Nehemiah 6:8 - De Beebaa Dabu

⁸ Gai au ne aalu ga hai ange: “Tigi ai donu mee bei au mee e tala naa gu hai; gai ni maanadu donu huu niiau ne hai.”

Nehemiah 6:8 Referans Kwoze

Psalm 52:2

Doo alelo e tala denga hagatau e daa ai dangada; doo alelo e kangi bei de leesaa, koe se dangada hai hegau hadu muna.

De Beebaa go Job 13:4

Aagai goodou e haoli goodou i oodou muna hhadu; goodou alodahi ni dangada hai magi dee haigamaiana!

Acts 25:10

Aagai a Paul ne hai ange, “Au gu duu donu i de mommee hagamodu muna o Caesar iainei, go de mommee e heohi de hagamodu ai ogu muna. Gai au tigi hai ange donu dahi baubau daudahi gi de gau Ssuu, bei dau hai e iloo ai naa.

Acts 25:7

Gai de masavaa o Paul ne humai ai, gai de gau Ssuu ne loomai laa i Jerusalem ne tuu i luoono baasi. Gai gilaadeu ga hagabaubau ai ia i hanu mee lagolago, aagai tee maua e gilaadeu i de hai gi too donu alaadeu muna.

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Daniel 11:27

Gai luu hodooligi laa e hagatau naa i olaau lodo de hai de baubau; gilaau ga hagadau hadu muna naa i delaau nnoho i teebele daudahi, gai alaau hagatau e dee maua naa donu gi ssula, go hiidinga tigi dae mai de masavaa gu hagamodu ange laa gi de hagaodi.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Psalm 38:12

Gilaadeu e llodo e daa au gi magau gu dugu alaadeu sele, gilaadeu e hagatau delaadeu hai e hagalagohia ai au; gilaadeu e hagatau delaadeu hai e daahanga ai dangada mai i taiao ga boo ai.

Psalm 36:3

Ana muna e tala e baubau, ma de daahanga dangada; ia gu dee hai hegau i de heiangi ma tanuaa.

Nehemiah 6:7

Gai koe gu hai hogi denga pelaabisi gi daalaa oo dagodo i Jerusalem gi hagataba, ‘E dahi hodooligi i Judah!’ Gai iainei e hagailoo ange naa gi de hodooligi bei dagodo o muna nei. Deenei ai, humai gai gidaadeu ga madaangudu alodahi i dagodo o mee nei.”