Nehemiah 12:42 - De Beebaa Dabu

⁴² gai Maaseiah, ma Shemaiah, ma Eleazar, ma Uzzi, ma Jehohanan, ma Malkijah, ma Elam, aama Ezer i kilaa hogi. Gai de hagabuulinga daahili go Jezrahiah e dagina.

Nehemiah 12:42 Referans Kwoze

Psalm 81:1

Daahili ange gi de Maadua, odaadeu mahi, i de malangilangi; hevaalogi duuhia de Maadua o Jacob i de malangilangi!

Psalm 95:1

Loomai, gidaadeu ga daahili ange gi Tagi Maolunga i de malangilangi; gidaadeu ga hevaalogi e tuhi de Baba e hagaola ina gidaadeu.

Nehemiah 11:14

gai olaadeu daina daane, ni daane mmahi i de hebagi, se 128. Gai delaadeu dagi go Zabdiel, tama daane a Haggedolim.

1 Chronicles 6:40

tama daane a Michael, tama daane a Baaseiah, tama daane a Malkijah,

Nehemiah 12:41

gai de gau haimeedabu e tuu ma alaadeu trumpet: go Eliakim, ma Maaseiah, ma Miniamin, ma Micaiah, ma Elioenai, ma Zechariah, aama Hananiah;

Nehemiah 12:43

Gai gilaadeu ne hai denga sigidaumaha lagolago mmao i de laangi laa, ma de malangilangi, go hiidinga de Maadua gu hagamalangilangi gilaadeu i de malangilangi laumalie. Denga haahine ma gauligi gu malangilangi hogi, gai delaadeu malangilangi i Jerusalem gu langona i de mommee mmao.

Nehemiah 10:8

ma Maaziah, ma Bilgai, aama Shemaiah. Aanei de gau haimeedabu.

Psalm 81:2

Langia dahi daahili, daalea de tambourine, ma de hagadangidangi i de lyre aama de harp.