Nahum 1:6 - De Beebaa Dabu

⁶ Goai e bau ange gi dono bole? Goai e maua gi ola noo e kona dono lili? Dono bole e humai bei de ahi ula, denga hadu e mahangahanga i ono mada i mua.

Nahum 1:6 Referans Kwoze

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Malachi 3:2

Aagai goai e maua i de lodo mmahi i de laangi oona e humai ai? Gai goai e maua i de duu i de masavaa oona e hagasula mai ai? Ia e bei naa dagodo o de ahi a de ia e hagagilimalali ina denga baalanga, ma soobe a de ia daa malo.

Nahum 1:2

Tagi Maolunga e lodo gaiaa, gai se Maadua e sui ange de baubau; Tagi Maolunga e sui ange baubau o ono hagadaumee. Tagi Maolunga e sui ange hegau a ono hagadaumee, ma de hagaduasala gilaadeu e kino i de ia i dono bole.

Psalm 76:7

Aagai go koe donu huu e heohi de maatagu ai o dangada! Goai e maua i de duu i mada luoo mada i de masavaa oou e lili ai?

Ezekiel 30:16

Au e dudu naa Egypt i de ahi; gai Pelusium e duasala naa i dono mmae. Thebes e oha naa ga maoha; Memphis e duasala naa i laangi alodahi.

Lamentations 4:11

Tagi Maolunga gu bole mmao, ia gu hagahai hegau dono lili, Ia gu dahu dahi ahi i Zion e dudu ai de aduhale alodahi.

Lamentations 2:4

Ia ne dada dana mee hholu bei hegau a de hagadaumee; gai dono lima madau gu baba donu. Ia ne daa ga maakau gilaadeu alodahi e tilo danuaa, bei hegau a de hagadaumee; ia ne llingi iho dono bole bei de ahi gi honga de hale malo o tamaa hine o Zion.

Isaiah 27:4

Gai au e dee lili ai naa donu. Mee naa gi hanu manu daladala ma manu duiduia e hai baasi mai gi de au! Gai au ga hebagi ange gi gilaadeu; ga dudu mee nei alodahi i de ahi.

Isaiah 10:16

Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Psalm 90:11

Goai e donu ange gi mahi o doo lili? Gai doo lili e laumalie mmao bei de madagu i de goe.

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

1 Kings 19:11

Gai ia ne hai ange, “Sao mai hannoo duu i honga de mounga i mada luu mada o Tagi Maolunga. Gai tilo, Tagi Maolunga e humai naa laa oo gaogao.” Gai dahi madangi laumalie ma de mmahi ne dau mai ga oha denga mounga ma de dili iho denga hadu, i mada i mua o Tagi Maolunga, aagai Tagi Maolunga e dee noho i lo te madangi laa. Dua de madangi laa gai de henua gu ngalungalue, aagai Tagi Maolunga e dee noho i de ngalungalue o de henua.

Revelation 16:8

Gai de haa dangada de langi ne llingi ange mee i lo tana boolo gi de laa, gai gu gaavange ssauaa gi de laa gi duungia ai dangada i de ahi.

Revelation 16:1

Gai au ne langona ange hogi dahi leo i lo te temple e basa ange gi denga dangada de langi dogohidu laa ma e hai ange, “Goodou hulo liingia ange gi henua i lalo mee i lodo boolo e hidu o de bole o de Maadua!”

Revelation 6:17

Go hiidinga gu dae mai de laangi olaau e pole ai, gai goai naa donu e maua i de hai baasi ange?”

De Beebaa go Job 40:11

Haia gi humai doo lili ma doo bole, gai diiloo hagamaolalo ina tangada hagamaolunga;

Psalm 130:3

Tagi Maolunga, noo koe e golo age de baubau, de Ia Aamua, gai goai ai naa e maua i de duu?

Isaiah 13:13

Deelaa ai, au e hai naa gi ngalungalue de langi; gai henua i lalo gi ngalue gee mai i dono duulanga, i de laangi o de bole o Tagi o denga hagabuulinga hebagi, ma de laangi o dono lili laumalie.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Jeremiah 21:12

de huaabodu o David, e hagadaba Tagi Maolunga: Goodou hai hegau i de mee heohi i laangi alodahi; hagaola ina tangada gu gaiaadia ono goloa, i tangada e vaivai haia ia; kana dae mai dogu bole gi goodou, bei de ahi ula e dee maua laa i de diinei, i hiidinga o oodou hegau baubau.’

Ezekiel 7:8

Au gu dai hagaago adu naa gi goodou dogu bole, gi sili ai dogu lili i goodou; au e hagamodu naa oodou muna gi bei dagodo o oodou hegau, ma de sui adu oodou dahulinga hakino gee alodahi.

Ezekiel 21:31

Au e hagaduasala naa goe i dogu bole ma de hai baasi adu gi de goe i de kona dogu bole; au e dugu ange naa goe gi de gau alasala, go dangada e aabo i de oha mee.

Ezekiel 39:6

Gai au e hai naa gi hano iho de ahi gi duungia Magog ma dangada alodahi e nnoho paba laa i tagudai, gai gi iloo ai e gilaadeu bolo go au donu go Iahweh.

Zephaniah 2:2

i mua de dae mai o de masavaa gu hagasauaa laa, i mua de laangi o denga gili grain e ilihia laa ga gaavee, i mua de dae mai gi goodou de lili laumalie o Tagi Maolunga, i mua de dae mai gi goodou de laangi o de bole o Tagi Maolunga.

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

De Beebaa go Job 9:5

Ia e hagangaalue denga mounga, gai denga mounga e dee iloo; ia e hagahuuhuli gilaadeu gi lalo i dono lili.

De Beebaa go Job 26:11

Denga duludulu o de langi e ngalungaalue i delaadeu maatagu i dono bole.

Psalm 76:8

Koe e hagamodu muna mai i de langi; gai henua i lalo e dee mmuu naa i delaadeu maatagu,

Isaiah 33:14

De gau haisala i Zion gu maatagu mmao; dangada e dee hai lodo o de Maadua gu bolebole: “Goai de gidaadeu e maua i de noho madali de ahi e duungia laa mee? Gai goai de gidaadeu e maua i de noho i de mommee iai de ahi e ula laa ga hano ai?”

Lamentations 2:3

Ia ne hai gi deai mahi o Israel i hiidinga de kona dono lili. Ia ne aau dono lima sauaa e buibui ai laa gilaadeu, i de masavaa o olaadeu hagadaumee ne loomai ai. Ia ne hai baasi ange gi Jacob bei dagodo o de ahi, ga hagallilo mee alodahi i kilaa.