Nehemiah 13:15 - De Beebaa Dabu

¹⁵ Laangi laa gai au ne gidee hanu dangada o Judah e dagadagahi denga grape i de mommee kumi uvaini i de laangi o Sabbath, ma de hagauda mai denga noodangaa grain i honga denga donkey, ma uvaini, ma grape, ma fig, aama denga hagadaagangaa mee alodahi ma e gaamai gi Jerusalem i de laangi o Sabbath. Gai au ga hai ange gilaadeu gi dee hagao ina gai laa i de laangi.

Nehemiah 13:15 Referans Kwoze

Nehemiah 10:31

Gai noo dangada i de henua e gaamai olaadeu goloa aabe denga grain e hagao i de laangi o Sabbath aabe go dahi laangi dabu, gai gimaadeu e dee hagao alaadeu mee. Gimaadeu e dee hagihagi hogi huamanu i honga omaadeu gelegele i denga hidu ngadau alodahi, ma de degi ange gi muli alodahi.

Nehemiah 13:21

Aagai au ne basa ange gi gilaadeu, ga hai ange, “Gu aha gu sseni ai naa goodou i gaogao de buibui i de boo? Noo goodou e aahe ange e hai de hegau nei, gai au ga booboo goodou e noonoa.” Dua de masavaa laa gai gilaadeu tee aahe mai i de laangi o Sabbath.

Exodus 34:21

E ono oodou laangi e hai ai oodou hegau, aagai de hidu laangi goodou hagammabu; goodou e hagammabu donu hogi i de masavaa o de hagabalabala de gelegele ma de masavaa o de hagihagi.

Isaiah 58:13

Noo koe e dee oha Sabbath, ma tee hai oo mee e lodo ai i dogu laangi dabu, ma de hagabinga Sabbath bolo se laangi hagamalangilangi, ma de hagaingoo ange de laangi dabu o Tagi Maolunga bolo se laangi hagadubu, gai noo koe e hagadubu de laangi laa ga dee hai donu huu au hegau, ma de hagamalangilangi donu huu goe, aama tee tala ai hanu ngadi muna,

Ezekiel 20:13

Gai de gau Israel ne hai baasi mai gi de au i de vao. Gilaadeu tee daudali i agu mee gu hagasauaa, aagai ne tili agu hainga — go mee e haia ga mouli tangada, noo ia e daudali ai — gai gilaadeu ne hagangadi mee agu Sabbath. Deelaa ai, au ne maanadu de hagaduasala, ma de daa gilaadeu gi maakau i de vao, i hiidinga dogu bole.

Jeremiah 17:27

Aagai noo goodou e dee hagallongo mai, goodou e dee hai gi dabu de laangi o Sabbath, ga dee hagauda mai mee laa lodo haitoga o Jerusalem i de laangi o Sabbath, gai au e dudu naa denga haitoga o Jerusalem aama ono hale danuaa, gai e dee maua naa donu i de diinei.’ ”

Jeremiah 17:24

Aagai noo goodou e kana ange ga hagallongo mai gi de au, go Tagi Maolunga e hagadaba, ga dee hagauda mai hanu mee laa lodo haitoga o de aduhale nei i de laangi o Sabbath, aagai ga hai gi dabu de laangi o Sabbath, goodou gu dee hai hegau ai,

Deuteronomy 8:19

Noo goodou e ngalo Tagi Maolunga doodou Maadua ga daudali ange i denga diinonga, gai goodou ga ino ange ma de daumaha ange gi gilaadeu, gai au e tala adu gi goodou ailaa nei bolo goodou e daia naa donu ga maakau,

Exodus 35:2

E ono laangi e hai ai oodou hegau, aagai de hidu laangi se Sabbath dabu, se laangi hagammabu gu hagadabu ange gi Tagi Maolunga; gai be goai naa huu e haia ai hanu hegau, gai ia e daa donu gi magau.

