Nehemiah 8:15 - De Beebaa Dabu

¹⁵ gai gilaadeu gi hagailoo ina ma de hagadele i lodo aduhale alodahi aama Jerusalem, “Goodou hulo gi ulu mounga gaamai ai laa manu lau kohu o denga olive, ma de pine, ma de myrtle, ma de palm, e hai ai denga baasi hale, bei de hai gu sisi ai laa.”

Nehemiah 8:15 Referans Kwoze

Leviticus 23:40

Gai tahi laangi naa huu o taonga, gai goodou ga duuduu mai hua danuaa o oodou manu lau kohu, ma laa o denga palm, ma denga laa iai lau manu, aama denga willow i gaogao denga saalingaa vai. Gai goodou ga hai taonga ga malangilangi ai, i mada luu mada o Tagi Maolunga doodou Maadua, i e hidu laangi.

Deuteronomy 16:16

E dolu hanonga i de ngadau o denga daane alodahi i oodou magavaa e loomai ai gi mada luu mada o Tagi Maolunga doodou Maadua, i de mommee aana e hili: go de masavaa o Taonga o Pelaoaa Dee Hagahua, ma Taonga o denga Uvigi, aama Taonga o denga Baasi Hale. Gai e deai donu se daane e ngadi humai gi mada luu mada o Tagi Maolunga:

Leviticus 23:4

“ ‘Aanei daonga a Tagi Maolunga gu hagailonga, ni laangi dabu e hagabuni ai goodou, gai goodou ga hagailoo ange gi dangada denga masavaa gu lava i de hagailonga.

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.

John 12:13

Deelaa ai, gilaadeu ne duuduu iho denga lau palm ga hulo ai e hedae ange gi de ia, ga hagataba, “Hosanna! E manuuia tangada e humai i de ingoo o Tagi Maolunga, de Hodooligi o Israel!”

Matthew 21:1

Gai ga paa ange gilaadeu gi Jerusalem, gai gilaadeu gu tae gi Bethphage, i de Mounga o denga Olive, gai Iesu ga hai gi hulo e dogolua ana dangada agoago,

Genesis 8:11

Gai ga ahe mai huu de manu kono laa gi ono daha i de ahiahi, gai ia e kadi dahi lau olive se goodo hhagi laa, i dono ngudu. Gai Noah gu iloo bolo gu kii ange de masa de vai i honga de henua.

Zechariah 1:8

Au ne hai dahi midi hagaago ange i de boo, gai tilo, dahi daane e gage i honga dahi hoosa mmea. Gai ia e duu i magavaa o manu ssomo go denga myrtle i dahi mommee gelo. Gai e hanu hoosa mmea, ma hoosa kaagii, aama hoosa tea e tuu i ono dua.