Nehemiah 10:36 - De Beebaa Dabu

³⁶ Gimaadeu e gaamai hogi gi de hale o demaadeu Maadua, amaadeu dama daane maatua ma tama e haanau i taamada i daho amaadeu manu haangai, ma amaadeu kaau ma amaadeu ssiibi, e gaavange gi de gau haimeedabu e haia hegau i kilaa, bei de hai gu sisi ai i de hainga.

Nehemiah 10:36 Referans Kwoze

Exodus 13:2

“Goodou hagadabu ina mai gi de au dama a denga manu e haanau i mua ma dama maatua alodahi a de gau Israel; gilaadeu niiagu.”

Galatians 6:6

Gai tangada e agoagona muna a de Maadua i daho dahi dangada, gi balea ange hogi tangada laa i ana mee danuaa alodahi e hanu.

Deuteronomy 12:6

ga kave oodou sigidaumaha dudu ma sigidaumaha ange laa, ma tahi diba i diba e madaangahulu, ma oodou mee e daohi age, ma mee oodou gu lava i de hagatoo donu ai, ma oodou mee e malangilangi i de ngadi gaavange, ma oodou kaau ma ssiibi e haanau i taamada.

Exodus 34:19

Denga dama daane madua alodahi ma manu daane alodahi a oodou manu haangai bei kaau, ma ssiibi aama guudi e haanau laa i taamada niiagu.

Numbers 3:13

go hiidinga denga ganimua alodahi niiagu. Go hiidinga de laangi aagu ne daa ai ga maakau denga ganimua i de henua go Egypt, gai au ne vvae gee denga ganimua a de gau Israel ga hai gi niiagu, e dee hilihili be go dama a dangada aabe go dama a denga manu. Gilaadeu nei niiagu. Go au go Iahweh.”

Exodus 23:19

Koe gaamai gi de hale o Tagi Maolunga doo Maadua denga hua i taamada o denga manu ssomo i honga doo gelegele. Aude duunaa tama a de guudi i lodo vai uu o dono dinana.

2 Chronicles 31:5

Gai de masavaa huu ne adi ange ai muna laa, gai de gau Israel ga gaamai denga grain, ma uvaini, ma lolo, ma hooni aama mee alodahi ne hagihagi i taamada i honga alaadeu veelenga. Gai ne lagolago mmao alaadeu mee ne gaamai, go tahi diba i diba e madaangahulu o mee alodahi.

Nehemiah 12:44

De masavaa laa gai ne hili ange hanu daane gi diiloo ange denga mommee doange e dugu ai laa mee a dangada e daohi age, ma denga huamanu e hagihagi i taamada, ma mee o dahi diba i diba e madaangahulu. Gai gilaadeu gi hagabudulia mee nei mai i veelenga o denga aduhale i luu baasi denga aduhale, go tiba gu dugu ange laa gi de gau haimeedabu, ma de aamuli Levi bei de hai gu sisi ai i de hainga. Go hiidinga dangada o Judah ne malangilangi i hegau a de gau haimeedabu ma de hagadiilinga o Levi.

Nehemiah 13:5

gai ia ne hai dahi aabi laumalie moo Tobiah, go de mommee nogo dugu ai denga grain e hai ai ssigidaumaha, ma frankincense, ma goloa o de hale daumaha, aama tahi diba i diba e madaangahulu o denga grain, ma uvaini hoou ma lolo e gaavange gi hagadiilinga o Levi, ma de gau daahili, ma de gau hagaloosi haitoga, ma mee gu daohi age e gaavange gi de gau haimeedabu.

Malachi 3:10

Goodou gaamai alodahi denga sigidaumaha o dahi diba i diba e madaangahulu gi dogu mommee doange, gi hanu ai gai i dogu hale. Gai hagatale ange ogu dagodo, go Tagi o denga hagabuulinga hebagi e hagadaba, gai goodou ga tilo dagu hhuge denga haitoga o de langi ga llingi iho denga manuuia lagolago, ga dae ai gi de hoohonu oodou mommee doange mee.