Nehemiah 8:13 - De Beebaa Dabu

¹³ Gai de hagalua laangi huu gai gu hagabuni mai denga dagi o denga hagadiilinga alodahi, ma de gau haimeedabu, aama denga daane de aamuli o Levi gi daho tangada sisi go Ezra, e agoago ai gilaadeu i muna o de hainga.

Nehemiah 8:13 Referans Kwoze

Proverbs 12:1

Be goai e malangilangi i dono haelea, e lodo hogi i de iloo mee, aagai tangada e kino i dono hagaheohi ange, se dangada senga.

Acts 13:42

Gai de masavaa olaau ne ssao ai gi haho, gai dangada ga dangidangi ange gilaau gi aahe mai ange gi daalaa ange muna laa gi gilaadeu i Sabbath e mua mai.

Acts 4:1

De masavaa o Peter ma John e pasa ange ai gi dangada, gai gu tae mai hanu dangada haimeedabu madali tagi o de gau hagaloosi o de temple aama hanu Sadducee gi olaau daha,

Luke 24:32

Gai gilaau ga hagadau ssili ga hagataba, “Tee langona iho e gidaau i odaau lodo, i de masavaa oona e basa mai ai gi gidaau i honga de haiava, ga hagadonu mai de Beebaa Dabu gi gidaau?”

2 Chronicles 30:23

Gai dangada alodahi ne buni bolo gilaadeu ga duudagi de hai taonga i e hidu ange laangi; gai gilaadeu ga duudagi de hai taonga i e hidu ange laangi ma de malangilangi.

Nehemiah 8:12

Deelaa ai, dangada alodahi ne aahe ga gaimee ma de unu aama de duha ange gai gi dangada; gu kona mmao de malangilangi, go hiidinga gilaadeu gu tonu ange gi muna ne tala ange gi gilaadeu.

Nehemiah 8:14

Gai gilaadeu gu gidee e sisi i de hainga, go mee a Tagi Maolunga ne tala ange i daho Moses, bolo de gau Israel gi nnoho i lodo baasi hale i de masavaa o taonga i de hidu malama,