Nehemiah 13:26 - De Beebaa Dabu

²⁶ E aha, e dee aanei hogi hegau a Solomon ne hai ga haisala ai ia? Gai e deai ange donu se hodooligi e bei ono dagodo i magavaa o denga huaahenua soa. Gai de Maadua ne aloha i de ia, ga hai ia gi hodooligi i Israel alodahi, aagai ia ne haisala hogi i hiidinga o denga haahine henua gee.

Nehemiah 13:26 Referans Kwoze

1 Kings 3:13

Au e gaavadu naa hogi gi de goe mee oou tee dangidangi mai ai, go de lava ma de hagadubu, gai e deai naa donu se hodooligi e bei oo dagodo, i taulooloa doo mouli.

Ecclesiastes 7:26

Gai au gu gidee de mee e kii ange de mmala i de magau: go de hine e bei laa dagodo o ssele ma galauna, gai luoono lima e bei denga seeini. Gai tangada e madagu i de Maadua e ola mai naa i ono daha, aagai tangada haisala e noodia naa i ssele laa.

2 Chronicles 1:12

deenei ai, au e gaavadu donu gi de goe de heiangi ma de iloo mee. Au e gaavadu naa hogi gi de goe de lava, ma goloa lagolago aama de hagadubu. Gai tigi ai ange donu se hodooligi gu humai i mua, aabe e humai i oo dua e bei oo dagodo.”

2 Chronicles 9:22

Gai de hodooligi go Solomon ne kii ange de lava ma de heiangi i denga hodooligi alodahi o henua i lalo.

Proverbs 31:3

aude moumou ina oo mahi i daho denga haahine dagodo haisala, ma oo mahi i daho olaadeu e hagahaisala ina denga hodooligi.

1 Kings 3:12

Deenei ai, au e hai donu gi bei dau dangidangi. Tilo, au e gaavadu naa gi de goe de heiangi ma de donu ange gi mee. Gai e tigi ai ange donu se dangada ne bei oo dagodo mai madagidagi, aabe se dangada e bei oo dagodo i muli mai.

1 Kings 4:1

Gai Solomon gu hodooligi i Israel alodahi.

1 Kings 21:25

(Gai teai ange donu se dangada ne bei dagodo o Ahab, ia ne dugu ange ia gi de baubau i mada luu mada o Tagi Maolunga, gai dono bodu go Jezebel ne usuusu ange ia.