Micah 7:5 - De Beebaa Dabu

⁵ Aude hagadonusia tangada e baa adu gi de goe, gai gi dee tali hagalodolodo ange gi doo soa. Koe gi dagidiiloo hogi au muna e tala ange gi de hine i doo gaogao.

Micah 7:5 Referans Kwoze

Jeremiah 9:4

Tangada gi kana gi dagidiiloo dangada e paa ange gi de ia, aude hagadonusia dahi oo daina. Go hiidinga dangada alodahi ni dangada hadu muna, gai tangada e baa adu se dangada adi longo.

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

Psalm 41:9

Dogu soa danuaa hugadoo, go de ia aagu e hagadonu, ma de gaimee madali au, gu hai baasi mai gi de au.

Psalm 141:3

Tagi Maolunga, dagidiiloo mai agu muna e tala i dogu ngudu; koe gi hagaloosi ina de abaaba o luoogu malaungudu.

Lamentations 1:2

De aduhale laa e kona mmao de dangi i de boo, ono loimada gu ssali iho gi luoono galaahuu; gu deai se dangada i magavaa o ono soa e hagaaneane ina ia. Ono soa alodahi gu vaivai daakodo ange gi de ia, gilaadeu gu ni hagadaumee niiona.

Judges 14:17

Gai de hine laa ne dangi ange gi Samson i denga laangi e hidu ne hai ai laa taonga. Gai de hagahidu laangi huu, gai Samson ga tala ange gi de ia de hagadoonunga o de mee hagasengasenga laa, go hiidinga de hine laa ne usuusu ange ia. Gai de hine laa ga tala ange gi denga daane o dono henua.

Psalm 38:14

Au gu bei dagodo o tangada longoduli, aama tangada e dee maua i de basa.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.