chronicles 34:31

Gai de hodooligi ne duu i dono duulanga ga hai ai dahi hagatoo donu hagaheloongoi i mada luu mada o Tagi Maolunga, bolo ia e daudali ange i Tagi Maolunga ma de daohi ana hainga, ma ana muna gu tala hagadonu ma gu hagasauaa, i ono lodo alodahi ma dono hagasaalunga alodahi, ma de hai gi bei muna o de hagatoo donu hagaheloongoi gu sisi laa i lo te beebaa laa.

2 Chronicles 29:10

Iainei gai au gu maanadu i ogu lodo de hai dahi hagatoo donu hagaheloongoi madali Tagi Maolunga, de Maadua o Israel, gi helui ai dono lili i gidaadeu.

2 Chronicles 23:16

Gai Jehoiada ga hai dahi hagatoo donu hagaheloongoi, gai ia ga hai ai dangada ma de hodooligi gi ni dangada niio Tagi Maolunga.

2 Kings 23:3

Gai de hodooligi ne duu i gaogao tuludulu i kilaa ga hai dahi hagatoo donu hagaheloongoi i mada luu mada o Tagi Maolunga, bolo ia e daudali ange i Tagi Maolunga ma de daohi ana hainga, ma ana muna gu tala hagadonu ma gu hagasauaa, i ono lodo alodahi, ma dono hagasaalunga alodahi, ma de hai gi bei muna o de hagatoo donu hagaheloongoi gu sisi laa i lo te beebaa laa. Gai dangada alodahi ne hagatoo donu hogi bolo gilaadeu e daudali i de hagatoo donu hagaheloongoi laa.

Matthew 27:66

Gai gilaadeu ne hulo ga gaavange dahi hagailonga gi honga de hadu laa gi dee maua ai i de hhuge taanunga laa, ma de dugu hanu daane hagaloosi i kilaa.

Isaiah 44:5

Dahi e hagadaba naa, ‘Au se dangada niio Tagi Maolunga,’ gai dahi e kave naa de ingoo go Jacob; gai tangada ange laa e sisi ange naa gi honga dono lima, ‘Nii Tagi Maolunga’, ma de kave de ingoo go Israel.”