Micah 6:8 - De Beebaa Dabu

⁸ Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Micah 6:8 Referans Kwoze

Proverbs 21:3

De hai hegau i de heohi ma de hagamodu heohi e kii ange de hagamogomogo i daho Tagi Maolunga i ssigidaumaha.

Colossians 3:12

Deenei ai, goodou dangada a de Maadua gu hili e hai ai ono dangada, goodou e dabu ma de hagamogomogo, goodou gi hai hegau i de lodo aloha, ma de abodonu, ma de lodo maolalo, ma de daudonu, ma de golomagi lodo.

Jeremiah 22:3

E hagadaba Tagi Maolunga: Goodou hai hegau i de mee heohi ma de soe. Gai hagaola ina tangada gu gaiaadia ono goloa, i tangada vaivai dagodo. Goodou aude haia de baubau aabe gi vaivai haia tangada henua gee, de gauligi gu deai sono damana, aabe go de hine gu magau dono bodu. Gai goodou aude daia gi magau tangada tigi haisala i de mommee nei.

Hosea 6:6

Go hiidinga au e lodo i de lodo aloha, e dee go ssigidaumaha; au e lodo i de iloo mee o de Maadua, e dee go denga sigidaumaha dudu.

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

1 Peter 3:8

Aanei agu muna hagaodi: goodou alodahi gi buni i de lodo daudahi, ma de hagadau abodonu, ma de hagadau aaloha o denga daina, ma de llodo aaloha ma de llodo maolalo.

Luke 6:36

Goodou llodo aaloha, bei dagodo o doodou Damana, ia e lodo aloha.

Luke 11:42

E vakaa naa goodou e denga Pharisee! Goodou e gaavange dahi diba i diba e madaangahulu o oodou mint ma rue aama mee mai i denga manu ssomo, gai e hagangadi mee de hagamodu muna heohi ma de aloha o de Maadua. E heohi donu doodou hai mee nei, gai e dee tili mee ange laa.

Amos 5:24

Aagai doodou hai hegau i de hagamodu heohi gi bei dagodo de sali o saalingaa vai, gai doodou hai hegau i de heohi gi bei ssaalingaa vai e dee maua laa gi masa!

Matthew 5:7

E manuuia gilaadeu e llodo aaloha; gilaadeu e kave naa hogi de lodo aloha!

Ephesians 4:32

Gai goodou gi hagadau abodonu ma de hagadau aaloha, ma de hagadau degi ange gi haisala i oodou magavaa, bei de hai a de Maadua ne degi adu ai laa gi goodou i daho Klisdo.

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Ecclesiastes 12:13

Gidaadeu gu langona mee alodahi; gai aanei muna hagaodi: koe gi madagu i de Maadua ma de daohi ana hainga; deenei donu de hegau laumalie a tangada e hai.

Hosea 12:6

Deenei ai, koe gi aahe mai gi doo Maadua; hai hegau i de abodonu ma de hagamodu heohi, ma de tali hagalodolodo ange gi doo Maadua i masavaa alodahi.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Matthew 5:3

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Zephaniah 2:3

Goodou saalaa Tagi Maolunga, alodahi e daudonu i honga de henua, ma de daudali i ana muna. Goodou saalaa de mee heohi, saalaa de lodo maolalo; kana adu ia e buibui naa goodou, i de laangi o Tagi Maolunga e bole ai.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Psalm 37:26

Gai gilaadeu e abodonu ange gi dangada ma de ngadi gaavange mee; gai olaadeu hagadiilinga e manuuia.

Nehemiah 9:13

Koe ne hano iho gi de mounga go Sinai, ga basa ange gi gilaadeu mai i de langi ga gaavange gi gilaadeu au hagamodu ssoe, ma au hainga heohi, ma au mee gu hagasauaa aama au muna danuaa gu tala mai.

Psalm 112:4

De maalama e hagamaalama gilaadeu e heohi i de masavaa e gohu ai, go hiidinga gilaadeu e abodonu ma de lodo aaloha aama de heohi.

Lamentations 3:26

Se mee danuaa de golomagi lodo o tangada ga tali ai de hagaola a Tagi Maolunga.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Psalm 73:28

Aagai au, e danuaa dogu hagabaa ange gi de Maadua; au gu hai de Ia Aamua go Iahweh go dogu buibui, gai au ga tala ai dagodo o au hegau alodahi.

2 Chronicles 34:27

Go hiidinga koe ne dahuli oo lodo ga hagamaolalo i mada luu mada o de Maadua, i dau masavaa aau ne langona ai ana muna, e hai baasi ange ai gi de mommee nei ma ono dangada, ma hiidinga doo hagamaolalo i mada luoogu mada, ga ssae oo malo ma de dangi i ogu mada i mua — deenei ai, e hagadaba Tagi Maolunga: Au gu langona au muna.

James 2:20

Koe se dangada donu senga, koe e lodo gi hagaagona adu bolo de gai e deai laa ono hegau e deai donu ono haigamaiana?

Romans 7:16

Gai noo au e hai mee aagu e dee lodo e hai, gai e bei au gu hagadaba bolo de hainga e danuaa.

