Nehemiah 13:1 - De Beebaa Dabu

¹ De laangi huu ne dau ange ai de beebaa a Moses gi dangada, gai gilaadeu ne gidee e sisi i ono lodo bolo de gau Ammon ma de gau Moab e dee maua i de daumaha madali dangada o de Maadua ga hano ai,

Nehemiah 13:1 Referans Kwoze

Nehemiah 9:3

Gai gilaadeu ne tuu i olaadeu mommee i e dolu aoaa ga dau de Beebaa o hainga a Tagi Maolunga, delaadeu Maadua, gai gilaadeu ne tala olaadeu haisala ma de daumaha ange gi Tagi Maolunga, delaadeu Maadua i e dolu aoaa.

Nehemiah 13:23

Gai au ne gidee hogi i laangi laa bolo hanu daane Judah gu hai bodu ange gi denga haahine o Ashdod, ma haahine o Ammon aama Moab.

2 Kings 23:2

Gai ia ga hanage gi de hale o Tagi Maolunga, madali denga daane alodahi o Judah, ma dangada alodahi o Jerusalem, ma de gau haimeedabu ma denga pelaabisi, ma denga gauligi ma dangada maatua alodahi. Gai ia ga dau ange gi gilaadeu muna alodahi i lo te Beebaa o de hagatoo donu hagaheloongoi, ne gidee mai laa i lo te hale o Tagi Maolunga.

Acts 15:21

Go hiidinga de hainga a Moses gu daulooloa de agoago i denga aduhale alodahi, ma de dau mai i lodo synagogue i denga Sabbath alodahi.”

Acts 13:15

Gai dua huu de dau o de hainga ma muna a denga pelaabisi, gai denga dagi o synagogue ga aalu ga hai ange gi gilaadeu, “Denga daina, noo e hanu oodou muna e hagalodo mmahi ange ai dangada, gai goodou daalaa mai.”

Luke 10:26

Iesu ne hai ange gi de ia, “Aahee muna gu sisi laa i de hainga? Gai dee hee dau hai gu daulia ange ai laa?”

Amos 1:13

E hagadaba Tagi Maolunga: “Tolu hanonga o de gau Ammon e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne hangahanga dinae o denga haahine hai tama i Gilead, gi kii ange de lahalaha delaadeu henua.

Jeremiah 48:1

Dagodo o Moab. E hagadaba Tagi o denga hagabuulinga hebagi, de Maadua o Israel: “E vakaa naa Nebo, de henua e oha naa! Kiriathaim gu hagadogaa ina, i de hagadee kii ina; de mommee buibui makaga gu hagadogaa ina ma de oohaa ina.

Isaiah 34:16

Huugea age de beebaa a Tagi Maolunga, mage daulia: E deai naa donu se manu nei e dee maleva, de manu nei ma dono soa, go hiidinga ia gu lava donu i de tala muna nei, gai dono Hagasaalunga gu hagabuni mai gilaadeu.

Nehemiah 4:3

Gai Tobiah, taane Ammon, ne duu hogi madali ia ga hai ange, “Delaadeu bae e hagaduu age naa e maoha naa donu huu i de gage ai o de gaaduu de vao!”

Nehemiah 2:19

Aagai ga langona huu e Sanballat, taane Horon, ma taane hai hegau go Tobiah, taane Ammon, aama Geshem, taane Arab, gai gilaadeu ga hakadanga ma de hagangadi mee gimaadeu ga hagataba, “Ni aha oodou ga hai naa? Goodou ga hai baasi ange naa gi de hodooligi?”

Nehemiah 2:10

Aagai de masavaa huu a Sanballat taane Horon, ma taane hai hegau go Tobiah, taane Ammon, ne langona ai mee nei, gai gilaau gu dee llodo i de humai o dahi dangada e balea ange de gau Israel.

Numbers 22:5

ne hai gi hulo hanu dangada hagailoo gi daho Balaam, tama daane a Beor i Pethor, se mommee e baa ange gi ssaalingaa vai go Euphrates, i dono henua donu, gi hagahia ia, gi hai ange, “Tilo, dahi huaadangada ssoa gu ssao mai i Egypt; gilaadeu gu hhao dahi mommee laumalie i honga de henua, gai gilaadeu gu loomai ma gu nnoho i ogu gaogao.

Nehemiah 8:2

Gai tangada haimeedabu go Ezra ne gaamai de beebaa o de hainga, gi mada i mua o de hagabuulingaa daane ma haahine, aama dangada alodahi e maua laa i de hagallongo ga tonu ange aagena, i tahi laangi o de hidu malama.