Biblia Todo Logo
Bib sou entènèt

- Piblisite -




Nehemiah 2:20 - De Beebaa Dabu

20 Gai au ne hai ange gi gilaadeu, “De Maadua o de langi e bale mai naa gimaadeu e hagassula ai amaadeu hegau, gai gimaadeu, ono dangada hai hegau e daamada naa de hagaahe age; aagai goodou e deai donu soodou diba, be se heohi ange gi Jerusalem aabe se hagamaanadu.”

Gade chapit la Kopi




Nehemiah 2:20
21 Referans Kwoze  

E deai donu sau diba aabe se duuhanga daudahi mai i mee nei, go hiidinga oo lodo e dee heohi i mada luu mada o de Maadua.


Aagai Zerubbabel ma Jeshua, ma dagi o denga hagadiilinga o Israel ne hai ange gi gilaadeu, “Goodou e dee dau donu i de hagaduu age de hale o demaadeu Maadua. Gai go gimaadeu donu huu e hagaduulia age de hale o Tagi Maolunga, de Maadua o Israel, bei de hai a Cyrus, de hodooligi o Persia gu tala mai ai gi gimaadeu.”


Gai de hodooligi ne ssili mai gi de au, “Se aha aau e lodo e dangidangi mai ai gi de au?” Gai au ga dalodalo ange gi de Maadua o de langi.


gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha.


Haia gi hevaalogi i de malangilangi ma de llodo danuaa, gilaadeu e llodo danuaa i dogu hagaheohi; gai gilaadeu gi hagataba i masavaa alodahi, “Hagaamua ina Tagi Maolunga, go de ia e malangilangi i de duadonu o dono dangada hai hegau.”


au e hai naa dahi hagamaanadu ma dahi ingoo moolaadeu i lo te temple ma lodo ono buibui, gi danuaa ange i denga dama daane ma damaa hine; au e gaavange naa gi gilaadeu dahi ingoo e dee ngado mai gai e dee maua donu gi lilo.


E danuaa dau daohi dahi mee nei, aagai e dee tili de mee ange laa; go hiidinga tangada e madagu i de Maadua e maua i de hai mee nei alodahi.


Koe gi malangilangi i de hai ange tanuaa gi Zion; hagaduulia age de buibui o Jerusalem;


Gimaadeu e hevaalogi naa ga malangilangi i doo kii, ma de hagaduu age demaadeu hagailonga i de ingoo o demaadeu Maadua. Tagi Maolunga gi gaavadu mee alodahi oou gu dangidangi ange ai.


Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?” Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua.


Gai de hau hodooligi e dugu naa i lo te temple o Tagi Maolunga e hagamaanadu ai Helem, ma Tobijah, ma Jedaiah, aama Josiah, tama daane a Zephaniah.


Dalodalo gi dagodo de noho baba i Jerusalem: “Dangada e aaloha i de goe gi nnoho paba.


“De gau hai hegau alodahi ma dangada i vaaenga o de hodooligi e iloo, bolo tangada e hano e ulu gi lo te mommee iai de nohoanga o de hodooligi, gai de hodooligi tee aalu ia, gai e dahi donu huu hainga ange gi de ia — ia e daa donu gi magau. Deelaa donu huu, noo de hodooligi e haalo ange gi de ia dana laagau hodooligi gi ola ai dono mouli. Gai gu matolu odi huu laangi a de hodooligi tee aalu mai ai au.”


Ia ne hagaduu ngae ga ssala de Maadua i de masavaa o Zechariah, taane ne agoagona ange ia gi madagu i de Maadua. Gai taulooloa dana hagaduu ngae ga ssala Tagi Maolunga, gai de Maadua ne hai ia gi sula danuaa.


Gai goodou e ilihia hogi luu trumpet laa, i laangi oodou daonga ai ga malangilangi — go masavaa o oodou daonga gu hagailonga ma daonga o de duu de maasina i dai, i de masavaa e hai ai oodou sigidaumaha dudu, aama oodou sigidaumaha hagadanuaa magavaa, gi manadua ai e Maadua goodou. Go au go Iahweh doodou Maadua.”


Gai Aaron ga dau ai ingoo o denga dama a Israel, i lo te mee dau i hadahada e hagamodu ai muna, i honga dono hadu manava, i de masavaa alodahi oona e ulu ai gi lo te Aabi Dabu, e hagamaanadu ai gilaadeu i mada luu mada o Tagi Maolunga.


Gai koe ga gaavange hanu frankincense danuaa gi honga luu hagataaunga laa, mee nei ni mee e gaavange madali denga pelaoaa e hai ai ssigidaumaha hagamaanadu i de ahi, ange gi Tagi Maolunga.


ga gaamai gi denga dama daane a Aaron, gu hai laa gi ni dangada haimeedabu. Gai tangada haimeedabu gi buulia hanu pelaoaa gu hilo laa ma lolo aama frankincense, ga dudu hanu i honga de mommee o ssigidaumaha e hai ai de mee hagamaanadu; de mee nei se sigidaumaha e hai i de ahi, gai e nnamu kala ange gi Tagi Maolunga.


De masavaa huu aagu ne langona ai muna nei, gai au gu dangi. Gai au ne daemaha ogu lodo ma de hagahiigai aama de dalodalo ange gi de Maadua o de langi i hanu laangi.


Ia e basa ange naa gi dalodalo a de gau hagaau aloha, gai ia e dee hagangadi mee alaadeu dangidangi.


Swiv nou:

Piblisite


Piblisite