Nehemiah 13:23 - De Beebaa Dabu

²³ Gai au ne gidee hogi i laangi laa bolo hanu daane Judah gu hai bodu ange gi denga haahine o Ashdod, ma haahine o Ammon aama Moab.

Nehemiah 13:23 Referans Kwoze

Nehemiah 10:30

“Gimaadeu e dee gaavange amaadeu damaa hine gi dangada o de henua nei, aabe kave alaadeu damaa hine gi hai bodu ange gi amaadeu dama daane.

Ezra 10:10

Gai tangada haimeedabu go Ezra ga duu age ga hai ange gi gilaadeu, “Goodou gu haisala i doodou hai bodu ange gi denga haahine henua gee, gai goodou gu hai ma gu kii ange de lagolago haisala o Israel.

2 Corinthians 6:14

Goodou aude hagabuni ange gi gilaadeu e dee hagadonusia. Gai e maua i de hai gi buni de heohi ma de baubau, be go de maalama ma de gohu?

Nehemiah 13:1

De laangi huu ne dau ange ai de beebaa a Moses gi dangada, gai gilaadeu ne gidee e sisi i ono lodo bolo de gau Ammon ma de gau Moab e dee maua i de daumaha madali dangada o de Maadua ga hano ai,

Ezra 10:44

Gilaadeu nei alodahi ne hai bodu ange gi hanu haahine henua gee; gai hanu gilaadeu gu hanu donu alaadeu dama ange gi denga haahine laa.

Nehemiah 4:7

Aagai ga langona huu e Sanballat ma Tobiah, ma de gau Arabia, ma de gau Ammon, aama de gau Ashdod bolo goi duudagi huu de hagaahe age o de buibui o Jerusalem, gai mommee masaavava laa gu dai buni ange donu, gai gilaadeu gu kona mmao de llili;

1 Samuel 5:1

De masavaa o de gau Philistia ne kave ai de ngavesi a de Maadua, gai gilaadeu ne kave mai i Ebenezer gi Ashdod.

Exodus 34:11

Gai goodou kana ange hagallongo ange gi muna aagu gu tala adu gi goodou anailaa nei. Tilo, au e hai naa gi hulo gee de gau Amor, ma de gau Canaan, ma de gau Heth, ma de gau Perez, ma de gau Hiv, aama de gau Jebus.

Deuteronomy 7:1

De masavaa naa huu a Tagi Maolunga doodou Maadua, e kave ai goodou ga tae gi de henua oodou ga hulo naa e henua ai, gai ia e aau gee naa denga huaahenua e nnoho i kilaa — go de gau Heth, ma de gau Girgash, ma de gau o Amor, ma de gau Canaan, ma de gau Perez, ma de gau Hiv, aama de gau Jebus, go denga huaahenua e hidu e soa ange, ma de mmahi ange i goodou —

1 Kings 11:1

Gai de hodooligi go Solomon ne soa ange ono haahine henua gee ne aloha ai, madali tamaa hine a Pharaoh: go denga haahine o Moab, ma Ammon, ma Edom, ma Sidon, aama Heth;

Nehemiah 13:24

Gai hanu alaadeu gauligi e pasa donu i muna Ashdod, aabe go hanu muna ange, gai gilaadeu e dee pasa i muna a de gau Judah.

Nehemiah 13:27

E aha, goodou e hai naa hogi gi langona e gimaadeu bolo goodou e hai hogi de hegau baubau mmao nei, goodou e dee hai hegau ange gi taadeu Maadua i de mee abodonu, i doodou hai bodu ange gi denga haahine henua gee?”

Ruth 1:4

Gai luaana dama daane ga hai bodu ange gi e dogolua damaa hine o Moab; de ingoo o dahi damaa hine laa go Orpah, gai de ingoo o de ia ange laa go Ruth. Gai gilaadeu ne nnoho i kilaa i e madaangahulu ngadau.

Nehemiah 10:31

Gai noo dangada i de henua e gaamai olaadeu goloa aabe denga grain e hagao i de laangi o Sabbath aabe go dahi laangi dabu, gai gimaadeu e dee hagao alaadeu mee. Gimaadeu e dee hagihagi hogi huamanu i honga omaadeu gelegele i denga hidu ngadau alodahi, ma de degi ange gi muli alodahi.