Nehemiah 10:29 - De Beebaa Dabu

²⁹ gilaadeu nei alodahi ne hagabuni madali olaadeu dangada aamua ga hai dahi hagamalaia ma de hagatoo donu bolo gilaadeu ga daudali i hainga a de Maadua gu gaavange laa gi gilaadeu mai i daho Moses, tangada hai hegau o de Maadua, gai gilaadeu gi daohia ga hai hegau i hainga alodahi a Tagi Maolunga taadeu Ia Aamua, ma ana hagamodu, aama ana mee gu hagasauaa:

Nehemiah 10:29 Referans Kwoze

Ezekiel 36:27

Gai au e hhao adu naa dogu Hagasaalunga gi oodou lodo, ma de hagangaalue goodou gi daudali i agu mee gu hagasauaa, aama de kana ange ga daohi agu hainga.

Psalm 119:106

Au gu hai dahi hagatoo donu ma gu hagasauaa, bolo au ga daohi au hagamodu heohi.

John 15:14

Goodou ni soa donu niiogu, noo goodou e daudali i agu muna e tala adu gi goodou.

Romans 12:9

Oodou aaloha gi se mee abodonu; goodou kino i de baubau, gai daohia de mee danuaa.

2 Chronicles 34:31

Gai de hodooligi ne duu i dono duulanga ga hai ai dahi hagatoo donu hagaheloongoi i mada luu mada o Tagi Maolunga, bolo ia e daudali ange i Tagi Maolunga ma de daohi ana hainga, ma ana muna gu tala hagadonu ma gu hagasauaa, i ono lodo alodahi ma dono hagasaalunga alodahi, ma de hai gi bei muna o de hagatoo donu hagaheloongoi gu sisi laa i lo te beebaa laa.

2 Kings 23:3

Gai de hodooligi ne duu i gaogao tuludulu i kilaa ga hai dahi hagatoo donu hagaheloongoi i mada luu mada o Tagi Maolunga, bolo ia e daudali ange i Tagi Maolunga ma de daohi ana hainga, ma ana muna gu tala hagadonu ma gu hagasauaa, i ono lodo alodahi, ma dono hagasaalunga alodahi, ma de hai gi bei muna o de hagatoo donu hagaheloongoi gu sisi laa i lo te beebaa laa. Gai dangada alodahi ne hagatoo donu hogi bolo gilaadeu e daudali i de hagatoo donu hagaheloongoi laa.

Acts 23:21

Aagai koe aude haia gi bei olaadeu lodo, go hiidinga e dinohaa duumaa daane gu nnoho e daa ia gi magau. Gilaadeu gu hai dahi hagatoo donu bolo gilaadeu e dee gaimee donu, aabe e unu ga dae ai gi delaadeu daa ia gi magau. Gilaadeu gu paba donu iainei, gai e tali adu donu huu koe gi uaa ange gi delaadeu dangidangi.”

Acts 17:34

Aagai hanu gilaadeu ne hagabuni ange gi de ia ma de hagadonusia ana muna, go Dionysius, dahi daane e dau laa i de hagabuulinga hagasaele go de Areopagus, aama de hine go Damaris, gai e hanu ange dangada madali gilaau.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

John 7:19

E aha, e dee go Moses ne gaavadu gi goodou de hainga? Gai e deai donu se goodou e daudali ai. Gai gu aha goodou gu ssala ai au e daa au gi magau?”

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

Malachi 4:4

Goodou manadua de hainga a dogu dangada hai hegau go Moses, ma muna gu hagasauaa aama agu hagamodu ne gaavange gi de ia i Horeb gi daalaa ange gi Israel alodahi.

Jeremiah 26:4

Gai koe hai ange gi gilaadeu, ‘E hagadaba Tagi Maolunga: Noo goodou e dee hagallongo mai gi de au, ga daudali i agu hainga gu gaavadu gi goodou,

Isaiah 14:1

Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Psalm 105:45

gai gilaadeu ga daohi ai ana muna gu hagasauaa, ma de daudali i ana hainga. Duuhia Tagi Maolunga!

Psalm 8:9

Tagi Maolunga, demaadeu Ia Aamua, doo ingoo e maolunga mmao i henua i lalo alodahi!

Psalm 8:1

Tagi Maolunga, demaadeu Ia Aamua, doo ingoo e maolunga mmao i henua i lalo alodahi! Koe gu hai doo mahamaha gi maolunga ange i de langi i lunga.

