Nehemiah 9:13 - De Beebaa Dabu

¹³ Koe ne hano iho gi de mounga go Sinai, ga basa ange gi gilaadeu mai i de langi ga gaavange gi gilaadeu au hagamodu ssoe, ma au hainga heohi, ma au mee gu hagasauaa aama au muna danuaa gu tala mai.

Nehemiah 9:13 Referans Kwoze

Psalm 119:160

Au muna alodahi ni muna abodonu; au hagamodu heohi alodahi e daakodo ga hano ai.

Exodus 20:1

Gai de Maadua ne tala muna nei alodahi, ga hagadaba:

Exodus 19:11

gai gilaadeu gi hagadabena ange gi de hagadolu laangi, go hiidinga au e hano iho naa gi honga de mounga go Sinai i madamada o dangada alodahi.

Romans 7:16

Gai noo au e hai mee aagu e dee lodo e hai, gai e bei au gu hagadaba bolo de hainga e danuaa.

Habakkuk 3:3

De Maadua ne humai i Teman, de Ia Dabu laa ne humai i de mounga go Paran. Selah Dono mahamaha e haoli de langi, gai dono tuhi e hagahonu henua i lalo alodahi.

Isaiah 64:3

De masavaa aau ne hai ai denga mee hagamaatagu amaadeu tee iloo bolo e hai, koe ne hano iho, gai denga mounga gu ngalungaalue i oo mada i mua.

Isaiah 64:1

Mee naa koe gi saea de langi ga iho mai gi lalo, gi ngalungaalue ai denga mounga i mada luoo mada!

Psalm 119:137

Tagi Maolunga, koe e heohi mmao, gai au hagamodu e heohi.

Deuteronomy 33:2

Ia ne hagadaba: “Tagi Maolunga ne hano iho i Sinai ga hagamaalama gilaadeu mai i Seir, gai ne hagamaalama mai hogi i de mounga go Paran. Ia ne humai madali de gau dabu e dahisemada, gai ia e poo de ahi ula i dono lima madau.

Deuteronomy 5:4

Tagi Maolunga ne basa adu gi goodou mai i de mounga i lo te ahi ula.

Deuteronomy 4:33

Gai gu hanu ange nei donu dangada ne langona de leo o de Maadua e basa ange ai gi gilaadeu mai i lo te ahi ula bei oodou dagodo, gai gilaadeu tee maakau?

Deuteronomy 4:8

Gai e deai ange hogi se huaahenua, e hanu alaadeu hainga gu hagasauaa ma hagamodu heohi, bei de hainga alodahi aagu gu gaavadu gi goodou anailaa nei.

Exodus 20:22

Gai Tagi Maolunga ne hai ange gi Moses, “Daalaa ange muna nei gi de gau Israel: ‘Goodou gu gidee ma de langona dogu basa adu gi goodou mai i de langi:

Exodus 16:23

Gai ia ga hai ange gi gilaadeu, “Aanei donu muna a Tagi Maolunga gu lava laa i de tala adu: ‘Daiao go de laangi hagammabu, gai go Sabbath dabu a Tagi Maolunga. Goodou hagadabena ina oodou gai, ga dao aabe dunu e gaimee ai goodou, gai goodou ga doange mee doe gi daiao.’ ”

Deuteronomy 4:36

Ia ne hai gi langona e goodou dono leo mai i de langi e haele ai goodou. Gai ia ne hai gi gidee e goodou de ahi ula i honga de henua, ma de langona dono leo e basa adu ai gi goodou mai i lo te ahi.

Psalm 119:4

Koe gu lava i de hagaduu au muna gu hagasauaa gai dangada gi kana ange gi daohia.

2 Kings 17:37

Masavaa alodahi gai goodou kana ange daudali i ana muna gu hagasauaa ma ana hagamodu, ma ana hainga, aama ana muna gu tala ma de sisi adu gi goodou. Goodou aude daumaha ange gi denga diinonga.

Ezra 7:6

deenei taane go Ezra ne humai laa i Babylon. Ia se dangada sisi e agoagona hainga a Moses, go hainga a Tagi Maolunga, de Maadua o Israel gu gaavange ⌊gi Moses⌋. Gai de hodooligi ne gaavange gi de ia, mee alodahi oona ne dangidangi ange ai, go hiidinga de lima sauaa o Tagi Maolunga i ono elunga.