Nehemiah 2:18 - De Beebaa Dabu

¹⁸ Au ne tala ange hogi gi gilaadeu de noho o dogu Maadua i ogu daha ma dono abodonu mai gi de au, aama muna hogi a de hodooligi ne tala mai gi de au. Gai gilaadeu ne hai mai, “Gidaadeu ga daamada de hagaduu!” Gai gilaadeu ne hagadabena e hai gi danuaa de hegau.

Nehemiah 2:18 Referans Kwoze

Philippians 2:13

i hiidinga go de Maadua donu e hai hegau i oodou lodo, ga hai ai goodou gi llodo ma de maua i de hai ono mee e malangilangi ai.

2 Chronicles 32:5

Ia ne hai hegau hagaduu ngae ga hagaahe age mommee alodahi gu maoha laa i de buibui o de aduhale ma de hagatuu age denga hale dagitilo maolunga i ono elunga. Ia ne hagaduu hogi dahi buibui laa tua de buibui o de aduhale. Ia ne hai gi makaga denga bae hagamakaga i lo te aduhale o David, ma de hai denga goloa hebagi lagolago mmao.

1 Chronicles 19:13

Koe gi lo taane, gai gidaadeu ga hagammahi e hebagi, i hiidinga odaadeu dangada, aama denga aduhale o taadeu Maadua. Gai Tagi Maolunga e hai naa be se aha e danuaa i mada luoono mada.”

Ephesians 6:10

Denga daina, aanei agu muna hagaodi, hagammahi ina goodou i mahi o Tagi Maolunga ma dono sauaa mmahi.

Ezra 6:22

Gilaadeu ne hai hogi Taonga o Pelaoaa Dee Hagahua i e hidu laangi ga malangilangi ai; i hiidinga Tagi Maolunga gu hai gi kona mmao delaadeu malangilangi, ia ne sui lodo o de hodooligi o Assyria, gai ia ga bale ange gilaadeu ga hagaahe age ai de hale o de Maadua, go de Maadua o Israel.

2 Samuel 2:7

Deenei ai, goodou gi lodo mmahi ma de lo taane; doodou dangada aamua go Saul gu magau, gai de aamuli o Judah gu hagadabu au gi hodooligi i olaadeu elunga.”

1 Chronicles 11:10

Aanei ingoo o dagi o denga daane mmahi o David, gilaadeu ma dangada alodahi o Israel ne bale ange dono nohoanga hodooligi gi sula i honga de henua alodahi, bei de hai a Tagi Maolunga gu hagatoo donu ai i dagodo o Israel.

1 Samuel 23:16

Gai Jonathan, tama daane a Saul, ne humai gi daho David i Horesh, ga hagammahi ange ia i lodo o de Maadua.

Nehemiah 2:8

Gai siia hogi dahi leda ange gi Asaph, taane e diiloo ange de gelegele o de hodooligi i lodo henua, gai ia ga gaamai ai laagau e hagatuu ai denga haitoga, o de hale buibui makaga i gaogao de temple, ma de buibui o de aduhale, aama dogu hale e noho ai.” Gai de hodooligi ne dugu mai mee alodahi oogu ne dangidangi ange ai, go hiidinga de lima sauaa o de Maadua e dagodo i ogu elunga.