Nehemiah 5:15 - De Beebaa Dabu

¹⁵ Denga goobenaa i ogu mua ne hai ga hai ngadaa dangada, i delaadeu kave gai ma uvaini mai i olaadeu daha, madali e madahaa shekel selevaa, gai olaadeu dangada hai hegau ne vaivai hai hogi dangada. Aagai au tee hai hegau bei gilaadeu, i hiidinga au e madagu i de Maadua.

Nehemiah 5:15 Referans Kwoze

Nehemiah 5:9

Gai au ne hai ange, “Oodou hegau gu hai naa e dee heohi donu! E aha, e dee danuaa ange laa doodou maatagu i taadeu Maadua, gi dee dookaa ai gidaadeu i denga huaahenua o odaadeu hagadaumee?

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Proverbs 16:6

Go de aloha ma de hai hegau i de mee abodonu e maatala ai haisala, gai de madagu i Tagi Maolunga e hai tangada gi hano gee i de baubau.

2 Corinthians 11:9

Gai de masavaa oogu ne duasala ai i dogu noho i oodou daha, gai au tee hagahai ngadaa donu dahi goodou, gai go denga daina ne loomai laa i Macedonia ne balea mai au i mee alodahi oogu ne duasala ai. Deenei ai, au ne hagamade donu i mua ma iainei gi dee hagahai ngadaa ina e au dahi goodou i dahi mee.

Matthew 5:47

Gai noo goodou e hagaboo ange donu huu gi oodou daina, gai e hanu ai oodou mee e dubu ange ai i de gau ange laa? E dee aanaa hogi hegau a denga Gentile e hai laa?

De Beebaa go Job 31:23

Go hiidinga au e madagu i de hagaduasala a de Maadua; au e dee maua donu i hai de mee nei i hiidinga o dono mahamaha.

2 Corinthians 12:13

Gai se aha aagu tee hai adu laa gi goodou, gai ne hai ange donu huu gi denga nohoanga dabu ange laa? De mee donu huu aagu tee hai, go tee hai goodou gi balea mai au i hanu sseene. Gai goodou ga degi mai ai i dogu dee heohi!

Proverbs 29:12

Noo tagi e daudali i denga muna hhadu, gai dagi alodahi i ono lalo e hulo naa ga ni dangada baubau.

Psalm 147:11

aagai Tagi Maolunga e malangilangi i gilaadeu e maatagu i de ia, ma de tali hagalodolodo ange gi dono abodonu.

Psalm 112:1

Duuhia Tagi Maolunga! E manuuia tangada e madagu i Tagi Maolunga, ma de malangilangi mmao i ana hainga.

1 Samuel 8:15

Ia e kave gee naa e tahi diba i diba e madaangahulu o oodou grain ma oodou grape, ga gaavange gi ono gau aamua, ma ono dangada hai hegau.

Genesis 20:11

Gai Abraham ga hai ange, “Go hiidinga au ne maanadu i ogu lodo, ‘Dangada i de mommee nei e dee maatagu donu i de Maadua, gilaadeu e daa naa au ga magau, i hiidinga o dogu bodu.’

Genesis 42:18

Gai de hagadolu laangi huu, gai Joseph ga hai ange gi gilaadeu, “Deenei doodou mee e hai gi mouli ai goodou, go hiidinga au e madagu i de Maadua:

Nehemiah 5:16

Gai au ne hagaduu ngae ga hagaduu age de buibui nei; au tee hagao hogi hanu alahenua, gai ne hagabuni mai ogu dangada hai hegau alodahi ga hai de hegau i kilaa.

Jeremiah 32:9

Gai au ne hagao de alahenua i Anathoth, mai i daho dogu daina go Hanamel. Gai au ga hagahidi e madaangahulu ma hidu shekel selevaa ga gaavange gi de ia.

Lamentations 5:8

Gai gu ni dangada hai hegau e dagina gimaadeu; gu deai hogi dangada e hagaola ina mai gimaadeu i olaadeu daha.