Nehemiah 4:15 - De Beebaa Dabu

¹⁵ Gai omaadeu hagadaumee gu langona e gilaadeu, bolo gimaadeu gu iloo alaadeu hagatau, gai de Maadua gu hai gi dee ssula alaadeu hagatau. Gai gimaadeu alodahi ga ahe ange gi de buibui, dahi ma dahi gi ana hegau.

Nehemiah 4:15 Referans Kwoze

2 Samuel 17:14

Gai Absalom ma denga daane alodahi o Israel ne hai ange, “Muna bale a Hushai, taane Erek, e danuaa ange i muna bale a Ahithophel.” Go hiidinga Tagi Maolunga gu hai gi dee ssula muna bale a Ahithohphel, gai ia ga hagahai ngadaa ai Absalom.

Romans 12:11

Goodou gi dee vaiduu gai gi lodo mmahi i de hai hegau, i doodou hai hegau ange gi Tagi Maolunga.

Isaiah 44:25

Gai go au e haia gi dee ssula hagailonga a denga pelaabisi hadu muna, ma de hai de gau e daalaa mee loomai gi bei de gau llodo ssenga, ma de hai gi dee ssula muna a de gau heiangi, aama de hai olaadeu iloo mee gi deai haigamaiana;

1 Thessalonians 4:11

Aagai goodou haia gi dee lagolago oodou muna e tala; gai kana iho mage diiloo oodou dagodo aama de hai hegau bei demaadeu hai gu agoago adu ai goodou.

Mark 13:34

Gai e bei tangada gu baba ange laa e sailago: ia ne hano gee i dono hale, gai ga dugu ange gi ono dangada hai hegau gi diiloo ange. Gai ia ga gaavange gi dahi ma dahi ana hegau e hai, ga tala ange gi tangada hagaloosi ia gi noho gi dagitilo.

Isaiah 8:10

Hagabuni haia oodou hagatau, aagai e deai naa donu haigamaiana; daalaa oodou hagatau, aagai e dee maua donu gi ssula, go hiidinga de Maadua madali gimaadeu.

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

2 Samuel 15:31

Gai hanu ne tala ange gi David, ga hai ange, “Ahithophel go dahi dangada e balea ange Absalom.” Gai David ne dalodalo ga hai ange, “Tagi Maolunga, au e dangidangi adu koe gi haia gi dee ssula muna bale a Ahithophel.”

Nehemiah 4:16

Mai i de laangi laa gai dahi luu baasi o ogu dangada hai hegau e hai hegau, gai de baasi ange laa e hagauda olaadeu dao, ma mee buibui, ma mee hholu, aama de kahu i olaadeu malo hebagi. Gai denga dagi ne tuu i dua o dangada alodahi o Judah,