Nehemiah 13:25

Gai au ga hagasee gilaadeu ma de hagamalaia gilaadeu. Au ne daa hanu daane i olaadeu magavaa ga vele olaadeu biho. Au ne hai hogi gilaadeu gi hagatoo donu i de ingoo o de Maadua, gi hagataba, “Goodou e dee gaavange oodou damaa hine gi hai bodu ange gi alaadeu dama daane, be kave hanu alaadeu damaa hine gi hai bodu ange gi oodou dama daane, aabe gi hai bodu adu gi goodou.

2 Chronicles 6:16

Deenei ai, Tagi Maolunga, de Maadua o Israel, koe gi hagassula ina au hagatoo donu ange gi doo dangada hai hegau go David, dogu damana, koe ne hai ange, ‘E deai naa donu se masavaa e deai ai se dangada mai i doo hagadiilinga e hodooligi i honga Israel, i mada luoogu mada, noo au dama e kana ange e daudali i agu hainga, i mada luoogu mada bei oo dagodo.’

2 Kings 10:31

Aagai Jehu tee kana ange e daohi hainga a Tagi Maolunga, de Maadua o Israel, i ono lodo alodahi. Ia tee hano gee i haisala o Jeroboam, go mee aana ne hagahaisala ai de gau Israel.

Deuteronomy 33:4

Moses ne tala mai gi gimaadeu de hainga, gai se boolonga donu ange gi de hagabuulingaa dangada o Jacob.

Deuteronomy 5:32

Gai goodou kana ange haia gi bei muna a Tagi Maolunga doodou Maadua gu tala adu gi goodou; goodou aude hagahaisala ina.

Deuteronomy 5:1

Gai Moses ne hagahi de gau Israel alodahi ga hai ange: De gau Israel, goodou hagalaangona denga hainga gu hagasauaa ma hagamodu aagu e tala adu gi goodou ailaa nei. Goodou hagamaumau ina ma de kana ange ga daudali ai.

Numbers 5:21

(gai tangada haimeedabu gi haia de hine laa gi haia de hagatoo donu o de hagamalaia, ma de hai ange gi de hine laa), “Tagi Maolunga gi haia goe gi se mee hakino gee ma de hagamalaia i magavaa o oo dangada, i de masavaa aana e hai ai gi mmagi mee i magavaa luoo vae, ma de hai gi hua doo dinae.

Nehemiah 9:38

“Gai go hiidinga o mee nei alodahi, gimaadeu e hai dahi hagatoo donu, ga sisi ga daohi, gai omaadeu dagi, ma dangada de aamuli o Levi, aama omaadeu dangada haimeedabu ga hagasauaa i olaadeu hagailonga.”

Jeremiah 34:15

Aagai iainei goodou gu daahuli oodou lodo, ma gu hai hegau i de heohi i mada luoogu mada: dahi ma dahi gi dugua gi ilaage dangada doodou henua, goodou ne hai hogi dahi hagatoo donu hagaheloongoi madali au i de hale iai dogu ingoo.

Leviticus 20:26

Goodou gi dabu mai gi de au; i hiidinga go au donu go Iahweh, au e dabu, gai au gu vvae gee goodou mai i denga huaadangada ange laa, e hai ai ogu dangada.

1 Chronicles 9:2

Gai hanu dangada Israel ne aahe mai ga nnoho i olaadeu mommee i lodo olaadeu aduhale, madali de gau haimeedabu, ma dangada de aamuli o Levi, ma de gau e haia hegau o de hale daumaha.

Nehemiah 7:46

De gau e hai hegau o de hale daumaha: go hagadiilinga o Ziha, ma Hasupha, ma Tabbaoth,

Nehemiah 8:2

Gai tangada haimeedabu go Ezra ne gaamai de beebaa o de hainga, gi mada i mua o de hagabuulingaa daane ma haahine, aama dangada alodahi e maua laa i de hagallongo ga tonu ange aagena, i tahi laangi o de hidu malama.

Nehemiah 8:3

Gai ia ne dau ange denga hainga gi denga daane ma haahine, ma dangada alodahi gu maua laa i de tonu ange, i tuu malaelae i ma te Haitoga o denga Vai, mai i taiao ga dae ai gi de madohi lua de laangi. Gai dangada alodahi ne kana ange ga hagallongo muna o de beebaa o de hainga.

Nehemiah 9:2

Gai de gau Israel ne vvae gee gilaadeu mai i de gau henua gee alodahi, ga tuu ga tala olaadeu haisala aama baubau o olaadeu dubuna madagidagi.