Nehemiah 4:17 - De Beebaa Dabu

¹⁷ e hagaduulia laa de buibui. Gai dangada e molimolia mee ne hai hegau i dahi lima gai de lima ange laa e poo dono goloa hebagi,

Nehemiah 4:17 Referans Kwoze

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.

2 Timothy 2:3

Gai koe gi gaavee hogi de hagaduasala bei dagodo o taane hebagi danuaa o Klisdo Iesu.

2 Corinthians 6:7

ma de tala de muna abodonu, ma ssauaa o de Maadua, ma denga goloa hebagi o de heohi i de lima madau ma de lima masui;

Philippians 1:28

Gai goodou gi dee maatagu i gilaadeu e hai baasi adu gi goodou; de mee nei e hagaago ange gi gilaadeu bolo gilaadeu e daa naa ga maakau, aagai goodou e hagamouli. De mee nei se hegau nii de Maadua.

1 Corinthians 16:13

Goodou dagitilo, ma de tuu gi makaga i de gai, gai gi lo taane ma de lodo mmahi.

1 Corinthians 16:9

go hiidinga gu dugua mai gi de au de masavaa danuaa e hagasula ai de hegau i kinei, aagai e soa hogi ogu hagadaumee.

1 Corinthians 9:12

Noo de gau ange laa e dahi olaadeu heohi e kave ai de bale mai i oodou daha, gai e aha, e dee kii gimaadeu i de dahi omaadeu heohi e kave ai de bale mai i oodou daha? Gai gimaadeu tee hai donu de mee nei. Aagai ne golomagi omaadeu lodo gi dee buibuia ai e gimaadeu de longo danuaa o Klisdo.

Daniel 9:25

Gai koe gi iloo ma de donu ange gi de mee nei: mai i de masavaa e hagailoo ai bolo gi hagaahea age ange Jerusalem, ga dae ai gi de humai o de Ia gu Hagadabu laa i de lolo, go tagi, e hidu naa uvigi, ma e madaono ma lua uvigi. Gai e hagaduu age naa de aduhale madali denga haiava, aama mommee iai vai, aagai de masavaa laa se masavaa hai ngadaa.

Nehemiah 4:13

Deelaa ai, au ne hai hanu dangada gi hagaloosia tua de buibui i mommee alodahi e maolalo ai laa de buibui. Au ne hili hanu dangada mai i denga hagadiilinga ma alaadeu gadilaasa, ma dao, aama alaadeu mee hholu gi hagaloosia.

Nehemiah 4:16

Mai i de laangi laa gai dahi luu baasi o ogu dangada hai hegau e hai hegau, gai de baasi ange laa e hagauda olaadeu dao, ma mee buibui, ma mee hholu, aama de kahu i olaadeu malo hebagi. Gai denga dagi ne tuu i dua o dangada alodahi o Judah,

Nehemiah 4:18

gai dangada alodahi e hagaduulia laa de buibui, e dau alaadeu gadilaasa i de masavaa alaadeu e bae ai de buibui. Gai taane e ilihia laa de hanga manu e duu i ogu gaogao.

Psalm 149:6

Gilaadeu gi hevaalogi gi duuhia de Maadua, gai gi boogia alaadeu gadilaasa kangi baasi lua i lodo olaadeu lima,

Song of Songs 3:8

Gilaadeu alodahi e dau alaadeu gadilaasa gai ni daane dau i de hebagi; dahi ma dahi e dau dana gadilaasa i honga dono dege, e buibui ai gilaadeu i mee hagamaatagu o de boo.

Joel 2:8

Gilaadeu e dee hagadau usu donu, gai dahi ma dahi e hagasoe donu gi mua. Gilaadeu e ulu gi lodo mommee buibui gai e deai e maua i de oha olaadeu hagabuulinga.