Nehemiah 6:9 - De Beebaa Dabu

⁹ Gai gilaadeu ne hagatale de hagamaatagu gimaadeu, gilaadeu ne maanadu, “Gilaadeu e baageaa naa i de hai hegau, gai de hegau gu dee maua gi lava.” ⌊Aagai au ne dalodalo, ga hai ange, “De Maadua,⌋ koe gi haia gi mmahi au.”

Nehemiah 6:9 Referans Kwoze

Psalm 138:3

De masavaa aagu ne hagahi adu ai goe, gai koe ne basa mai gi dagu dangidangi; koe ne hai au gi lo taane ma de lodo mmahi.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

Hebrews 12:12

Deenei ai, langa age oodou lima gu daudau naa, ma oodou duli gu baageaa naa,

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Ephesians 3:16

gai ia ga hai ai gi mmahi oodou lodo i ssauaa o dono Hagasaalunga, bei dagodo de laumalie o dono mahamaha,

2 Corinthians 12:9

Aagai ia ne hai mai gi de au, “Dogu abodonu e dohu i de bale adu ai goe, gai ogu mahi e hai ga honu abodonu i doo baageaa.” Deenei ai, au e kii ange donu de malangilangi i de tala tuhi dogu baageaa, gi dagodo ai ssauaa o Klisdo i ogu daha.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

1 Samuel 30:6

Gai David gu kona mmao tee baba ono lodo, go hiidinga denga daane gu llodo e maga ia i denga hadu, go hiidinga gilaadeu alodahi gu llili i hiidinga o alaadeu dama. Gai Tagi Maolunga dono Maadua ga hagammahi ange lodo o David.

Ephesians 6:10

Denga daina, aanei agu muna hagaodi, hagammahi ina goodou i mahi o Tagi Maolunga ma dono sauaa mmahi.

Jeremiah 38:4

Gai denga dagi ne hai ange gi de hodooligi, “Taane nei e daa donu gi magau. Ia e hai ma e llodo baageaa denga daane hebagi e doe i lo te aduhale ma dangada alodahi i ana muna e tala ange gi gilaadeu. Taane nei e dee ssala de mee e danuaa ange gi de huaadangada, aagai e ssala delaadeu hagaduasala.”

2 Chronicles 15:7

Aagai goodou gi llodo mmahi mage hai hegau, go hiidinga e hanu naa donu hagaoanga o oodou hegau.”

Psalm 71:1

Tagi Maolunga, go koe dogu buibui; koe gi dee hagadogaa ina loo au.

Psalm 56:3

De masavaa oogu e madagu ai, gai au e hagadonusia goe.

Nehemiah 6:14

Dogu Maadua, koe gi hagamaanadu i hegau baubau a Tobiah ma Sanballat ne hai, ma Noadiah, de hine pelaabisi, aama denga pelaabisi alodahi ne llodo laa e hagamadagu au.

Psalm 68:35

De Maadua, koe e hagamaatagu mmao, i doo mommee dabu; de Maadua o Israel ne gaavange de mmahi ma ssauaa gi dono huaadangada. Hagadegi ina de Maadua!

2 Chronicles 32:18

Gai denga daane laa ne oo ga pasa ange gi dangada o Jerusalem e tuu laa i honga de buibui o de aduhale i muna Hebrew, gi manavasaa ai gilaadeu ma de maatagu, gai gi maua ai e gilaadeu i de hagadee kii de aduhale laa.

Zechariah 10:12

Au e hai naa gilaadeu gi mmahi i de ingoo o Tagi Maolunga gai gilaadeu e seesee naa i dono ingoo,” go Tagi Maolunga e hagadaba.

Ezra 1:6

Gai dangada alodahi e paa ange gi gilaadeu gi gaavange gi gilaadeu denga goloa selevaa ma goolo, ma goloa ange laa, ma manu haangai, aama mee hagamogomogo madali denga mee ngadi gaavange.

Ezekiel 30:24

Gai au e hai naa gi mmahi de hodooligi o Babylon, ma de hai ia gi boogia dagu gadilaasa i dono lima; aagai au e hagamaaguluaa naa luu lima o Pharaoh, gai ia ga gonogono ai naa i mada i mua o de hodooligi o Babylon, bei dagodo o tangada gu lagohia ma gu dai magau.

Isaiah 40:29

Ia e hagammahi gilaadeu gu deai olaadeu mahi, ma de hai gi kii ange de mmahi olaadeu gu baageaa.