Nehemiah 13:31 - De Beebaa Dabu

³¹ gai au ne hai gi hanu lahhie e hai ai ssigidaumaha, i de masavaa gu hagamodu ange, aama de masavaa o denga huamanu i taamada. Dogu Maadua, manadua mai au i doo abodonu.

Nehemiah 13:31 Referans Kwoze

Nehemiah 13:14

Dogu Maadua, manadua mai au i hiidinga o de mee nei, gai koe gi dee sooloa agu hegau ne hai i de muna abodonu, ange gi de hale o dogu Maadua ma ono hegau.

Nehemiah 13:22

Gai au ne hai ange gi hagadiilinga o Levi gilaadeu gi hagagilimalali ina gilaadeu ma gi loomai hagaloosi ina denga haitoga, gi maua ai i de hai gi dabu de laangi o Sabbath. Dogu Maadua, manadua mai hogi au i de mee nei, gai abodonu mai gi de au gi bei dagodo o doo aloha laumalie.

Psalm 106:4

Tagi Maolunga, manadua mai huu au i de masavaa aau e abodonu ange ai gi oo dangada, gai balea mai au i dau hagaola gilaadeu;

Psalm 25:7

Koe gi dee manadua ogu haisala ma ogu baubau i de masavaa oogu e dama daane ai. Tagi Maolunga, manadua mai au i doo lodo aloha, i hiidinga koe e danuaa!

Nehemiah 10:34

Gai gimaadeu de gau haimeedabu, ma de aamuli o Levi, aama dangada ne hai tada e hili ai denga huaabodu e gaamai lahhie gi de hale o demaadeu Maadua, i de masavaa gu hagailonga i ngadau alodahi, e dudu i honga de mommee o ssigidaumaha a Tagi Maolunga taadeu Maadua, bei de hai gu sisi ai i de hainga.

Luke 23:42

Gai ia ga hai ange, “Iesu, manadua mai au i doo masavaa e dae ai gi doo nohoanga hodooligi!”

Nehemiah 5:19

Dogu Maadua, koe gi manadua mai au i doo abodonu, i agu mee alodahi gu hai ange gi de huaadangada nei.

Nehemiah 10:35

Gimaadeu ne hagamodu hogi bolo gimaadeu e gaamai denga hua i taamada i honga omaadeu gelegele, aama hua o denga manu alodahi gi de hale o Tagi Maolunga i ngadau alodahi.

Nehemiah 10:38

Gai dahi dangada haimeedabu, mai i de aamuli o Aaron, gi noho madali de aamuli o Levi i de masavaa alaadeu e kave ai dahi diba i diba e madaangahulu, gai de aamuli o Levi gi vaaea dahi diba i diba e madaangahulu o dahi diba i diba e madaangahulu alaadeu ne kave laa, gi gaamai gi lodo mommee doange i de hale o demaadeu Maadua.