2 Chronicles 32:26

Aagai Hezekiah ne sui dono lodo maolunga ga hagamaolalo, madali dangada e nnoho i Jerusalem; deelaa ai, Tagi Maolunga tee hagaduasala gilaadeu i dono bole i de masavaa o Hezekiah.

1 Samuel 12:23

Gai au, au e dee haisala ange naa donu gi Tagi Maolunga ga tuu ai dogu dalodalo i oodou hiidinga. Gai au e agoago adu naa goodou i de mee danuaa aama de mee heohi.

Romans 9:20

Koe se dangada, gai go koe goai, gai koe ga tugi ange ai muna a de Maadua? E maua e de gumedi hadu i de hai ange gi tangada hai gumedi, “Gu aha goe gu hai ai nei au gi dagodo bee nei?”

Luke 10:42

aagai e dahi donu huu mee e heohi i de hai. Gai Mary gu hili de mee e kii ange tanuaa, gai e dee maua donu i de kave gee mai i ono daha.”

Ezekiel 16:63

Gai koe e manadua naa ma de dogaa; koe e dee ahe ange naa donu e tala hanu muna, i hiidinga doo dogaa, i dagu masavaa e hagaheohi ai au mee alodahi gu hai, go de Ia Aamua go Iahweh e hagadaba.’ ”

2 Chronicles 33:23

Aagai ia tee bei dagodo o dono damana go Manasseh, ia tee hagamaolalo ono lodo i mada luu mada o Tagi Maolunga; ia ne hai ga kii ange de lagolago ono haisala.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

Genesis 5:22

Gai Enoch ne seesee madali de Maadua i e 300 ngadau, i dua dana hagadili Methuselah, gai ne hanu ange dama daane ma damaa hine aana ne hagadili.

Leviticus 26:41

mee nei gu hai gi hai baasi ange au gi gilaadeu, gai au ne kave gilaadeu gi de henua o olaadeu hagadaumee — gai de masavaa naa huu e hagamaolalo ai olaadeu lodo, gai gilaadeu ga hagaduasala i hiidinga olaadeu haisala,

2 Chronicles 33:19

Gai dana dalodalo, ma dagodo de basa ange o de Maadua gi dana dalodalo, ma ono haisala alodahi ma dono dee hai hegau i de muna abodonu, ma mommee aana ne hagatuu ai mommee daumaha ga hagatuu ai denga duludulu laagau o Asherah ma denga diinonga, i mua dana hagamaolalo ono lodo — mee nei gu sisi i lodo beebaa a dangada e daalaa mee e loomai.

1 Corinthians 7:16

De hine dau bodu, koe e dee iloo donu be go koe e hidi ai de hagamouli o doo bodu. Taane dau bodu, koe e dee iloo donu be go koe e hidi mai ai de hagamouli o doo bodu.

2 Chronicles 30:11

Aagai e hanu daane o Asher, ma Manasseh, ma Zebulun ne hagamaolalo olaadeu lodo ga loomai gi Jerusalem.

Luke 12:14

Iesu ne hai ange gi de ia, “Taane nei, goai ne haia ngau gi se dangada hagamodu muna aabe se dangada e vaaea ooluu mee ma doo daina?”

Deuteronomy 30:15

Tilo, anailaa nei gai au gu dugu i oodou mada i mua de mouli ma tanuaa, aabe go de magau ma de baubau.

Isaiah 56:1

E hagadaba Tagi Maolunga: “Hai hegau i de hagamodu heohi, gai haia de mee heohi, go hiidinga dagu hagaola gu baa mai donu, gai dogu heohi gu dai hagaago mai donu.

Ezekiel 33:14

Gai noo au e hai ange gi tangada baubau, ‘Koe e magau donu,’ aagai noo ia e dahuli gee i ono haisala ga hai hegau i de mee danuaa ma de heohi —

Micah 6:9

De leo o Tagi Maolunga e hagahi ai de aduhale — gai de heiangi abodonu go de madagu i doo ingoo — “Hagallongo ange gi de laagau haele ma de ia ne hagamodu ina.

Zechariah 7:9

“E hagadaba Tagi o denga hagabuulinga hebagi: ‘Goodou hagamodu ina muna o dangada i de heohi, goodou abodonu, ma de hagadau aaloha i oodou magavaa.

Deuteronomy 27:10

Deenei ai, goodou hagallongo ange gi Tagi Maolunga doodou Maadua, ma de daohi ana hainga ma ana mee gu hagasauaa, go mee aagu gu tala adu gi goodou anailaa nei.”

Joshua 24:14

Gai goodou maatagu i Tagi Maolunga ma de daumaha ange gi de ia i de muna abodonu, ma de hai hegau ange gi de ia i de mee abodonu. Goodou dilia denga diinonga a oodou dubuna ne daumaha ange aagena i de baasi laa o Euphrates ma Egypt, aagai daumaha ange gi Tagi Maolunga.

Psalm 101:1

Au e daahili i hiidinga doo abodonu ma dau hagamodu heohi, Tagi Maolunga, au e daahili ma de tuhi goe.

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Jeremiah 22:16

Ia ne bale ange de gau hagaau aloha ma de duasala, deelaa ai, ia ne duadonu. Gai e dee deelaa de hagadoonunga o de iloo e tangada ogu dagodo? go Tagi Maolunga e hagadaba.