Nehemiah 10:37 - De Beebaa Dabu

³⁷ Gai gimaadeu e gaamai hogi gi lodo mommee doange o de hale o demaadeu Maadua, ga gaavange gi de gau haimeedabu, tahi laabunga o amaadeu pelaoaa lligi ma amaadeu grain e sigidaumaha, aama hua i taamada o amaadeu manu alodahi, ma amaadeu uvaini hoou, aama lolo. Gai gimaadeu e daohi age hogi dahi diba i diba e madaangahulu o hua i honga omaadeu gelegele gi de aamuli o Levi, i hiidinga go gilaadeu e hagabudulia dahi diba i diba e madaangahulu i aduhale alodahi omaadeu e hai hegau ai.

Nehemiah 10:37 Referans Kwoze

Leviticus 23:17

Gai goodou ga gaamai, i oodou mommee nnoho, e dagilua duudangaa pelaoaa e daodaohi age, gai haia i e lua diba i diba e madaangahulu o dahi ephah pelaoaa lligi, ga labu i mee hagahua ga dao, aanei mee e gaavange gi Tagi Maolunga i denga hua i taamada.

Numbers 18:21

Au gu bolo ange gi de aamuli o Levi tahi diba i diba e madaangahulu mai denga sigidaumaha a de gau Israel, e hagao ai alaadeu hegau e hai i de hale malo hagabuni.

Nehemiah 13:9

Gai au ne hai hanu gi hagagilimalali ina denga aabi laa; gai au ga hagaahe ange denga goloa o de hale o de Maadua madali denga grain e hai ai ssigidaumaha, aama denga frankincense gi kilaa.

Nehemiah 13:5

gai ia ne hai dahi aabi laumalie moo Tobiah, go de mommee nogo dugu ai denga grain e hai ai ssigidaumaha, ma frankincense, ma goloa o de hale daumaha, aama tahi diba i diba e madaangahulu o denga grain, ma uvaini hoou ma lolo e gaavange gi hagadiilinga o Levi, ma de gau daahili, ma de gau hagaloosi haitoga, ma mee gu daohi age e gaavange gi de gau haimeedabu.

Deuteronomy 26:2

gai koe ga vvae gee hanu huamanu mai i huamanu alodahi aau e hagihagi i taamada, i honga doo gelegele a Tagi Maolunga doo Maadua e gaavadu gi de goe, ga hhao ange gi dahi gede ga kave gi de mommee a Tagi Maolunga doo Maadua e hili e dugu ai dono ingoo.

Deuteronomy 18:4

Oodou grain e hagihagi i taamada, ma oodou uvaini ma oodou lolo, aama huluhulu o oodou ssiibi e duuduu i taamada, e gaavange gi tangada haimeedabu.

Malachi 3:10

Goodou gaamai alodahi denga sigidaumaha o dahi diba i diba e madaangahulu gi dogu mommee doange, gi hanu ai gai i dogu hale. Gai hagatale ange ogu dagodo, go Tagi o denga hagabuulinga hebagi e hagadaba, gai goodou ga tilo dagu hhuge denga haitoga o de langi ga llingi iho denga manuuia lagolago, ga dae ai gi de hoohonu oodou mommee doange mee.

Malachi 3:8

E aha, e heohi de gaiaa a tangada mee a de Maadua? Gai goodou gu gaiaa donu agu mee! Aagai goodou e ssili, ‘Dee hee demaadeu hai ne gaiaa ai au mee?’ Goodou ne gaiaa dahi diba i diba e madaangahulu ma denga sigidaumaha.

2 Chronicles 31:6

Gai dangada o Israel ma Judah e nnoho laa i lodo aduhale o Judah ne gaamai hogi dahi diba i diba e madaangahulu o alaadeu kaau ma alaadeu ssiibi, ma dahi diba i diba e madaangahulu gu lava laa i de vvae ange gi Tagi Maolunga delaadeu Maadua, ga hagabudubudu ga dugu ai.

Romans 11:16

Noo tiba i mua o de laabunga ne sigidaumaha laa e dabu, gai de laabunga alodahi e dabu hogi; noo denga aga o de manu somo e dabu, aagai denga laa alodahi e dabu hogi.

Deuteronomy 14:22

Gai goodou vvae donu tahi diba i diba e madaangahulu mai i huamanu alodahi oodou e hagihagi i lodo oodou veelenga ngadau hugadoo.

Nehemiah 13:10

Au ne iloo hogi bolo tiba a denga hagadiilinga o Levi gu dee gaavange gi gilaadeu, deelaa ai, denga hagadiilinga o Levi ma de gau daahili e haia hegau gu aahe gi de mommee iai alaadeu veelenga.

Nehemiah 13:12

Gai dangada alodahi o Judah ga gaamai dahi diba i diba e madaangahulu o denga grain, ma uvaini, aama lolo gi lodo mommee doange.

Exodus 13:2

“Goodou hagadabu ina mai gi de au dama a denga manu e haanau i mua ma dama maatua alodahi a de gau Israel; gilaadeu niiagu.”

Exodus 13:12

gai goodou ga vvae denga dama daane madua alodahi a dangada ma dama a denga manu e haanau i mua mage hagadabu ina ange gi Tagi Maolunga.

Numbers 18:15

Mee alodahi e haanau i taamada, e dee hilihili be se dangada aabe se manu, gu hai ai ssigidaumaha ange gi Tagi Maolunga niiodou. Aagai goodou e hagao tama daane madua ma tama madua a de manu e dee gilimalali laa.

Numbers 18:18

Gai kano o manu nei niiodou, bei de aalanga o de lima e daodaohi age laa, aama de aalanga o de vae madau.