Nehemiah 5:7 - De Beebaa Dabu

⁷ Gai au ne hagasaele mee nei i ogu lodo, gai au ne hagabaubau de gau aamua ma denga dagi, ga hai ange gi gilaadeu, “Goodou e hai oodou dangada gi hagao ina dahi mee laa honga oodou mee gu gaavange gi gilaadeu.” Gai au ne hagahi dahi hagabuni laumalie gai au ga hagasee ai gi gilaadeu,

Nehemiah 5:7 Referans Kwoze

Leviticus 25:36

Aude gaavee dahi mee laa honga mee aau ne gaavange gi dahi dangada; aagai koe gi madagu i de Maadua, gi maua ai e tangada laa i de noho madali goe.

Exodus 22:25

Noo koe e bale ange dahi dangada hagaau aloha i oodou magavaa, gai koe gi dee bei dagodo o tangada hagasomo sseene; koe gi dee haia gi kona de laumalie dana mee e hagao i dau sseene ne gaavange gi de ia.

Ezekiel 22:12

Hanu dangada i oo daha e kave mee ngadi gaavange hagasenga e daa ai dangada gi maakau; koe e hai gi laumalie de mee a dangada e paa adu gi de goe e hagao i au sseene e gaavange gi gilaadeu. Gai koe gu ngalo donu au, go de Ia Aamua go Iahweh e hagadaba.

Psalm 15:5

tangada e balea ange dangada i ana sseene, gai e dee kave dahi mee laa honga de mee aana ne gaavange e hagabaubau ai tangada tigi haisala. Tangada e haia de hegau nei e dee dai ngalungalue donu.

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

Titus 2:15

Agoagona mee nei; e hagammahi ai olaadeu lodo, ma de hagakana ange gilaadeu i ssauaa gu gaavadu naa gi de goe. Gai koe gi dee dugua ange dahi dangada gi hagangadi mee ina goe.

1 Timothy 5:20

Gai koe hagaseegina gilaadeu e aheahe ange ma e haisala i madamada o dangada alodahi, gi maatagu ai de gau ange laa.

Galatians 2:11

Gai de masavaa huu o Cephas ne humai ai gi Antioch, gai au ga hagasee ia i madamada o dangada, go hiidinga ia gu dee heohi.

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Matthew 18:17

Gai noo ia e dee e hagallongo ange gi gilaadeu, gai daalaa ange gi de nohoanga dabu alodahi. Gai noo ia e dee hagallongo ange hogi gi de nohoanga dabu, aagai goodou haia ia bei dahi dangada tua de mee ma tangada e hagabudulia taagisese.

Ezekiel 45:9

“E hagadaba de Ia Aamua go Iahweh: Denga dagi o Israel, goodou gu gona odi oodou mee e hai! Gu lava oodou vaivai hai ma de hagaduasala dangada, gai hai hegau i hagamodu heohi ma de mee heohi. Goodou aude alualumia dangada mai honga olaadeu mommee, go de Ia Aamua go Iahweh e hagadaba.

Proverbs 27:5

E danuaa ange doo hano gi daho tangada ga hagasee ai ia i de hagammuni doo aloha i de ia.

Psalm 27:8

Koe gu hai mai, “Saalaa gi gidee e goodou luoogu mada!” Ogu lodo e hai adu gi de goe, “Tagi Maolunga, au e ssala donu gi gidee e au luoo mada!”

Psalm 15:1

Tagi Maolunga, goai e maua i de noho i doo hale malo? Goai e maua i de noho i honga doo mounga dabu?

Psalm 4:4

Goodou llili, aagai goodou gi dee haisala; goodou hagasaelea mee nei i honga oodou moenga; goodou gi iloo dagodo o oodou lodo gai goodou ga dee muu. Selah

Psalm 109:11

Tangada oona e muli ange aagena gi gaavee ono goloa alodahi; gai dangada gi gaavee mee alodahi oona ne hai hegau ange aagena.

Exodus 22:24

Gai au e bole naa ga daa goodou gi maakau i de gadilaasa; oodou bodu e hai naa ga ni haahine e deai olaadeu bodu, oodou dama e hai naa ga ni gauligi e deai olaadeu damana.

Psalm 94:16

Goai e balea mai au e hebagi ange gi de gau baubau? Goai e hidi age e balea mai au e hai baasi ange ai gi gilaadeu e haia de baubau?

Proverbs 28:4

Gilaadeu e dee daudali laa i de hainga e tuhi de gau baubau, gai dangada e daudali laa i de hainga e hai baasi ange gi gilaadeu.