Nehemiah 9:29

Koe ne hagakana ange gilaadeu, gi aahe mai ai gilaadeu gi daudali i dau hainga, aagai gilaadeu ne hagamaolunga ma tee daudali i au muna. Gilaadeu ne hagahaisala au mee gu hagasauaa, go mee o tangada e mouli ai noo ia e daudali ai. Gilaadeu ne huuhuli gee i de goe ma de makaga olaadeu lodo, gilaadeu tee hagallongo adu.

1 Thessalonians 4:6

Gai gi deai se goodou e haisala ange gi dono daina i de mee nei, go hiidinga Tagi Maolunga e hagao ange donu tangada e haia mee nei hugadoo, bei de hai amaadeu gu tala adu ai gi goodou, aama de agoago adu ai goodou i mua.

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.

Galatians 5:3

Au e tala hagadonu ange hogi gi tangada e tuu dagaholiage laa, bolo ia e hai donu gi daudali i denga hainga alodahi.

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 2:40

Gai ne lagolago ana mee ne tala ange ma de tala hagadonu ange aama de hagammahi ange gilaadeu, ga hai ange, “Goodou hagaola ina goodou mai i de hagaduasala gu dai gaavange gi de atangada baubau nei!”

Micah 6:3

Dogu huaadangada, se aha aagu gu hai adu laa gi de goe? Gai se aha aagu ne hagadaemaha ai laa goe? Basa mai gi agu muna!

Jeremiah 42:19

Dangada e doe i Judah, Tagi Maolunga gu lava i de hai adu gi goodou, ‘Goodou aude hulo gi Egypt!’ Goodou gi tonu iho bolo anailaa nei gai au e tala adu de mee abodonu gi goodou,

Psalm 50:7

“Ogu dangada, goodou nnoho mai hagalaangona, gai au ga basa adu, Israel, au e hagabaubau oo dagodo. Go au de Maadua, doo Maadua.

2 Chronicles 24:19

Gai e dee galemu donu Tagi Maolunga ne hai gi loomai denga pelaabisi gi haia dangada gi aahe mai gi de ia, gai e dee galemu donu gilaadeu ne hagakana ange gilaadeu, aagai gilaadeu tee llodo e hagallongo alaadeu muna.

Nehemiah 13:16

Gai hanu dangada mai i Tyre, e noho laa i Jerusalem, ne gaamai hanu mamu, ma denga hagadaagangaa goloa alodahi gi Jerusalem, i de laangi o Sabbath, e hagao ange gi dangada o Judah.

Proverbs 28:4

Gilaadeu e dee daudali laa i de hainga e tuhi de gau baubau, gai dangada e daudali laa i de hainga e hai baasi ange gi gilaadeu.

Amos 8:5

ma de hagataba, “Go aahee naa e lava ai taonga o de duu de maasina i dai, gai gimaadeu ga hulo e hagao gi daha amaadeu grain? Gai go aahee naa e ui ai Sabbath, gai gimaadeu ga hulo e hagao gi daha amaadeu wheat? Gimaadeu e hai naa gi kii mai ange de hagabaaunga o de ephah gai ga ue age de hagaoanga, ma de hagasenga dangada i demaadeu hai e hagahidi mee.

Exodus 31:12

Gai Tagi Maolunga ga basa ange, ga hai ange gi Moses,

Exodus 31:16

Deelaa ai, de gau Israel gi daohia Sabbath, ma de hai hegau ai i daho olaadeu atangada alodahi, de mee nei se hagatoo donu hagaheloongoi ga hano ai huu.

Nehemiah 10:32

Gai gimaadeu ne hagamodu i omaadeu daha e gaavange dahi diba i diba e dolu o dahi shekel i ngadau alodahi e hai ai hegau o de hale o demaadeu Maadua:

De Beebaa go Job 39:12

Koe e iloo abodonu bolo de kaau laa e ahe mai naa ga gaamai au grain gi de mommee hili huamanu?